Jump to content

Sucker Punch Productions

Վիքիպեդիայից՝ ազատ հանրագիտարանից
Sucker Punch Productions
Տեսակտեսախաղեր մշակող
Հիմնադրված էհոկտեմբեր 1997
ՎայրԲելվյու, Քինգ շրջան, Վաշինգտոն, ԱՄՆ
Երկիր ԱՄՆ
Արդյունաբերությունտեսախաղերի արդյունաբերություն
Աշխատողների թիվ80 մարդ (2014)[1]
Մայր ընկերությունPlayStation Studios?[2]
ՍեփականատերPlayStation Studios?[2]
Կայքsuckerpunch.com​(անգլ.)

Sucker Punch Productions, ամերիկյան ստուդիա, որը զբաղվում է համակարգչային խաղերի մշակմամբ և հիմնված է Վաշինգտոն նահանգի Բելվյու քաղաքում։ Ընկերությունն առավել հայտնի է PlayStation կոնսոլների համար վիդեոխաղերի ֆրանշիզաների ստեղծմամբ՝ Sly Cooper և Infamous, ինչպես նաև Ghost of Tsushima։ 2011 թվականից այն Sony Computer Entertainment-ի դուստր ձեռնարկությունն է, իսկ 2020 թվականի դրությամբ Sucker Punch-ում աշխատում է մոտ 160 մարդ[3]։

Sucker Punch-ըստուդիան հիմնադրվել է 1997 թվականի հոկտեմբերին Microsoft-ից դուրս եկած մի թիմի կողմից, որի կազմում եղել են Բրայան Ֆլեմինգը, Դարրել Պլանկը, Քրիս Ցիմերմանը, Բրյուս Օբերգը, Թոմ և Քեյթի Սակսթոնները։ Նրանց առաջին խաղը եղել է Nintendo 64-ի համար բացառիկ Rocket: Robot on Wheels պլատֆորմերն։ Խաղը լավ առևտրային ցուցանիշներ չի գրանցել, բայց ստացել է դրական արձագանքներ խաղային քննադատների կողմից, ինչը խթան է հանդիսացել թիմին 2002 թվականին մշակել ևս մեկ պլատֆորմեր՝ Sly Cooper and the Thievius Raccoonus-ը։ Մշակողները դիմել են Sony-ին՝ խնդրելով հանդես գալ որպես հրատարակիչ, և խաղն անսպասելիորեն հաջողակ դարձավ ինչպես վաճառքի, այնպես էլ լրագրողների գնահատականների առումով՝ առաջացնելով PlayStation-ի համար մի ամբողջ ֆրանշիզա երկու շարունակություններով, որոնք թողարկվել են համապատասխանաբար 2004 և 2005 թվականներին՝ Sly 2. Band of Thieves և Sly 3: Honor Among Thieves:

Sly Cooper-ի վրա աշխատելուց հետո Sucker Punch-ը որոշել է շարունակել իր արգասաբեր համագործակցությունը Sony-ի հետ և ձեռնամուխ է եղել բաց աշխարհում սուպերհերոսական խաղի ստեղծմանը՝ Infamous-ի։ Դրան հաջորդել են երկու շարունակություններ՝ Infamous 2-ը և Infamous: Second Son-ը, ինչպես նաև վերջինիս սփին-օֆը՝ Infamous First Light-ը։ Երկրորդ Infamous-ի թողարկումից հետո, 2011 թվականին Sony-ն ձեռք է բերել Sucker Punch-ը չհրապարակված գումարով։ Second Son-ից և First Light-ից հետո ստուդիան վեց տարի շարունակ մշակել է Ghost of Tsushima խաղը, որը թողարկվել է 2020 թվականին և դարձել PlayStation 4-ի ամենավաճառվող էքսկլյուզիվներից մեկը։

Պատմություն

[խմբագրել | խմբագրել կոդը]

Rocket-ի հիմնադրում և ստեղծում

[խմբագրել | խմբագրել կոդը]

Sucker Punch Productions-ը հիմնադրվել է 1997 թվականի հոկտեմբերին Բրայան Ֆլեմինգի, Դարել Պլանկի, Քրիս Ցիմերմանի, Բրյուս Օբերգի, Թոմ Սաքսթոնի և Քեթի Սաքսթոնի կողմից։ Վեցնյակը հանդիպել է Microsoft-ում միասին աշխատելու ժամանակ[4][5]։ Ցիմերմանը հիասթափվել էր կորպորացիայում իր աշխատանքից և ցանկանում էր այլ բաներով զբաղվել։ Նա Ֆլեմինգի և Օբերգի հետ կիսվել է համակարգչային խաղեր մշակող ստուդիա ստեղծելու իր գաղափարով։ Ընկերությունը իր անվանումը ստացել է Microsoft-ի այլ կոդային անունների արդյունքում։ Ցիմերմանը կնոջ հետ կիսվում էր անվան տարբերակներով, և նա խորհուրդ էր տալիս չօգտագործել «Sucker Punch» բառակապակցությունը, բայց նրա խնդրանքն անտեսվեց. խաղացողների թիրախային լսարանը այդ տարիներին հիմնականում երիտասարդ տղամարդիկ էին, իսկ նրանց խումբը համահունչ էր «Sucker Punch»-ին։ Հիմնադրումից անմիջապես հետո թիմը սկսեց իր առաջին խաղի մշակումը։ Տեսնելով այնպիսի խաղերի թողարկումը, ինչպիսին է Oddworld: Abe’s Oddysee-ն PlayStation-ում, թիմը զգաց, որ իրենց չի բավականացնում փորձն ու հմտությունները ավելի մեծ վիդեոխաղերի հսկաների հետ մրցելու համար։ Դրա պատճառով թիմը որոշեց ստեղծել բացառիկ խաղ Nintendo 64-ի համար՝ Puzzle Factory կոդային անվանումով։ Նրանց դեբյուտը ոգեշնչված էր The Incredible Machine-ից և սկզբում պետք է արվեր եռաչափ գրաֆիկայով, բայց թիմը հրաժարվեց այդ մտքից։ 1998 թվականին Թոմը և Քեթի Սաքսթոնը լքեցին ստուդիան[4]։ Activision Electronic Arts Ubisoft Electronic Entertainment Expo

Nintendo-ից մշակման սարքավորումներ գնելուց հետո, հիմնադիրները իրենց գումարներով ֆինանսավորեցին Sprocket պլատֆորմերը[4]։ Sucker Punch-ը այն ներկայացրեց տարբեր հրատարակիչների, հենց որ խաղի կեսն ավարտվեց[6]։ Սկզբում ստուդիան դիմեց Activision-ին և Acclaim Entertainment-ին՝ խնդրելով հրատարակել խաղը, բայց հրատարակիչները հետաքրքրված չէին նախագծով։ Sucker Punch-ը խաղը առաջարկեց նաև Sony-ին, բայց նրանք մերժեցին, քանի որ Sprocket-ը նախատեսված էր Nintendo 64-ի համար, որը PlayStation-ի գլխավոր մրցակիցներից մեկն էր։ THQ-ն գրեթե համաձայնել էր հրատարակել խաղը, բայց E3 1999-ից մի քանի շաբաթ առաջ նրանց գործարքը անհայտ պատճառով չեղարկվեց։ Electronic Arts-ն առաջարկեց Sucker Punch-ին համատեղ պայմանագիր կնքել իրենց խաղը PlayStation 2-ի համար հրատարակելու համար, բայց դրա համար հարկավոր կլիներ հրաժարվել Sprocket-ից, և մշակողները մերժեցին։ Մինչ ընկերությունը փորձում էր հրատարակիչ գտնել, պլատֆորմերի մշակումը ընթանում էր սահուն։ Խաղի վրա աշխատում էր տասնյոթ մարդ։ Sprocket-ի արտադրությունն ավարտվեց այն բանից հետո, երբ Ubi Soft-ը համաձայնեց հանդես գալ որպես հրատարակիչ՝ տեսնելով մամուլի դրական արձագանքը դրա վերաբերյալ։ Ապրանքային նշանի գրանցման շուրջ վեճերի պատճառով խաղը վերանվանվեց Rocket: Robot on Wheels[4][7]: Պլատֆորմերը դրական արձագանքներ ստացավ խաղային քննադատների կողմից, բայց ձախողվեց վաճառքի առումով, և Ֆլեմինգը խաղացողների արձագանքը իրենց դեբյուտին նկարագրեց որպես «սառը»[5]:

Sly Cooper-ի հաջողությունը

[խմբագրել | խմբագրել կոդը]

Rocket-ի բավականին «խառը» հաջողությունից հետո, Sucker Punch-ն սկսեց մշակել իր հաջորդ խաղը՝ Sly Cooper and the Thievius Raccoonus-ը, որի գլխավոր հերոսը արկածախնդիր ջրարջն է։ Ըստ Ֆլեմինգի, «դիմակ կրող ջրարջը ինչ-որ կերպ զվարճալի թվաց նրան»։ Օգտվելով իր դեբյուտի սխալներից՝ Sucker Punch-ն առաջինը որոշել է հրատարակիչ գտնել։ Ֆլեմինգը նշում էր, որ ամենահաջողակ պլատֆորմերները թողարկվել են PlayStation կոնսոլների վրա, ուստի թիմը դիմեց Sony-ին՝ խնդրելով դառնալ PlayStation 2-ի խաղի հրատարակիչը։ Sony-ի հետ համագործակցությունը թույլ տվեց թիմին օպտիմալացնել իրենց նպատակները, քանի որ նրանք խաղը մշակում էին մեկ հարթակի համար[6]: Քանի որ խաղը մշակվել է երիտասարդ լսարանի համար, Sucker Punch-ն ի սկզբանե անհանգստանում էր, որ Կուպերը գող է, որը խրախուսում է գողությունը։ Սցենարիստները մի փոքր ուղղեցին դա. Սլայը գողանում է միայն այլ նմանատիպ գողերից։ Thievius Raccoonus անվանումը հորինել են մշակողները, անգլերենում նման բառակապակցություն չկա[5]: Ընդհանուր մշակումը տևել է երեք տարի, և այդ ընթացքում Դարել Պլանկը լքել է ստուդիան[4][8]: Ստեղծագործական տնօրեն Նեյթ Ֆոքսը Sly Cooper-ի թողարկումը նկարագրել է որպես «լարված փորձ թիմի համար», այն ժամանակ Sucker Punch-ը բավականաչափ հայտնի չէր և անհանգստանում էր «այդքան հիմար» խաղի նկատմամբ հետաքրքրության համար[8]: Բայց Sly Cooper-ը խաղացողների և քննադատների կողմից ստացավ չափազանց դրական արձագանքներ և դարձավ առևտրային առումով հաջողակ՝ զգալիորեն գերազանցելով ստուդիայի սպասելիքները[6]:

Պլատֆորմերի անսպասելի հաջողությունը թույլ է տվեցլ ստուդիային զբաղվել շարունակությամբ՝ Sly 2: Band of Thieves[6]: Ֆլեմինգն ասում էր, որ սիքվելը Սլայի և նրա ընկերների մասին է, որոնք «փորձում են մի շարք խոշոր կողոպուտներ իրականացնել»: Սիքվելի ստեղծման ժամանակ Նեյթ Ֆոքսը ոգեշնչվել է հոլիվուդյան ֆիլմերից կողոպուտների մասին։ Band of Thieves-ն առանձնանում է մի փոքր բարելավված խաղային գործընթացով և հակառակորդների արհեստական ինտելեկտով և ավելի բաց մակարդակներով[9]: Խաղը թողարկվել է 2004 թվականին և նույնպես դրական արձագանք է ստացել խաղացողների և քննադատների կողմից[10]: Դրան հաջորդեց նաև եռերգությունը՝ Sly 3: Honor Among Thieves, բայց ի տարբերություն նախորդ մասերի, երրորդ մասի մշակումը ընթանում էր շատ արագ տեմպերով. թիմը ստեղծման համար ուներ ընդամենը 11 ամիս[11]: Եռերգությունը թողարկվել է 2005 թվականին, և չնայած սեղմ ժամկետներին, խաղը կրկին դրական արձագանքներ է ստացել[12]: Honor Among Thieves-ը դարձավ Sly Cooper շարքի վերջին խաղը, որը մշակվել է Sucker Punch-ի կողմից. ստուդիան այլևս չի մասնակցել շարքին, և PlayStation 3-ի և PlayStation Vita-ի համար The Sly Collection հավաքածուի և 2013 թվականի Sly Cooper: Thieves in Time-ի շարունակության վրա աշխատել է արդեն երրորդ կողմի ստուդիա՝ Sanzaru Games-ը[11][13]:

Infamous և Sony-ի գնումը

[խմբագրել | խմբագրել կոդը]

Sly Cooper ֆրանշիզայի հաջողությունը զգալիորեն բարձրացրել է Sucker Punch-ի կարգավիճակը որպես մշակող, բայց նրանք ցանկացել են աշխատել մի նոր բանի վրա, որպեսզի արդիական լինեն[6]: Ստուդիան Sony-ին ներկայացրեց չորս նախագիծ, որոնց թվում է եղել Nasty Little Things-ը, որում խաղացողի կերպարը կարող էր փոքրիկ արարածներ կանչել իր դաջվածքներից և նրանց հետ արկածների գնալ, և Uncharted-ը, որում խաղացողը պետք է գոյատևեր դինոզավրերով լի կղզում։ Sony-ն կանաչ լույս վառեց True Hero նախագծին, որտեղ խաղացողը հանդես է գալիս որպես սուպերհերոս և պետք է տարբեր բարոյական որոշումներ կայացնի։ Ավելի ուշ այս նախագիծը վերանվանվեց Infamous[14]: Ի սկզբանե խաղը սուպերհերոսական էր, սակայն գեյմփլեյը պետք է հիշեցներ Animal Crossing-ը։ Ստուդիան հրաժարվեց այդ գաղափարից, և Infamous-ը վերածվեց հերոսի ծագման պատմության. սյուժեն ստեղծելիս սցենարիստները ոգեշնչվել են այնպիսի կոմիքսներից, ինչպիսիք են Batman: No Man’s Land-ը և DMZ-ը[15][16]: Դրա մշակմամբ, որը տևեց երեք տարի, զբաղվում էր 60 մարդ։ Infamous-ը նաև դարձավ ստուդիայի պատմության մեջ առաջին բաց աշխարհի խաղը[17]: Էքշնը թողարկվեց 2009 թվականի մայիսին, ստացավ դրական արձագանքներ և դարձավ առևտրային հաջողություն. 2010 թվականի դրությամբ դրա վաճառքի քանակը կազմում է երկու միլիոն[18]:

Առաջին մասի հաջողությունից հետո Sucker Punch-ն անմիջապես սկսեց մշակել սիքվելը։ Infamous 2-ը թողարկվել է 2011 թվականի հունիսին և ստացել դրական արձագանքներ։ Sucker Punch-ը մասնավոր ընկերություն էր, իսկ նրա Sly Cooper և Infamous ֆրանշիզաները Sony-ի գրանցված ապրանքային նշաններն են, ուստի 2011 թվականի օգոստոսին Sony-ն հայտարարեց Sucker Punch-ը չբացահայտված գումարով գնելու մասին։ Ձեռքբերման շուրջ բանակցությունները տևել են երկու տարի, և 2013 թվականին ստուդիան գնվել և դարձել է SCE Worlwide Studios-ի մի մասը[19][20]: Մեկնաբանելով կորպորացիայի գնումը՝ Ֆլեմինգն ասել է, որ ձեռքբերման համաձայնության հիմնական պատճառներն են եղել թվաքանակի աճող չափը և Sony-ի հետ համագործակցության երկար պատմությունը[11][21]:

Sony-ի ֆինանսական աջակցությամբ ստուդիան շարունակեց ստեղծել Infamous խաղեր։ Այսպես, 2011 թվականի հոկտեմբերին թողարկվեց երկրորդ մասի առանձին լրացումը՝ Festival of Blood[22]: DLC-ն արագ դարձավ PlayStation Network-ի ամենավաճառվող խաղը, մինչև հաջորդ տարի Journey-ն գերազանցել է ռեկորդը[23]: Թողարկումից հետո ստուդիան անմիջապես սկսեց մշակել Infamous: Second Son-ը։ Sucker Punch-ը որոշեց խաղի գործողությունը տեղափոխել թիմի անդամների մեծամասնության համար հարազատ Սիեթլ՝ բաց աշխարհի դիզայնում իրենց անձնական փորձն օգտագործելու և Քոուլ Մաքգրաթին Դելսին Ռոուով փոխարինելու համար[24]: Second Son-ի վրա աշխատել է 110 մարդ, ինչը բավականին փոքր թիվ էր բարձր բյուջետային AAA խաղի համար[25]: Խաղը թողարկվել է բացառապես PlayStation 4-ի համար 2014 թվականի մարտին, ստացել է դրական արձագանքներ և ունեցել է առևտրային հաջողություն, թողարկման պահից ընդամենը ինը օրվա ընթացքում դրա վաճառքը գերազանցել է մեկ միլիոնը՝ մեծապես ազդելով կոնսոլի վաճառքի աճի վրա[26][27]: Այն զբաղեցրել է առաջին տեղերը PlayStation Store-ի և Amazon-ի չարթերում[28][29][30]: Նույն թվականի օգոստոսին Sucker Punch-ը թողարկեց Second Son-ի առանձին լրացումը՝ First Light-ը, ինչպես նաև ստուդիան բախվել է աշխատանքից ազատումների ալիքի[31]: 2014 թվականի դեկտեմբերին աշխատակիցների թիվը կազմել է մոտ 80 մարդ[32]:

Ghost of Tsushima

[խմբագրել | խմբագրել կոդը]

Second Son-ի թողարկումից հետո թիմը սկսել է մտածել իր հաջորդ խաղի հայեցակարգի մասին։ Sucker Punch-ը ցանկանում էր ստեղծել բաց աշխարհով խաղ, բայց ավելի մեծ շեշտադրմամբ ձեռնամարտի վրա։ Որպես միջավայր եղել է և՛ ծովահենային թեման, և՛ շոտլանդական մարգարեությունը. զուգահեռաբար, ստուդիան մշակել է Prophecy-ի նախատիպը։ Նախատիպը, որի գործողությունները տեղի են ունենում սթիմփանկ քաղաքում, ստեղծվել է 2015-2016 թվականներին և արտահոսել է համացանց 2020 թվականին[33][34]։ Արդյունքում, Sucker Punch-ը որոշեց գործողությունը տեղափոխել ֆեոդալական Ճապոնիա, իսկ գլխավոր հերոսը դարձավ սամուրայը։ Արվեստի և շրջակա միջավայրի թիմի համար հեշտ չէր զբաղվել նախագծով, քանի որ ոճով այն զգալիորեն տարբերվում էր Infamous-ից, որն ուներ փանկ-ռոքի էսթետիկա, ինչը հանգեցրեց ավելի երկար մշակման ժամկետի՝ համեմատած Sucker Punch-ի բոլոր նախորդ խաղերի հետ. արդյունքում, ընդհանուր մշակումը տևեց վեց տարի։ Ghost of Tsushima-ն թողարկվել է 2020 թվականի հուլիսին՝ դառնալով PlayStation-ի վերջին բացառիկ խաղերից մեկը։ Խաղն ունեցել է հսկայական առևտրային հաջողություն և արագ դարձել է Sony-ի ամենավաճառվող էքսկլյուզիվներից մեկը[3]։ 2020 թվականի նոյեմբերին վաճառքի ընդհանուր քանակը կազմել է ավելի քան հինգ միլիոն[35]։ Ghost of Tsushima-ի հաջողության ալիքի վրա, խաղի գլխավոր գեյմդիզայներներ Նեյթ Ֆոքսը և Ջեյսոն Քոնելը 2021 թվականին դարձել են Ցուսիմայի զբոսաշրջության դեսպաններ, ինչպես նաև հայտարարվել է կինոնկարի մասին[36][37]։

2022 թվականին մշակողները հայտարարեցին, որ չեն պատրաստվում վերադառնալ Infamous կամ Sly Cooper-ին, բայց չբացառեցին ապագայում նրանց վերադառնալու հնարավորությունը՝ հավելելով, որ այդ ֆրանշիզները մոտ են և թանկ իրենց համար[38]։

Մշակված խաղերի ցանկ

[խմբագրել | խմբագրել կոդը]
Թողարկման տարեթիվ Անվանում Հարթակ(ներ)
1999 Rocket: Robot on Wheels Nintendo 64
2002 Sly Cooper and the Thievius Raccoonus PlayStation 2
2004 Sly 2: Band of Thieves
2005 Sly 3: Honor Among Thieves
2009 Infamous PlayStation 3
2011 Infamous 2
Infamous: Festival of Blood
2014 Infamous Second Son PlayStation 4
Infamous First Light
2020 Ghost of Tsushima PlayStation 4, PlayStation 5, Windows
2025 Ghost of Yotei PlayStation 5

Ծանոթագրություններ

[խմբագրել | խմբագրել կոդը]
  1. ↑ http://www.dualshockers.com/2014/12/22/infamous-developer-sucker-punch-now-counts-80-developers-after-layoffs/
  2. ↑ 2,0 2,1 ゲームソフトウェア開発力のさらなる強化に向け、 米国Sucker Punch Productionsを買収 『インファマス』シリーズなどの制作を手掛けるゲーム開発会社がSCEワールドワイド・スタジオの一員として参画。 魅力的な「プレイステーション」専用タイトルの創出をさらに促進。 (яп.)
  3. ↑ 3,0 3,1 West, Josh (2020 թ․ հուլիսի 18). «From Infamous to Ghost of Tsushima: Sucker Punch on the six-year journey it took to deliver its magnum opus». GamesRadar. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  4. ↑ 4,0 4,1 4,2 4,3 4,4 Moriarty, Colin (2014 թ․ սեպտեմբերի 12). «Something Electric in Bellevue: The History of Sucker Punch». IGN. Արխիվացված օրիգինալից 2022 թ․ ապրիլի 18-ին. Վերցված է 2021 թ․ հունվարի 14-ին.
  5. ↑ 5,0 5,1 5,2 Zimmerman, Chris (2017 թ․ սեպտեմբերի 25). «Looking Back on 20 Years of Sucker Punch». PlayStation Blog. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  6. ↑ 6,0 6,1 6,2 6,3 6,4 Reeves, Ben (2010 թ․ հունիսի 9). «Sly Devils: The History of Sucker Punch Productions». Game Informer. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  7. ↑ «Sprocket Will Never Be Released». IGN. 1999 թ․ օգոստոսի 18. Արխիվացված օրիգինալից 2022 թ․ ապրիլի 18-ին. Վերցված է 2014 թ․ դեկտեմբերի 18-ին.
  8. ↑ 8,0 8,1 Reilly, Jim (2009 թ․ սեպտեմբերի 29). «Sucker Punch Talks Motion Controls, 3-D Gaming». IGN. Արխիվացված օրիգինալից 2022 թ․ ապրիլի 18-ին. Վերցված է 2022 թ․ ապրիլի 18-ին.
  9. ↑ Sucker Punch Productions. «The Making of Sly 2». YouTube. Արխիվացված օրիգինալից 2021 թ․ փետրվարի 9-ին. Վերցված է 2020 թ․ սեպտեմբերի 14-ին.
  10. ↑ «Sly 2: Band of Thieves Reviews». Metacritic. Արխիվացված օրիգինալից 2012 թ․ նոյեմբերի 6-ին. Վերցված է 2012 թ․ հուլիսի 9-ին.
  11. ↑ 11,0 11,1 11,2 Hanson, Ben (2013 թ․ հունիսի 25). «Sucker Punch Talks Letting Go Of Sly Cooper». Game Informer. Արխիվացված օրիգինալից 2021 թ․ փետրվարի 9-ին. Վերցված է 2020 թ․ հունվարի 14-ին.
  12. ↑ «Sly 3: Honor Among Thieves Reviews». Metacritic. Արխիվացված օրիգինալից 2013 թ․ ապրիլի 29-ին. Վերցված է 2012 թ․ հուլիսի 9-ին.
  13. ↑ Ray Corriea, Alexa (2012 թ․ հուլիսի 19). «Sly Cooper: Thieves in Time is Sanzaru's love letter to the series». Polygon. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 15-ին.
  14. ↑ Hanson, Ben (2013 թ․ մայիսի 22). «The Origins Of Infamous». Game Informer. Արխիվացված օրիգինալից 2021 թ․ փետրվարի 9-ին. Վերցված է 2022 թ․ ապրիլի 18-ին.
  15. ↑ McElroy, Griffin (2009 թ․ հունիսի 9). «Interview: Sucker Punch's Nate Fox on inFamous and inSpiration». Engadget. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  16. ↑ McCarthy, Caty (2017 թ․ սեպտեմբերի 25). «Sucker Punch's Infamous Got Its Start as a "Superhero Version of Animal Crossing"». USgamer. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  17. ↑ Kelly, Kevin (2009 թ․ մարտի 25). «GDC09: An inFamous interview with Sucker Punch's Brian Fleming». Joystiq. Արխիվացված է օրիգինալից 2015 թ․ հունվարի 28-ին. Վերցված է 2009 թ․ հունիսի 26-ին.
  18. ↑ Juba, Joe (2010 թ․ հունիսի 4). «July Cover Revealed: Infamous 2». Game Informer. Արխիվացված է օրիգինալից 2010 թ․ հունիսի 6-ին. Վերցված է 2015 թ․ օգոստոսի 3-ին.
  19. ↑ Yin-Poole, Wesley (2011 թ․ օգոստոսի 2). «Sony buys inFamous dev Sucker Punch». Eurogamer. Արխիվացված օրիգինալից 2020 թ․ հուլիսի 27-ին. Վերցված է 2021 թ․ հունվարի 14-ին.
  20. ↑ Yin-Poole, Wesley (2010 թ․ սեպտեմբերի 27). «Sucker Punch on inFamous 2». Eurogamer. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  21. ↑ Ruscher, Wesley (2013 թ․ հունիսի 26). «Why Sucker Punch left Sly Cooper behind». Destructoid. Արխիվացված օրիգինալից 2021 թ․ փետրվարի 9-ին. Վերցված է 2020 թ․ հունվարի 14-ին.
  22. ↑ Orry, Tom (2011 թ․ օգոստոսի 16). «inFamous 2: Festival of Blood coming this October». VideoGamer.com. Արխիվացված օրիգինալից 2022 թ․ օգոստոսի 22-ին. Վերցված է 2022 թ․ օգոստոսի 22-ին.
  23. ↑ Yoon, Andrew (2012 թ․ մարտի 29). «Journey becomes PSN's fastest-selling game». Shacknews. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  24. ↑ Matulef, Jeffrey (2013 թ․ հունիսի 19). «Super-powered in Seattle: inFamous Second Son preview». Eurogamer. Արխիվացված օրիգինալից 2019 թ․ հուլիսի 9-ին. Վերցված է 2014 թ․ մայիսի 30-ին.
  25. ↑ «Realising InFamous: Second Son's next-gen vision». MCV. 2014 թ․ ապրիլի 16. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 14-ին.
  26. ↑ Sarkar, Samit. (2014 թ․ ապրիլի 10). «Infamous: Second Son sales topped 1M units in nine days». Polygon. Արխիվացված օրիգինալից 2017 թ․ նոյեմբերի 1-ին. Վերցված է 2017 թ․ դեկտեմբերի 9-ին.
  27. ↑ Sherif Saed (2014 թ․ մարտի 24). «inFamous: Second Son boosts PS4 hardware sales by 106% – report». VG247. Արխիվացված օրիգինալից 2014 թ․ օգոստոսի 4-ին. Վերցված է 2014 թ․ հունիսի 5-ին.
  28. ↑ Dave Cook (2014 թ․ մարտի 28). «inFamous: Second Son dominates PSN Europe charts – full list here». VG247. Արխիվացված օրիգինալից 2014 թ․ մայիսի 31-ին. Վերցված է 2014 թ․ հունիսի 5-ին.
  29. ↑ Dave Cook (2014 թ․ մարտի 24). «UK game charts: inFamous Second Son enters at first – full chart inside». VG247. Արխիվացված օրիգինալից 2014 թ․ մարտի 29-ին. Վերցված է 2014 թ․ հունիսի 5-ին.
  30. ↑ Dave Cook (2014 թ․ մարտի 21). «inFamous: Second Son hits top of Amazon game charts in UK, US & France». VG247. Արխիվացված օրիգինալից 2014 թ․ մարտի 24-ին. Վերցված է 2014 թ․ հունիսի 5-ին.
  31. ↑ Te, Zorine (2014 թ․ օգոստոսի 19). «Infamous Developer Sucker Punch Experiences Layoffs». GameSpot. Արխիվացված օրիգինալից 2021 թ․ հունվարի 27-ին. Վերցված է 2022 թ․ ապրիլի 18-ին.
  32. ↑ «inFAMOUS Developer Sucker Punch Now Counts 80 Developers After Layoffs». Արխիվացված օրիգինալից 2014 թ․ դեկտեմբերի 23-ին. Վերցված է 2017 թ․ մարտի 20-ին.
  33. ↑ Dastoor, Vaspaan (2020 թ․ հուլիսի 20). «Ghost Of Tsushima Developer Considered Making The Game About Pirates, Scottish Folk Heroes, and Even The Three Musketeers». IGN. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 15-ին.
  34. ↑ Oloman, Jordan (2020 թ․ հուլիսի 21). «Ghost of Tsushima Developer's Cancelled Project 'Prophecy' Leaks». IGN. Արխիվացված օրիգինալից 2021 թ․ փետրվարի 9-ին. Վերցված է 2021 թ․ հունվարի 15-ին.
  35. ↑ Romano, Sal (2020 թ․ նոյեմբերի 12). «Ghost of Tsushima sales top five million». Gematsu. Արխիվացված օրիգինալից 2021 թ․ փետրվարի 9-ին. Վերցված է 2020 թ․ նոյեմբերի 12-ին.
  36. ↑ Scullion, Chris (2021 թ․ մարտի 5). «Ghost of Tsushima devs to be made permanent ambassadors of the real island». Video Games Chronicle. Արխիվացված օրիգինալից 2021 թ․ հուլիսի 7-ին. Վերցված է 2021 թ․ մարտի 8-ին.
  37. ↑ Kroll, Justin (2021 թ․ մարտի 25). «Sony And PlayStation Productions Developing 'Ghost of Tsushima' Movie With 'John Wick's Chad Stahelski Directing». Deadline Hollywood. Արխիվացված օրիգինալից 2021 թ․ մարտի 25-ին. Վերցված է 2021 թ․ մարտի 25-ին.
  38. ↑ Пи, Лена (2022 թ․ հուլիսի 1). «Продолжение inFamous и Sly Cooper не планируется, но к Second Son выпустят DLC». Игромания (журнал)|Игромания. Արխիվացված օրիգինալից 2022 թ․ սեպտեմբերի 30-ին. Վերցված է 2022 թ․ սեպտեմբերի 30-ին.
Ստացված է «https://hy.wikipedia.org/w/index.php?title=Sucker_Punch_Productions&oldid=10379993» էջից