MV Barima լաստանավի խորտակում
| Կոորդինատներ | 7°28′13″N 58°23′27″W  | |
|---|---|---|
| Նշանակալից իրադարձություն | shipwrecking | |
| Արտադրող | Ferguson Marine | |
| Գործարկման ամսաթիվ | 1939 | |
| Երկարություն | 40,26 մետր | |
| Գրանցման երկիր | Գայանա | |
| Նավաշինարանի համար | 340 | |
MV Barima լաստանավի խորտակումը տեղի է ունեցել 2026 թվականի հուլիսի 18-ին՝ մոտավորապես ժամը 23:00-ին, Ատլանտյան օվկիանոսում՝ Գայանայի ափից մոտ 11 կմ հեռավորության վրա։ Նավաբեկության պատճառը եղել է մեծ ալիքի հետևանքով նավի շրջվելը։
Վթարի հետևանքով զոհվել է 73 մարդ, անհետ կորել է 30 մարդ, իսկ 76 մարդ փրկվել է։ Դեպքը դարձել է Գայանայի պատմության ծովային խոշորագույն աղետներից մեկը[1]։ Երկրում հայտարարվել է եռօրյա սուգ[1][2][3]։ Գայանան հարգանքի տուրք է մատուցել զոհերի հիշատակին 2026 թվականի Համագործակցության խաղերի բացման արարողության ժամանակ։ Գայանացի մարզիկներն ու պաշտոնյաները մարզադաշտ մտնելիս հագել են սև թևկապեր և սև հագուստ[4]
Նավի մասին
[խմբագրել | խմբագրել կոդը]MV Barima լաստանավը ունեցել է 40 մետր երկարություն և կառուցվել է Մեծ Բրիտանիայում 1939 թվականին[5]։ Նավը Գայանայում շահագործվել է ավելի քան 40 տարի՝ տեղափոխելով ուղևորներ և բեռներ Ջորջթաուն, Մորավաունա, Մաբարումա և Պորտ Կայտում ուղղություններով։
2026 թվականի հուլիսի 18-ին նավը դուրս է եկել Ջորջթաունից դեպի Պորտ Կայտում՝ ունենալով 162 ուղևոր, 17 անձնակազմի անդամ և մոտ 200 տոննա բեռ։ Մոտավորապես ժամը 23:00-ին նավը աղետի ազդանշան է ուղարկել[6]։ Փրկարարները դեպքի վայր են հասել հուլիսի 19-ին՝ ժամը 2:30-ին։
Հուլիսի 24-ի դրությամբ հայտնաբերվել է զոհված 73 մարդու մարմին, փրկվել է 76 մարդ, իսկ ևս 30 մարդ համարվում էր անհետ կորած։
Նավի կապիտանը և անձնակազմի ևս երեք անդամներ փրկվել են։ Կատարված թեստերը ցույց են տվել, որ կապիտանի և անձնակազմի անդամներից մեկի օրգանիզմում առկա են եղել մարիխուանայի հետքեր։ Նրանք ձերբակալվել են[7][8]։
Ծանոթագրություններ
[խմբագրել | խմբագրել կոդը]- 1 2 «Huge search operation after passenger ferry sinks off coast of Guyana». The Guardian. 2026-07-20. Վերցված է 2026-07-21-ին.
- ↑ «MV Barima death toll rises to 73 as divers recover another body inside the wreck». Guyana Chronicle. 2026-07-24. Վերցված է 2026-07-24-ին.
- ↑ «53 bodies so far recovered from MV Barima tragedy». Demerara Waves. 2026-07-21. Վերցված է 2026-07-21-ին.
- ↑ Commonwealth Games 2026: Team Guyana to honour MV Barima victims at opening ceremony
- ↑ «Vessel list». Clyde Ships. Վերցված է 2026-07-20-ին.
- ↑ «MV Barima comes to tragic end after 87 years». Kaieteur News. 2026-07-20. Վերցված է 2026-07-20-ին.
- ↑ «Twenty-seven bodies recovered after ferry capsizes off Guyana». Reuters. 2026-07-20. Վերցված է 2026-07-21-ին.
- ↑ «Police wouldn't explain continued detention of Captain and crew member of sunken MV Barima ferry». NEWS Source Guyana. 2026-07-23. Վերցված է 2026-07-23-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «MV Barima լաստանավի խորտակում» հոդվածին։ |