No Woman, No Cry
| «No Woman, No Cry» | |
|---|---|
 | |
| Bob Marley & The Wailers?ի երգը | |
| Ժանր | ռեգգի |
| Լեզու | անգլերեն |
| Հեղինակ | Vincent Ford?[1] |
| Կոմպոզիտոր | Vincent Ford?[1] |
«No Woman, No Cry», ռեգգի ոճի երգ, որը «The Wailers» խմբի կատարմամբ դարձել է համաշխարհային հիթ։ 1974 թվականին այն թողարկվել է խմբի «Natty Dread» ստուդիական ալբոմում։ Առավել հայտնի է համերգային տարբերակը 1975 թվականի «Live!» ալբոմից, այն ներառվել է «Legend» ժողովածուի մեջ։
Ըստ «Rolling Stone» ամսագրի՝ երգը հայտնվել է բոլոր ժամանակների 500 մեծագույն երգերի ցանկի 37-րդ հորիզոնականում[2]։
Պատմություն[խմբագրել | խմբագրել կոդը]
Թեև Բոբ Մառլին է գրել երգի տեքստը[3][4] և/կամ մեղեդին[5], սակայն հեղինակային իրավունքը տրվել է Վինսենթ Ֆորդին։ Վերջինիս են պատկանում նաև «Rastaman Vibration» ալբոմի երեք երգի իրավունքները։ Նա Մառլիի ընկերն էր, Տրենչթաունում (անգլ.՝ Trenchtown) ուներ անվճար ճաշարան կարիքավորների համար, և գետտո Քինգսթոնում, որտեղ մեծացել էր Բոբ Մառլին։ Ֆորդի կողմից ստացված հեղինակային հատկացումները նրան թույլ տվեցին պահել ճաշարանը[6]։
Տրենչթաունը հիշատակվում է «No Woman, No Cry» երգի հետևյալ տողերում․
|
I remember when we used to sit. In the government yard in Trenchtown. |
|
Այստեղ ապրում էին ռեգգիի հայտնի կատարողներ Փիթեր Թոշը և Բաննի Վեյլերը։ 1930-ական թվականներից դա հետնախորշերի շրջան էր՝ բնակեցված սկվոտերներով։ Այն ապաստան էր ծառայում ռաստամանների համայնքների համար։ 1951 թվականին շրջանը ավերվել է «Չարլի» փոթորիկից։ Վերականգնումից հետո այն կազմված էր ներքնագավիթներով, ընդհանուր խոհանոցով մեկ-երկու հարկանի բետոնե տներից։ Միջոցների անբավարարության պատճառով շրջանում կոյուղի չկար։ Դրան փոխարինում էր բաց, առհոսող փոսը։ 70-ական թվականներին շրջանում տիրում էր գործազրկություն, ուժեղ թափ էր առնում հանցավորությունը, սակայն Բոբ Մառլիի երգի շնորհիվ այս վայրը սկսեց զբոսաշրջիկներ ներգրավել ամբողջ աշխարհից։
Բոբ Մառլին գրել է այս երգը, երբ հիվանդ էր նրա մայրը, և որպեսզի ինչ-որ կերպ մեղմացնի ու հավերժացնի կանանց և մայրերի հոգսը, նա որոշեց երգն անվանել «Ոչ, կին, մի՛ լացիր»։
«No woman, no cry»-ի համերգային տարբերակում օգտագործվել է մեկ րոպեում 78 հարված, իսկ ստուդիականում՝ 96-99 հարված․ ստուդիական տարբերակում օգտագործվում է ռիթմ-մեքենան[7]։ Կիթառային ներդրումները կատարել է սեսիոն երաժիշտ Էլ Անդերսոնը, որն այդ ժամանակ նվագում էր «Shakatu» խմբում։ «Live!» ալբոմում նույնպես հնչում է նրա կիթառը։
Զոգորդություններ[խմբագրել | խմբագրել կոդը]
Երգի տարբերակիչ առանձնահատկությունն է մտախոհությունը, եղերգական երգեհոնի մեղեդին։ Որոշ քննադատներ կարծում են, որ երգը գրվել է «Procol Harum» խմբի «A Whiter Shade of Pale» ստեղծագործության ազդեցությամբ։ Հիմնական հարմոնիան՝ «C - G - Am - F», համընկնում է «The Beatles» խմբի «Let It Be» երգի հետ։
Քավեր տարբերակներ[խմբագրել | խմբագրել կոդը]
Երգի քավեր տարբերակները կատարել են շատ հայտնի արտիստներ, այդ թվում՝ Ջո Դասեն, Չիչոլինա, Բոնի Էմ, Rancid, NOFX, Pearl Jam, Նինա Սիմոն, Linkin Park, The Fugees։
- 1999 թվականին «Չայֆ» խումբը հորինեց նոր տեքստ և «Շեկոգալի» ալբոմի համար ձայնագրեց երգ։ Այն կոչվեց «Родная, не плачь»։
- 2002 թվականին «Корабль» խումբը նույն կերպ վարվեց և «Սև կիթառներ» սկավառակում թողարկեց «Нет бабы нет слёз» երգը, որի բառերի իմաստը բխում է երգի անվան մեկնաբանություններից։
- 2004 թվականին «Via Chappa» ռեփ-խումբը վերաձայնագրեց «По волнам» երաժշտական երգը (Միխեի հետ զուգերգով) «No,Woman, No Cry»-ի մոտիվներով՝ փոխելով տեքստը և երգի տրամադրությունը։
Հետաքրքիր փաստեր[խմբագրել | խմբագրել կոդը]
- Երգի բնագիր տարբերակում հնչում է «No, Woman, Nuh cry»։ Ջամայական բարբառում «Nuh» բառը համապատասխանում է անգլերեն «don't» բառին[8]։ Այսինքն՝ արտահայտությունը նշանակում է՝ «Կարիք չկա, կին, մի լացիր»։ Երգի միջոցով երգիչը մխիթարում է կանանց՝ հորդորելով նրանց, որ վերջին հաշվով «ամեն ինչ լավ է լինելու»[9]։
Ծանոթագրություններ[խմբագրել | խմբագրել կոդը]
- ↑ 1,0 1,1 ISWC-Net
- ↑ Stone, Rolling; Stone, Rolling (2011 թ․ ապրիլի 7). «500 Greatest Songs of All Time». Rolling Stone (ամերիկյան անգլերեն). Վերցված է 2020 թ․ հունիսի 10-ին.
- ↑ «Entertainment | No Woman No Cry 'songwriter' dies». BBC News. 2009 թ․ հունվարի 1. Վերցված է 2016 թ․ հոկտեմբերի 9-ին.
- ↑ «In pictures: The legacy of Bob Marley». BBC. Վերցված է 2009 թ․ հունվարի 1-ին.
- ↑ Humphries, Patrick (2003). «No Woman No Cry». BBC Radio 2. BBC. Վերցված է 2009 թ․ հունվարի 1-ին.
- ↑ «Bob Marley, 'No Woman, No Cry' | 500 Greatest Songs of All Time». Rolling Stone. 2011 թ․ ապրիլի 7. Արխիվացված է օրիգինալից 2016 թ․ հոկտեմբերի 7-ին. Վերցված է 2016 թ․ հոկտեմբերի 9-ին.
- ↑ Анализ темпа песни на сайте meanspeed.com
- ↑ Dawes, Kwame Senu Neville (2002). Bob Marley: Lyrical Genius (անգլերեն). Sanctuary. ISBN 978-1-86074-433-4.
- ↑ Dawes, Kwame Senu Neville, 1962- Bob Marley : lyrical genius. — London: Sanctuary, 2002. — 356 pages с. — ISBN 1860744338, 9781860744334
Արտաքին հղումներ[խմբագրել | խմբագրել կոդը]
- Երգի ռուսերեն թարգմանությունը
- Հոդված երգի մասին ամերիկացի լրագրող Սթիվ Սեյլորի բլոգում, 2007
|
