Play, ամերիկացի քանթրի երգիչ և հեղինակ-կատարող Բրեդ Փեյսլիի վեցերորդ ստուդիական ալբոմը, որը թողարկվել է 2008 թվականի նոյեմբերի 4-ին «Arista Nashville» լեյբլի կողմից։ Ալբոմը ԱՄՆ-ի Top Country Albums քանթրի հիթ-շքերթում զբաղեցրել է առաջին հորիզոնականը։ «Գրեմմի» 51-րդ (2009) և 52-րդ (2010) մրցանակաբաշխությունների ժամանակ սկավառակի երգերը ստացել են երկու անվանակարգ «Լավագույն գործիքային քանթրի կատարում» («Cluster Pluck» երգը հաղթել է այս անվանակարգը) և «Լավագույն գործիքային ռոք կատարում» («Playing with Fire») կատեգորիաներում[10]։ «Play» ալբոմը հիմնականում գործիքային թրեքների ալբոմ է, ներառյալ 5 դուետ՝ Բի Բի Քինգի, Բաք Օվենսի, Քիթ Ուրբան և այլ կատարողների հետ միասին[11][12]։
Ալբոմը թողարկվել է 2008 թվականի նոյեմբերի 4-ին Arista Nashville ստուդիայում։ Բրեդ Փեյսլին գրեթե բոլոր երգերի համահեղինակն է, իսկ ալբոմի պրոդյուսերը Ֆրենկ Ռոջերսն է։ Ալբոմը Billboard 200 հիթ-շքերթում հասել է 9-րդ հորիզոնականին, իսկ Top Country Albums քանթրի հիթ-շքերթում՝ առաջին (սա երգչի կարիերայում 4-րդ անգամն էր, որ նա գլխավորում էր այս հիթ-շքերթը)։ Սինգլներից մեկը՝ «Start a Band» ԱՄՆ-ի քանթրի հիթ-շքերթում հասել է առաջին հորիզոնականին (սա այս քանթրի ժանրի երաժշտության հիմնական հիթ-շքերթում երգչի 13-րդ չարթթոփն էր)։ Ալբոմը ընդհանուր առմամբ երաժշտական քննադատների և Slant Magazine[7], AllMusic[2], Յու-Ես-Եյ Թուդեյ[8] և այլ առցանց հրատարակությունների կողմից ստացել է դրական արձագանքներ[2][4]։