SSJ 100-ի ավիավթար Շերեմետևո օդանավակայանում

Վիքիպեդիայից՝ ազատ հանրագիտարանից
Jump to navigation Jump to search
SSJ 100-ի ավիավթար Շերեմետևո օդանավակայանում
Aeroflot, RA-89098, Sukhoi Superjet 100-95B (37008931593) (2).jpg
Ընդհանուր տեղեկություններ
Տեսակավիապատահար, emergency landing? և bounced landing?
Թվականմայիսի 5, 2019
ՎայրՇերեմետևո, , Flag of Russia.svg Ռուսաստան
ՉվերթSU1492
Թռիչքի վայրՇերեմետևո
Վերջնական կետMurmansk Airport?
Զոհվածներ41[1]
Վիրավորներ19
Օդանավ
ԱվիաընկերությունԱերոֆլոտ
Կողային համարRA-89098
Կենդանի մնացած37[2]
Կոորդինատներ: 55°58′9.0000001012009″ հս․ լ. 37°24′11.000000101605″ ավ. ե. / 55.969166666694775358° հս․. լ. 37.40305555558377648° ավ. ե. / 55.969166666694775358; 37.40305555558377648
RA-89098 (aircraft) Վիքիպահեստում

SSJ 100-ի ավիավթարը «Շերեմետևո» օդանավակայանում, 2019 թվականի մայիսի 5-ին տեղի ունեցած ավիավթար: Sukhoi Superjet 100 օդանավն իրականացնում էր Մոսկվա-Մուրմանսկ չվերթը, բայց բորտում բռնկված հրդեհի պատճառով օդանավի անձնակազմն ստիպված էր վերադառնալ Շերեմետևո օդանավակայան[3]: Վայրէջքի ժամանակ ինքնաթիռը վնասվել է. թիթեղվածքն այրվել է: Ըստ նախնական տվյալների՝ զոհվել է 41 մարդ[4], ուղևորներից շատերն ստացել են վնասվածքներ[5]:

Ինքնաթիռ[խմբագրել | խմբագրել կոդը]

«Աերոֆլոտ» ընկերության Sukhoi Superjet 100 ինքնաթիռն (գործարանային համարը՝ 95135) արտադրվել է 2017 թվականի հունիսին[6]: Առաջին թռիչքն իրականացվել է 2017 թվականի հունիսի 21-ին: 2017 թվականի սեպտեմբերին հանձնվել է «Աերոֆլոտ» ընկերությանը[7]: Վերջին ստուգումն անցել է 2019 թվականի ապրիլին:

Ավիավթար[խմբագրել | խմբագրել կոդը]

Nuvola apps kaboodle.svg Արտաքին տեսաֆայլեր
Nuvola apps kaboodle.svg Հպում
Nuvola apps kaboodle.svg Կադրեր առաջին սրահից
Nuvola apps kaboodle.svg Կադրեր երկրորդ սրահից
Nuvola apps kaboodle.svg Վայրէջք և տարհանում
Nuvola apps kaboodle.svg Բորտուղեկցորդի հարցազրույցը

2019 թվականի մայիսի 5-ին RA-89098 բորտային համարով SSJ-100 ինքնաթիռն իրականացնում էր Մոսկվա-Մուրմանսկ կանոնավոր չվերթը[8]: Flightradar24 կայքի տվյալների համաձայն՝ ինքնաթիռը «Շերեմետևո» օդանավակայանից թռել է 18:03 UTC+3: Թռիչքից 8 րոպե անց (18:11 UTC+3) ինքնաթիռի բորտում տեղադրված ռադիոտեղորոշման սարքավորումը հայտնեց 7600 կոդը (կապը կորցնելու), այնուհետև՝ 18:25 UTC+3, սարքավորման կոդը փոխվեց՝ դառնալով 7700 (վթարային կամ այլ անսպասելի իրավիճակ): 5 րոպե անց՝ 18:30, ինքնաթիռը հարկադրված վայրէջք կատարեց՝ ուղղություն վերցնելով դեպի մեկնարկային կետ: Ըստ նախնական տվյալների՝ կոշտ վայրէջքի հետևանքով կոտրվել են օդանավի հենակները, ինչի արդյունքում ինքնաթիռի բաքերը վնասվել են, սկսվել է վառելիքի արտահոսք, ինչն էլ հանգեցրել է ինքնաթիռի ետնամասում բռնկված հրդեհի: Հրդեհի արդյունքում ինքնաթիռն ամբողջությամբ ոչնչացել է[9][10][11]:

Ուղևորները տարհանվում էին ինքնաթիռի ցռուկային մասում գտնվող վթարային օդանավասանդուղքների միջոցով: Ընդ որում՝ ըստ ականատեսների վկայությունների՝ որոշ ուղևորներ, չնայած օդանավի անձնակազմի հրահանգներին և հորդորներին, իրենց հետ վերցնում էին ձեռնածանրոցը՝ այդպիսով խոչընդոտ ստեղծելով այլ ուղևորների ելքի համար[12]:

Ռուսաստանի Դաշնության ԱԻՆ-ի տվյալների համաձայն՝ բաց հրդեհը մեկուսացվել է 18:48 UTC+3: Հրդեհի հետևանքով զոհվել է 41 մարդ, ովքեր գտնվում էին ինքնաթիռում[13]:

Հետաքննություն[խմբագրել | խմբագրել կոդը]

Դեպքի առթիվ Ռուսաստանի Դաշնության քննչական կոմիտեի՝ Մոսկվայի միջշրջանային քննչական մարմնի կողմից քրեական գործ է հարուցվել՝ օդային տրանսպորտի շահագործման և անվտանգության կանոնների խախտման հատկանիշներով, ինչը հանգեցրել է 2 և ավելի անձանց մահվան (ՌԴ ՔՕ հոդված 263 մաս 3): Ռուսաստանի Դաշնության քննչական կոմիտեի նախագահի որոշմամբ՝ հետագա հետաքննության նպատակով փոխանցվել է քրեական գործը փոխանցվել է գերատեսչության կենտրոնական ապարատին[14][15]:

Ավիավթարի պատճառներ[խմբագրել | խմբագրել կոդը]

Ըստ նախնական տվյալների՝ վթարային վայրէջքն իրականացվել է կայծակի պատճառով, որը հարվածել էր ինքնաթիռին[16]: Մեկ այլ տվյալների համաձայն՝ հրդեհը բռնկվել է այն բանից հետո, երբ վատ եղանակային պայմանների պատճառով ինքնաթիռը երեք անգամ փորձել է վայրէջք կատարել, բայց հենակները կոտրվել են՝ դառնալով հրդեհի պատճառ[17]:

Ծանոթագրություններ[խմբագրել | խմբագրել կոդը]

  1. Расследование уголовного дела об аварийной посадке пассажирского самолета в столице передано в центральный аппарат СК России
  2. https://echo.msk.ru/news/2420609-echo.html
  3. «Аварийная посадка SSJ-100 в Шереметьево» 
  4. Ինչպես են մարդիկ ցած նետվում այրվող ինքնաթիռից. կա 41 զոհ
  5. «Жертвы катастрофы SSJ-100 в Шереметьево» 
  6. AIRCRAFT INFO
  7. «Сухой SuperJet 100-95 Бортовой №: RA-89098»։ Russianplanes.net։ Վերցված է 2019-05-05 
  8. Կրակը ոչնչացրել է «Շերեմետևոյում» արտակարգ վայրէջք կատարած ինքնաթիռի մի մասը
  9. «Շերեմետևոյում» հրդեհված ինքնաթիռի զոհերի թիվը հասավ 13-ի. տեսանյութ
  10. Հրդեհված օդանավը. Մոսկվա, «Շերեմետևո», 05 մայիսի 2018 թ.Բորտուղեկցորդ է մահացել․ Մոսկվա-Մուրմանսկ չվերթի անձնակազմը լքել է այրվող ինքնաթիռը
  11. «Շերեմետևո» օդանավակայանում խոշոր ավիավթար է կանխվել
  12. «"Коммерсантъ FM 93,6"» 
  13. «В результате авиакатастрофе в Шереметьеве погиб 41 человек»։ ТАСС։ Վերցված է 2019-05-05 
  14. «Возбуждено уголовное дело по факту аварийной посадки пассажирского самолёта в Шереметьево» 
  15. «Расследование уголовного дела об аварийной посадке пассажирского самолёта в столице передано в центральный аппарат СК России» 
  16. «Экипаж аварийно севшего в Шереметьево самолета подтвердил, что в Superjet попала молния»։ ТАСС։ Վերցված է 2019-05-05 
  17. «Стала известна возможная причина возгорания лайнера в Шереметьево»։ РБК։ Վերցված է 2019-05-05 

Արտաքին հղումներ[խմբագրել | խմբագրել կոդը]