The End Of The F***ing World (հեռուստասերիալ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
The End Of The F***ing World
Ժանրդրամա և կատակերգություն
ԵրկիրFlag of the United Kingdom.svg Միացյալ Թագավորություն
ՌեժիսորJonathan Entwistle? և Q47500723?
Գլխավոր
դերերում
Ալեքս Լոուտեր և Jessica Barden
ՍցենարիստCharlie Covell?
ԵրաժշտությունGraham Coxon?
Եթերաշրջանների քանակ2
Սերիաների քանակ16
Էկրաններին էհոկտեմբերի 24, 2017-ից հոկտեմբերի 24, 2017
ՀեռուստաալիքChannel 4
Պաշտոնական կայքէջ

The End Of The F***ing World, բրիտանական հեռուստասերիալ, համատեղված դրամա, սև հումոր և road movie ժանրերով։ Այն նկարահանված է Չարլզ Ֆորսմանի համանուն կոմիքսների հիման վրա: 2017 թվականի հոկտեմբերի 24֊ին բոլոր ութ սերիաները ցուցադրվել են Channel 4 հեռուստաալիքով: Այն նաև հասանելի է All 4 ծառայությունում։ «Netflix» ամերիկյան ընկերությունը 2017 թվականի վերջից սկսել է սերիալի միջազգային տարածումը։

Սյուժե[խմբագրել | խմբագրել կոդը]

Սյուժեի կենտրոնում են երկու բարդ բնավորությամբ դեռահասներ՝ Ջեյմսը և Ալիսան։ Երկուսն էլ տասնյոթ տարեկան են։ Ջեյմսը, մանուկ հասակում ականատես լինելով մոր ինքնասպանությանը, փակ բնավորություն է ձեռք բերում, իրեն համարում է խելագար և վաղուց երազում է փոքր կենդանիների սպանելուց անցնել մարդ սպանելուն։ Ալիսան քմահաճ խռովարար է, ով իրեն ավելորդ է զգում իր մոր նոր ընտանիքում և փորձում է գտնել իր հորը, ով իրեն տարիներ առաջ լքել է։ Նրանք ծանոթանում են դպրոցում և երկուսով փախչում են Ջեյմսի հոր մեքենայով։ Ջեյմսը իր հետ դանակ է վերցնում՝ հույս ունենալով հարմար պահի սպանել Ալիսային։

Շուտով մեքենան փչանում է, իսկ դատարկ տան սեփականատերը, որտեղ զույգը բնակություն է հաստատում, պարզվում է, որ սերիական մարդասպան է։ Երբ վերջինս հարձակվում է Ալիսայի վրա, Ջեյմսը նրան դանակով սպանում է։ Նրանք շարունակում են շարժվել այն ուղությամբ, որտեղ ապրում է Ալիսայի հայրը, սակայն հիմա նրանց փնտրում են երկու կին դետեկտիվներ։ Ճանապարհին նրանք ևս մեկ մեքենա են գողանում և տուրուդմփոց ստեղծում բենզալցակայանում, երբ սեփականատերը փորձում էր նրանց ոստիկանություն հանձնել։ Ալիսայի ազդեցության տակ Ջեյմսը աստիճանաբար փոխվում է։ Սերիաներից մեկում, երբ նա նստած է ոստիկանական բաժանմունքում, մտածում է, որ այլևս չի ցանկանում խենթ լինել։

Երբ Ալիսան գտնում է հորը ծովափնյա տանը, նրանք երկուսն էլ ուրախանում են։ Սակայն շուտով պարզվում է, որ իր հայրը թմրավաճառ է և որ ևս մեկ ընտանիք և փոքր տղայի է միայնակ թողել։ Ջեյմսը հասկանում է, որ բենզալցակայանում կատարվածը նկարահանված է եղել, և որ իրենց շուտով կգտնեն։ Երկուսն էլ որոշում են հեռանալ Ալիսայի հոր նավակով, սակայն չեն հասցնում։ Քննիչներից մեկը նրանց գտնում է ծովափնյա տանը, և քանի որ այդ օրը Ջեյմսի 18-ամյակն է, նա համոզում է նրան, որպեսզի հանձնվի, հակառակ դեպքում իրենց համար ավելի վատ կլինի։ Հասկանալով, որ իրենց վաղ թե ուշ կձերբակալեն՝ Ջեյմսը որոշում է ձևացնել Ալիսային առևանգող և ամբողջ մեղքը իր վրա վերցնել։ Նա փախչում է իրեն հետապնդող ոստիկաններից դեպի ծովափ։ Իր վերջին միտքը սա է՝ «Այսօր ես 18 տարեկան եմ, և ինձ թվում է, որ այժմ հասկանում եմ, թե ինչ նշանակություն ունեն մարդիկ միմիյանց համար»։ Դրանից հետո էկրանը սևանում է և կրակոցի ձայն է լսվում։

Դերերում[խմբագրել | խմբագրել կոդը]

Դերասան Դեր
Ալեքս Լոուտեր Ջեյմս
Ջեսիկա Բարդեն Ալիսա
Ջեմա Ուիլան դետեկտիվ Յունիս Նուն
Վունմի Մոսակու դետեկտիվ Թերի Դարագո
Սթիվ Օրամ Ջեյմսի հայր Ֆիլ
Քրիստին Բոթոմլի Ալիսայի մայր Գվեն
Նևին Չոուդրի Ալիսայի խորդ հայր Թոնի
Բարրի Ուորդ Ալիսայի հայր Լեսլի
Ջոնաթան Արիս գրող և սերիական մարդասպան Քլայվ Կոխ
Մեթ Քինգ դետեկտիվ
Ալեքս Սոյեր Թոֆեր

Եթերաշրջաններ[խմբագրել | խմբագրել կոդը]

Եթերաշրջան Սերիաներ Ցուցադրման պաշտոնական ամսաթիվ
Եթերաշրջանի

սկիզմ

Եթերաշրջանի

ավարտ

1 8 Հոկտեմբերի 24, 2017
2 8 Նոյեմբերի 5, 2019

Շարունակություն[խմբագրել | խմբագրել կոդը]

2018 թվականի օգոստոսի 21-ին Channel 4-ի Թվիթթերյան էջում հայտարարվեց, որ սերիալը երկարացվել է երկրորդ եթերաշրջանով[1][2][3][4]:

Ազդեցություն մշակույթի վրա[խմբագրել | խմբագրել կոդը]

  • Հեռուստասերիալը մեծ ազդեցություն է ունեցել և ոգեշնչման աղբյուր է հանդիսացել «The Last of Us Part II» խաղի համար[5][6]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]