Ալբոմը համարվում է ռեփերի այն քիչ նախագծերից մեկը, որի վրա նա աշխատել է մահից առաջ և համարվում է առաջին ալբոմը, որը թողարկվել է ռեփերի մահից հետո[2]։ 2018 թվականի նոյեմբերի 9-ին թողարկվել է «Bad!» գլխավոր սինգլը։ Ամերիկացի ռեփեր Քանյե Ուեսթը հայտնվել է ալբոմում որպես հրավիրված արտիստ։ 2018 թվականի դեկտեմբերի 4-ին, ալբոմի պատոնական թողարկումից առաջ, տեղի է ունեցել ալբոմի մի քանի հատվածների անօրեն հրապարակումը. դրանից մի քանի շաբաթ առաջ նման իրավիճակ տեղի էր ունեցել ամերիկացի ռեփեր 6ix9ine-ի «Dummy Boy» ալբոմի հետ[3]։
2017 թվականին, «A Ghetto Christmas Carol» ալբոմի թողարկումից հետո, XXXTentacion-ը հայտարարեց, որ նա երեք նոր ալբոմ է պատրաստում[4] և վերջիվերջո հայտարարեց «Bad Vibes Forever», Skins և «?» ալբոմների մասին[5]։ Նրա երկրորդ ստուդիական ալբոմը թողարկվել է 2018 թվականի մարտին։ XXXTentacion-ը գնդակահարվել է 2018 թվականի հունիսին` «Bad Vibes Forever» և «Skins» ալբոմների թողարկումներից առաջ։
XXXTentacion-ի մահից հետո նրա ինստագրամում ժամանակավորապես հրապարակվել է, որ ալբոմը «սուպեր կարճատև է։ Այն բառացի մեկ րոպե կտևի»[6], սակայն մի քանի հրատարակություններ հաղորդել են, որ ալբոմը հնարավոր է անավարտ կերպով թողարկվի[7]։ Ալբոմի մասին որոշ տեղեկություններ հայտնի դարձան, երբ iTunes Store-ի հղումը նոյեմբերի 7-ին, որոշ ժամանակով ակտիվացավ։ Կայքում գրված էր, որ ալբոմը բաղկացած է 10 երգից և ընդհանուր տևողությունը 17 րոպե է[7]։ Որոշ ժամանակ անց կայքը վերականգնվել է[8] և ցուցադրված է միայն «Bad!» երգը[6]։ XXXTentacion-ի պաշտոնական դիջեյ DJ Scheme-ն նշել էր, որ «Skins»-ը ռեփերի վերջին հետմահու ալբոմը չի լինելու[9]։
Ալբոմը հիմնականում բացասական քննադատությունների է արժանացել։ Metacritic-ում ալբոմը 100-ից 44 միավոր է ստացել, որը հիմնված է 9 գնահատականների վրա (խառը կամ միջին գնահատականներ)[17]։ XXL ամսագրի համար Սքոթ Գլեյշերը գրել է` «այս ռոքի և ռեփի քաոսային համադրությունը ավելի շատ հարցեր է թողնում, քան պատասխաններ»[18]։ Slant Magazine-ը նշել է` «նույնիսկ այն երգերը, որտեղ Օնֆրոյին կարելի է մի քանի վայրկյանից ավել լսել, ավելի շատ են նման դեմոյի, քան պատրաստ երգերը` էֆեկտ, որը կարող է ձանձրացնող լինել, ինչպես «Difference (Interlude)» և «What Are You So Afraid Of» երգերը»[19]։
Ալբոմը առաջին հորիզոնականով դեբյուտ է կատարել ամերիկյան Billboard 200 չարթում 132,000 համարժեք վաճառքներով, որոնցից 52,000-ը ալբոմի մաքուր վաճառքն է[20]։ Այն XXXTentacion-ի ԱՄՆ-ում երկրորդ համար մեկ ալբոմն է։ Ալբոմը Billboard 200 չարթում 18 շաբաթ է անցկացրել, որից հետո լքել է այն։
*Վաճառքի վերաբերյալ տվյալները հիմնված են միայն հավաստագրումների վրա։ ^Տվյալները հիմնված են միայն հավաստագրումների վրա։ xՉճշտված տվյալները հիմնված են միայն հավաստագրումների վրա։