Motorola DynaTAC

Վիքիպեդիայից՝ ազատ հանրագիտարանից
Դոկտոր Մարտին Կուպերը աշխարհում առաջին DynaTAC բջջային հեռախոսով

Motorola DynaTAC 8000X, առաջին բջջային հեռախոսը, որը ստացել է FCC սերտիֆիկատ 1983 թվականի սեպտեմբերի 21-ին[1]։

Առաջին բջջային զանգը կատարվել է 1973 թվականին՝ նախանմուշի հիման վրա։ 1973-1983 թվականների ընթացքում արտադրվել է մի քանի նախանմուշ։ DynaTAC 8000X-ն առաջին բջջային հեռախոսն էր, որը կարող էր օգտվողին միացնել հեռախոսային ցանցին առանց բջջային օպերատորի անհրաժեշտության։ Եվ այն կարող էր կրել մեկ անձ։

Պատմություն[խմբագրել | խմբագրել կոդը]

1973 թվականի ապրիլի 3-ի առավոտյան հենց այս հեռախոսն է վերցրել գյուտարար Մարտին Կուպերը և հավաքել Բելլի լաբորատորիայի հետազոտական բաժնի ղեկավար Ջոել Էնգելի հեռախոսահամարը։ Զրույցն ավարտելուց և նույն շենքում մամուլի ասուլիս անցկացնելուց հետո ինժեներներն ու վերամշակողները հասկացել են, որ հեղափոխություն են կատարել կապի աշխարհում։ Տարիներ անց լաբորատորիայի համակարգերի վերամշակման բաժնի ղեկավար Ռիչարդ Ֆրանկլը Dyna-Tac-ի մասին ասել է․

Aquote1.png Դա իսկական հաղթանակ էր։ Այդ ժամանակ մենք մեր մեքենաներում օգտագործում էինք 14 կիլոգրամանոց հեռախոսներ։ Ամեն ինչ 1 կիլոգրամում պահելու հնարավորությունը մեծ բեկում էր[2]։ Aquote2.png

1974 թվականի սկզբին դաշնային հանձնաժողովը բջջային կապի օգտագործման հաճախականություններ է առանձնացրել։

Նկարագրություն[խմբագրել | խմբագրել կոդը]

Լսափողն ուներ մոտ 0,8 կգ կշիռ և 22,5 × 12,5 × 3,75 սմ չափսեր՝ առանց ճկուն ռետինե անտենայի։

Կարմիր լուսադիոդային էկրանը ցուցադրում էր միայն մուտքագրված համարը։ Առջևի վահանակի վրա կար 12 ստեղնային թվային ստեղնաշար (որից 10-ը թվային կոճակներ էին, երկուսը՝ զանգելու և խոսակցությունն ավարտելու համար) և ինը հատուկ ստեղներ հետևյալ գործառույթներով.

  • Rcl (Recall) - զանգի կրկնություն
  • Clr (Clear) - ջնջել
  • Snd (Send) - ուղարկել
  • Sto (Store) - «հիշել»
  • Fcn (Function) - գործառույթներ
  • End (End) - ավարտել
  • Pwr (Power) - միացնել սնուցումը
  • Lock (Lock) - արգելափակել
  • Vol (Volume) - ձայնի ուժգնություն

Մարտկոցը թույլ էր տալիս DynaTac-ով հաղորդակցվել 35 րոպե, սակայն այն լիցքավորելու համար պահանջվում էր ավելի քան 10 ժամ։

Հետաքրքիր փաստեր[խմբագրել | խմբագրել կոդը]

  • 1987 թվականին «Ուոլ Սթրիթ» ֆիլմում Գորդոն Հեկոն խոսում է Motorola DynaTac 8000X հեռախոսով։
  • «Grand Theft Auto: Vice City» խաղում գլխավոր հերոսն ուներ Motorola DynaTac բջջային հեռախոս։
  • «Ամբողջ ծանրությամբ» սերիալի 7-րդ եթերաշրջանի 3-րդ սերիայում Հեկտոր Սալամանկան խոսում էր Motorola DynaTac հեռախոսով։

Ծանոթագրություններ[խմբագրել | խմբագրել կոդը]

  1. «Motorola DynaTAC 8000X»։ Motorola Mobility 2011։ Արխիվացված է օրիգինալից 2014-01-04-ին։ Վերցված է 2021-12-27  (անգլ.)
  2. Ted Oehmke Cell Phones Ruin the Opera? Meet the Culprit // The New York Times. — 2000. (անգլ.)