Pax Britannica

Pax Britannica (լատիներեն՝ Բրիտանական Խաղաղություն), համեմատաբար խաղաղ ժամանակաշրջան Եվրոպայում և աշխարհում, որի ժամանակ Բրիտանական կայսրությունը, հասնելով գերակշռության ծովում և միջազգային հարաբերություններում, ստանձնեց միջազգային ոստիկանի դերը։ Ժամանակաշրջանն ընդգրկում է Վաթեռլոոյի հաղթական ճակատամարտից (1815 թ.) մինչև Առաջին համաշխարհային պատերազմն (1914-1918 թթ.) ընկած ժամանակահատվածը։ Բրիտանական հեգեմոնիան իր հզորության գագաթնակետին է եղել Վիկտորյական դարաշրջանում (1837-1901 թթ.)։

Ժամանակաշրջանին բնորոշ է ազատ առևտրի հռչակումը, ստրկության վերացումը, բրիտանական նավատորմի կողմից ռազմավարական ծովային ճանապարհների վերահսկողությունը, ամբողջ աշխարհում անգլերենի, պառլամենտարիզմի, օրենսդրական նորմերի և չափման միավորների բրիտանական համակարգի տարածումը։

1871 թվականին Գերմանիայի միավորումից հետո բրիտանական հեգեմոնիային ձեռնոց նետեց Գերմանական կայսրությունը։ Ըստ որոշ հեղինակների` դրանից հետո սկսվեց Pax Germanica։ Բրիտանական հեգեմոնիային հաջորդեց Միացյալ նահանգներինը՝ Pax Americana-ն։

Գրականություն

• Pugh Martin (1999)։ Britain since 1789: a concise history։ Macmillan։ ISBN 0-312-22359-5։ Վերցված է 2010-04-20 
• Thackeray Frank (2002)։ Events that changed Great Britain since 1689։ Greenwood Publishing Group։ ISBN 0-313-31686-4։ Վերցված է 2010-04-20 
• The Federal Union Harper's Magazine Volume 70։ University of Michigan։ 1885։ Վերցված է 2009-07-22