Սխտորասունկ

Սխտորասունկ
Գիտական դասակարգում
Թագավորություն Սնկեր Բաժին Базидиомицеты Դաս Agaricomycetes Կարգ Agaricales Ընտանիք Marasmiaceae Ցեղ Marasmius Տեսակ Սխտորասունկ
Լատիներեն անվանում
Marasmius alliaceus (Jacq.) Fr. 1874
Դասակարգումը Վիքիցեղերում Պատկերներ Վիքիպահեստում

Սխտորասունկ (լատին․՝ Marasmius alliaceus), բազիդիավոր սնկերի շարքասնկայինների ընտանիքի տեսակ։ ՀՀ- ում հանդիպում է հյուսիսարևելյան մարզերի սաղարթավոր անտառներում՝ փռոցաշերտի կամ փտած բնափայտի վրա, կոճղերի մոտ՝ մայիս-սեպտեմբերին (1100-1850 մ բարձրություններում)։

Նկարագիր

M. alliaceus

Գլխարկը (տրամագիծը՝ 2-5 սմ) զանգակաձև է՝ լայն ուռուցիկ թմբիկով, գորշավուն, երբեմն (երիտասարդ պտղամարմիններին)՝ կեղտոտ կաթնագույն, ապա՝ մուգ։ Գլխարկի պտղամիսը սպիտակ է, ոտիկինը՝ գորշաշագանակագույն, գրեթե սև, սուր սխտորի հոտով և համով։ Թիթեղները սկզբում կպած են ոտիկին, հետագայում ազատ են, սպիտակավուն, նոսր։ Ոտիկը (երկարությունը՝ 5-15 սմ, հաստությունը՝ 0,2- 0,4 սմ) գորշադարչնագույն է, վերևում՝ թավշանման, ստորին մասում՝ թեթևակի հաստացած, թելանման, ավելի մուգ, ուղիղ կամ ծռված, երբեմն՝ արմատաձև երկարացած։ Սպորների փոշին ուն ի սպիտակ գույն։

Նմանատիպ տեսակներ

Դասի այլ ներկայացուցիչ է հանդիսանում Marasmius։

Հոմանիշներ

• Agaricus alliaceus Jacq. 1773Կաղապար:Basionym
• Mycetinis alliaceus (Jacq.) Earle 1909

Կիրառություն

Ուտելի է. օգտագործվում է թարմ և չորացրած (որպես համեմունք)։

Տես նաև

• Կոճղասունկ

Գրականություն

• Сержанина Г. И. Шляпочные грибы Белоруссии. — Минск: Наука и техника, 1984.
• Hawksworth, D. L. et al.։ Ainsworth & Bisby’s Dictionary of the Fungi. volume 8, CAB, Wallingford 1995.
• Winkler, R.։ 2000 Pilze einfach bestimmen. AT, Aarau 1993.

Արտաքին հղումներ

• http://www.pilz-baden.ch/galerie/alliaceus.html Արխիվացված 2007-09-27 Wayback Machine

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։