Speed Demon
| Մասն է | • Մայքլ Ջեքսոնի ալբոմների սկավառակագրություն • Մայքլ Ջեքսոնի ալբոմների սկավառակագրություն • Bad  | |
|---|---|---|
| Արվեստի ձև | երգ | |
| Ժանր | փոփ երաժշտություն | |
| Կատարող | Մայքլ Ջեքսոն | |
| Լեզու | անգլերեն | |
| Կոմպոզիտոր | Մայքլ Ջեքսոն | |
| Խոսքերի հեղինակ | Մայքլ Ջեքսոն | |
| Պրոդյուսեր | no value | |
Speed Demon, ամերիկացի երգիչ-երգահան Մայքլ Ջեքսոնի երգը իր «Bad» յոթերորդ ստուդիական ալբոմից։ Այն գրել է Ջեքսոնը, իսկ պրոդյուսերը Կուենսի Ջոնսն է՝ Ջեքսոնի հետ համահեղինակությամբ: «Speed Demon»-ը ֆանկ-ռոք երգ է, որի բառերը նվիրված են արագ վարելուն։ Այն թողարկվել է 1989 թվականի սեպտեմբերի 4-ին որպես պրոմո-սինգլ[1] ինչպես ալբոմի, այնպես էլ 1988 թվականի «Լուսնային քայլվածք» ֆիլմի համար։ Երգը քննադատների կողմից ստացել է խառը արձագանքներ։
Պատմություն
[խմբագրել | խմբագրել կոդը]«Speed Demon»-ը գրել է Մայքլ Ջեքսոնը, իսկ պրոդյուսերը դարձել է Քուինսի Ջոնսը՝ Ջեքսոնի հետ համահեղինակությամբ: Սինգլը հայտնվել է «Bad» ալբոմում։ Հաղորդվում է, որ ի սկզբանե նախատեսվում էր, որ երգը կթողարկվի որպես պաշտոնական սինգլ, բայց փոխարենը թողարկվել է որպես գովազդային սինգլ[2]։ Երգը հայտնի է դարձել «Լուսնային քայլվածք» ֆիլմում օգտագործվելու շնորհիվ (ինչպես «Leave Me Alone»-ի դեպքում)[2]։ Երգի բառերը կենտրոնանում են արագ վարելու վրա[3]։ Ըստ Ջոնսի՝ Ջեքսոնը երգը գրել է այն բանից հետո, երբ ստացել է ճանապարհային երթևեկության տուգանք, ինչի պատճառով ուշացել է ձայնագրման ստուդիայից։ Ջոնսը նրան ասել է, որ գրի իր զգացմունքների մասին, ինչը նա արել է՝ վերածելով երգի: Չնայած «Speed Demon»-ը «Bad» ալբոմի մի մասն էր, Ջեքսոնը երգը չի կատարել ոչ իր «Bad World Tour»-ի, ոչ էլ որևէ այլ շրջագայության ժամանակ։
Կարծիքներ
[խմբագրել | խմբագրել կոդը]«Speed Demon»-ը քննադատների կողմից ստացել է խառը արձագանքներ։ Rolling Stone-ի Դևիթ Սիգերսոնը հայտարարել է, որ «Bad»-ի այնպիսի երգերի, ինչպիսիք են «Speed Demon», «Dirty Diana» և «Liberian Girl», բովանդակությունը, ալբոմը դարձրել են «ավելի հարուստ, սեքսուալ և ավելի լավ, քան «Thriller»-ը»[4]։ Սիգերսոնը «Speed Demon»-ը նկարագրել է որպես «ավտոմոբիլային երգ» և «զվարճալի փոքրիկ հեքիաթ իշխանության մասին, որտեղ Ջեքսոնի սուպերէգոն տուգանք է տալիս իր անձին»[4]։ AllMusic-ից Սթիվեն Թոմաս Էրլևայնը մեկնաբանել է, որ ձայնագրության «մեռած կետեր» են դարձել «Speed Demon»-ը և «Another Part of Me»-ը՝ դրանք գնահատելով որպես «անդեմ», քանի որ նրանց պակասում են հիշարժան հուքեր ու մեղեդիներ[5]։
Los Angeles Times-ից Ռիչարդ Քրոմմելինը դրական ակնարկ է գրել[6]: Էրիկ Սնայդերը «St. Petersburg Times»-ից նկարագրել է «Speed Demon»-ը որպես «անողոք առաջ սլացող»[7]։ Time-ից Ջեյ Քոքսը նշել է, որ Ջեքսոնը «Bad»-ում կատարել է հիանալի վոկալ հնարքներ, հատկապես «Speed Demon»-ում և «Dirty Diana»-ում։ Նա նկարագրել է երկու երգերը որպես «ճարպիկ և տարօրինակ, ինչպես նրա պարային քայլերից որևէ մեկը»[8]։ Bad 25-ի մասին իր ակնարկում BBC Music-ից Մայք Դայվերը գրել է, որ «Speed Demon»-ը «զվարճալի ֆանկ-ռոք էր, որը հաճույքով տեղ կզբաղեցներ այդ ժամանակաշրջանի «Prince»-ի ալբոմում, եթե ոչ բառերով, ապա կոմպոզիցիոն առումով»[9]։
Երաժշտական տեսահոլովակ
[խմբագրել | խմբագրել կոդը]Երգի տեսահոլովակը նկարահանվել է 1988 թվականի մարտին Warner Bros ստուդիայում (Բըրբենք, Կալիֆոռնիա)[1]։ Տեսահոլովակն առաջին անգամ ցուցադրվել է 1988 թվականի «Լուսնային քայլվածք» անթոլոգիական ֆիլմում[10][11]։ Ռեժիսորը եղել է Ուիլ Վինթոնը, տեսահոլովակի պրոդյուսերները՝ Վինթոնը, Ջերի Կրամերը, Մայքլ Ջեքսոնը և Ֆրենկ Դիլեոն[12]։
«Լուսնային քայլվածք»-ի մասին իր ակնարկում Los Angeles Times-ից Դենիս Հանթը մեկնաբանել է, որ տեսահոլովակը («Bad»-ի և «Leave Me Alone»-ի տեսահոլովակերի հետ միասին) «հմուտ, լավ մշակված և թանկ տեսք ուներ»: Այնուամենայնիվ, նա հայտարարել է, որ դրանք «նույնիսկ որևէ առանձնահատուկ հնարամիտ ձևով չեն միավորվել»: 2010 թվականին երաժշտական տեսահոլովակի երկար տարբերակը թողարկվել է «Michael Jackson's Vision» բոքս-սեթում, իսկ 2012 թվականին DVD-ով՝ «Bad 25»-ի ամբողջական բացառիկ տարբերակով, «Bad»-ի ութ այլ երաժշտական տեսահոլովակների հետ միասին[11]։
Ծանոթագրություններ
[խմբագրել | խմբագրել կոդը]- 1 2 Richard Lecocq; François Allard Bad // Michael Jackson All the Songs: The Story Behind Every Track. — London: Cassell, 2018. — ISBN 978-1-7884-0057-2
- 1 2 «Michael Jackson - Speed Demon». Discogs (անգլերեն). Արխիվացված օրիգինալից 2022-09-02-ին. Վերցված է 2022-09-02-ին.
- ↑ Jon Pareles Critic's Notebook; How Good Is Jackson's 'Bad'?(անգլ.) // The New York Times. — 1987. — P. 21. Архивировано из первоисточника 7 հոկտեմբերի 2022.
- 1 2 Davitt Sigerson Bad by Michael Jackson(անգլ.) // Rolling Stone. — 1987. Архивировано из первоисточника 30 օգոստոսի 2011.
- ↑ Stephen Thomas Erlewine. «Michael Jackson - Bad Album Reviews, Songs & More | AllMusic» (անգլերեն). Արխիվացված օրիգինալից 2022-07-26-ին. Վերցված է 2022-09-02-ին.
- ↑ «Michael Jackson has a good thing in 'Bad'». Los Angeles Times (անգլերեն). 1987-08-31. Արխիվացված օրիգինալից 2022-09-02-ին. Վերցված է 2022-09-02-ին.
- ↑ Snider, Eric (1987). «A 'Bad' growl with a tender musical bite». St. Petersburg Times. Արխիվացված է օրիգինալից 2017-11-10-ին. Վերցված է 2022-09-02-ին.
- ↑ Jay Cocks Music: The Badder They Come(անգլ.) // Time. — 1987. Архивировано из первоисточника 4 հունիսի 2011.
- ↑ Mike Diver. «BBC - Music - Review of Michael Jackson - Bad 25». www.bbc.co.uk (անգլերեն). Արխիվացված օրիգինալից 2019-12-07-ին. Վերցված է 2022-09-02-ին.
- ↑ «Review: 'Moonwalker'». Variety. 1987 թ․ դեկտեմբերի 31. Արխիվացված օրիգինալից 2018-03-19-ին. Վերցված է 2022-09-02-ին.
- 1 2 Hunt, Dennis (1989-01-10). «VIDEO REVIEW: 'Moonwalker': A Stroll Through a Super Ego». Los Angeles Times. Արխիվացված է օրիգինալից 2015-04-02-ին. Վերցված է 2022-09-02-ին.
- ↑ «Speed Demon». Pp.vk.me. Արխիվացված օրիգինալից 2016-10-06-ին. Վերցված է 2022-09-02-ին.
|
