Love the Way You Lie

Վիքիպեդիայից՝ ազատ հանրագիտարանից
Jump to navigation Jump to search
«Love the Way You Lie»
«Love the Way You Lie» սինգլի շապիկը (Էմինեմ և Ռիհաննա, )
Էմինեմ և Ռիհաննայի սինգլը
«Recovery» ալբոմից
Թողարկված2010 թվականի հունիսի 25
ՖորմատCD
Ձայնագրված2009
Ժանրփոփ, ռեփ
ԵրգահանՍկայլար Գրեյ, Էմինեմ, Ալեքս դա Քիդ
Տևողություն4։23
ԼեյբլAftermath Entertainment, Interscope Records, Shady Records
ՊրոդյուսերԱլեքս դա Քիդ, Մեյքբա Ռիդդիկ
Էմինեմի ժամանակագրություն
«Not Afraid» «Love the Way You Lie» «No Love»

«Love the Way You Lie» («Սիրում եմ` ինչպես ես ստում»), ամերիկացի ռեփեր Էմինեմի յոթերորդ ստուդիական ալբոմի՝ «Recovery»-ի երկրորդ սինգլը։ Երգի ձայնագրությունում իր մասնակցությունն է ունեցել երգչուհի Ռիհաննան։ Ձայնագրության պրոդյուսերը Ալեքս դա Քիդն է։

Ստեղծագործությունը զբաղեցրել է առաջին հորիզոնականը մոլորակի ամենահեղինակավոր շքերթներից մեկում՝ ԱՄՆ-ի գլխավոր շքերթ «Billboard Hot 100»-ում (Էմինեմի համար դա չորրորդ «ոսկին» էր, միևնույն ժամանակ Ռիհաննայի համար՝ յոթերորդը)։ Ավելի ուշ Էմինեմը հնչեցրեց երգի ևս մեկ հեղինակի անուն՝ Սկայլար Գրեյ, և խոստովանեց, որ Ռիհաննայի հետ ձայնագրությունը գովազդային քայլ էր։

Պատմություն[խմբագրել | խմբագրել կոդը]

Երգի պրոդյուսեր Ալեքս դա Քիդը պատմել է, որ ամբողջ ձայնագրությունն արվել է 2 օրվա ընթացքում, և հենց սկզբից Էմինեմը հնարավոր հրավիրվող վոկալիստի դերում դիտարկել է Ռիհաննային[1]։ Ռեփերն իր ընտրությունը մեկնաբանել է հետևյալ կերպ․

Aquote1.png Միայն նա կկարողանա անել դա[2]։
- Էմինեմ
Aquote2.png

Ռիհաննան միանգամից համաձայնվել է՝ ասելով․

Aquote1.png Ես անպայման կանեմ դա, որովհետև ինձ դուր է գալիս Էմինեմը։ Եվ ես հավանել եմ երգը։ Այն իսկապես հրաշալի է, այն իսկապես բացառիկ է։ Դա իսկապես նմանը չունեցող ձայնագրություն է։ Ես հիացած եմ դրանով[3]։
- Ռիհաննա
Aquote2.png

Տեսահոլովակ[խմբագրել | խմբագրել կոդը]

Նկարահանումները սկսվել են 2010 թվականի հուլիսի 20-ին, ռեժիսորը Ժոզեֆ Կանն է (նա նաև Էմինեմի «Without Me» երգի և մի շարք այլ հայտնի երգերի տեսահոլովակների ռեժիսորն է, այդ թվում՝ Ֆիֆթի Սենթի և Ջասթին Թիմբերլեյքի «Ayo Technology», Բրիթնի Սփիրսի «Womanizer» և այլն): 2010 թվականի հուլիսի 22-ին հրապարակվեցին նկարահանումները, որտեղ կարելի էր տեսնել այրվող տան մոտ կանգնած Էմինեմին և Ռիհաննային, ինչպես նաև Մեգան Ֆոքսին և Դոմինիկ Մոնագանին։ Հուլիսի 24-ին Կանը խոստացավ տեսահոլովակի շուտափույթ պրեմիերան, սակայն հանդիսատեսը այն կարողացավ գնահատել միայն օգոստոսի 5-ին։

Ֆոքսը և Մոնագանը խաղում են մշտապես վիճող զույգի դեր։ Տեսահոլովակի վերջում երկուսն էլ բոցավառվում են, ինչը խորհրդանշում է հյուծող հարաբերությունների արդյունքում առաջացող ինքնակործանումը։ Սյուժետային ներդիրները փոխարինվում են Ռիհաննայի (նա երգում է այրվող տան ֆոնին) և Էմինեմի տեսարաններով։ Վերջինս դաշտում ռեփ է կարդում (տեսահոլովակի ավարտին նա հայտնվում է կրակի մոտ՝ Ռիհաննայի հետ)։

Տեսահոլովակը ունեցավ մեծ հաջողություն․ առաջին իսկ 24 ժամվա ընթացքում «VEVO» կայքում այն գրանցեց 6,6 միլիոն դիտում, իսկ հինգերորդ օրն այդ թիվը հասավ 21 միլիոնի[4]։ Առաջին 24 ժամվա դիտումների թվով տեսահոլովակը նոր ռեկորդ գրանցեց Youtube-ում[5]։ 2016 թվականի հունվարի 17-ին տեսահոլովակը YouTube-ում հավաքեց ավելի քան 1 000 000 000 դիտում, և Էմինեմը դարձավ առաջին հիփ-հոփ կատարողը, որը կարողացավ հաղթահարել այդ նշագիծը[6]։

Դիրք շքերթներում[խմբագրել | խմբագրել կոդը]

2010 թվականի հուլիսի 10-ին ստեղծագործությունն իր առաջնելույթը կատարեց «US Billboard Hot 100»-ում, ընդ որում՝ միանգամից երկրորդ հորիզոնականում: Երգը հայտնվեց նաև «Billboard Digital Songs chart»-ում (ընդ որում՝ միանգամից առաջին հորիզոնականում), որտեղ առաջին իսկ շաբաթվա ընթացքում ունեցավ 338 հազար ներբեռնում: Առանց տեսահոլովակի երգը կարողացավ բարձրանալ «Hot 100» շքերթի առաջին հորիզոնական (Էմինեմի համար դա չորրորդ անգամն էր՝ ներառյալ իր նախորդ թռիչքը «Not Afraid» երգով, իսկ Ռիհաննայի համար՝ յոթերորդը իր կարիերայի ընթացքում՝ սկսած 2005 թվականից)։ Չորրորդ շաբաթում երգը «Billboard Pop Songs chart»-ում 13-րդ հորիզոնականից բարձրացավ 8-րդ հորիզոնական՝ հայտնվելով այդ շքերթի առաջին տասնյակում (նման նվաճում Էմինեմը ունեցավ իններորդ անգամ, իսկ Ռիհաննան՝ տասնհինգերորդ)։ «Digital Songs chart» շքերթում երգը կարողացավ 6 շաբաթ շարունակ մնալ բարձր հորիզոնականում՝ վերջին շաբաթվա ընթացքում վաճառելով 300 հազար օրինակ (ընդհանուր առմամբ՝ ավելի քան 1,9 միլիոն)։ 5 շաբաթ անփոփոխ առաջնորդությունից հետո երգը նվաճեց «Airplay Gainer» մրցանակը, և նույն շաբաթվա ընթացքում նոր առաջընթաց գրանցեց՝ զբաղեցնելով երկրորդ հորիզոնականը «Radio Songs chart» և «Pop Songs chart» շքերթներում։ Օգոստոսի 21-ին երգը «Pop Songs chart»-ում զբաղեցրեց առաջին հորիզոնականը։ Այն Էմինեմի ամբողջ գործունեության ընթացքում երրորդ նմանատիպ արդյունքն էր, իսկ Ռիհաննայի համար՝ վեցերորդը։

Մեծ Բրիտանիայի շքերթներում երգը հայտնվեց մեկ շաբաթվա ընթացքում, որի ավարտին (դա հուլիսի 3-ին էր) այն «UK Singles Chart»-ում զբաղեցրեց յոթերորդ հորիզոնականը, իսկ «UK R&B Chart»-ում՝ երրորդը։ Այդ կերպ երգն առաջին շքերթում արժանացավ արծաթի, իսկ երկրորդում՝ ոսկու։

«Love the Way You Lie» երգն առաջին հորիզոնականը զբաղեցրեց Նոր Զելանդիայի, Կանադայի, Իռլանդիայի և Ավստրալիայի (այստեղ այն ստացավ նաև պլատինե վկայական) հիթ-շքերթներում։ Միաժամանակ Նոր Զելանդիայում սինգլը դարձավ «ոսկե», իսկ Գերմանիայում, որտեղ դեռ չէր թողարկվել, սպասվում էր հայտնվելը միանգամից 18-րդ հորիզոնականում։

Երկրորդ և երրորդ մասեր[խմբագրել | խմբագրել կոդը]

Երգի հաջողությամբ պայմանավորված՝ Էմինեմն ու Ռիհաննան ձայնագրեցին իրենց ամառային հիթի շարունակությունը։ MTV.com-ի հետ հարցազրույցում Ռիհաննան խոստովանեց, որ ինքն «ակտիվորեն դեմ» էր այս երգի ստեղծմանը, քանի որ, ըստ իր խոսքերի, բնօրինակը գերազանցել անհնար է։ Այնուամենայնիվ, նա մասնակցեց «Love the Way You Lie» երգի շարունակության ձայնագրմանը, որը դարձավ իր «Loud» ալբոմի վերջին՝ 11-րդ երգը։ Երկրորդ մասը տարբերվում է նախորդից նախևառաջ մասնակիցների «դերերի» փոփոխությամբ։ Եթե բնօրինակն առաջին հերթին Էմինեմի երգն է՝ կրկներգում Ռիհաննայի մասնակցությամբ, ապա երկրորդ մասում առաջնայինը Ռիհաննայի բաժինն է, իսկ Էմինեմը հանդես է գալիս միայն վերջին հատվածում։ Դաշնամուրային տարբերակում (հասանելի է «iTunes»-ում՝ որպես բոնուսային երգ) Էմինեմն առհասարակ բացակայում է։ Ինչպես բնօրինակի դեպքում, երկրորդ մասում ևս ձայնագրության պրոդյուսերը Ալեքս դա Քիդն է: Երգի երրորդ մասը ներառվել է երգչուհի Սկայլար Գրեյի «Don’t Look Down» ալբոմում։ Սկայլարը երգի առաջին մասի համահեղինակն է, և երկրորդ ու երրորդ մասերի հեղինակը։

Երգի ներկայացում[խմբագրել | խմբագրել կոդը]

Էմինեմն այս երգը ներկայացրել է շոտլանդական «Park Festival» և իռլանդական «Oxegen 2010» փառատոններում: 2010 թվականի հուլիսի 21-ին Էմինեմն այս երգով հանդես եկավ Լոս Անջելեսում՝ Ռիհաննայի «Last Girl on Earth Tour» շրջագայության շրջանակներում: Ռեփերի հայտնվելը «պայթեցրեց» ամբողջ դահլիճը: «Love the Way You Lie» երգը ներկայացվել է նաև 2010 թվականի MTV երաժշտական տեսահոլովակի մրցանակաբաշխության շրջանակներում: Երկրորդ մասը Ռիհաննան կատարել է 38-րդ Ամերիկյան երաժշտական մրցանակաբաշխության շրջանակներում: Էմինեմի ելույթը Գրեմմիի 53-րդ արարողության ժամանակ ևս բացվեց «Love the Way You Lie» երգի երկրորդ մասի կատարմամբ, որին մասնակցում էին Ռիհաննան և Ադամ Լևինը՝ Maroon 5 խմբի մենակատարը:

Շքերթներ և վկայագրություններ[խմբագրել | խմբագրել կոդը]

Շքերթներ[խմբագրել | խմբագրել կոդը]

Շքերթներ (2010) Բարձրագույն
դիրք
Ավստրալիա Ավստրալիա 1
Ավստրիա Ավստրիա 1
Ֆլանդրիա Ֆլանդրիա 1
Վալոնիա Վալոնիա 1
Բուլղարիա Բուլղարիա 2
Բրազիլիա Բրազիլիա 16
Կանադա Կանադա 1
Չեխիա Չեխիա 2
Դանիա Դանիա 1
Ֆինլանդիա Ֆինլանդիա 1
Ֆրանսիա Ֆրանսիա 3
Գերմանիա Գերմանիա 1
Հունգարիա Հունգարիա 2
Իռլանդիա Իռլանդիա 1
Իտալիա Իտալիա 1
Ճապոնիա Ճապոնիա 55
Նոր Զելանդիա Նոր Զելանդիա 1
Նորվեգիա Նորվեգիա 1
Շոտլանդիա Շոտլանդիա 3
Իսպանիա Իսպանիա 1
Սլովակիա Սլովակիա 1
Լեհաստան Լեհաստան[7] 1
Ռումինիա Ռումինիա[8] 1
Ռուսաստան Ռուսաստան[9] 1
Ամերիկայի Միացյալ Նահանգներ Billboard Hot 100[10] 1
Մեծ Բրիտանիա Մեծ Բրիտանիա 2
Շվեյցարիա Շվեյցարիա 1
Ամերիկայի Միացյալ Նահանգներ Latin Songs (Billboard)[11] 23
Ամերիկայի Միացյալ Նահանգներ Pop Songs (Billboard)[12] 1
Շվեդիա Շվեդիա 1
Վենեսուելա Վենեսուելա[13] 3

Վկայագրություններ[խմբագրել | խմբագրել կոդը]

Երկիր Կարգավիճակ
Ավստրալիա Ավստրալիա[14][15] 5× Պլատինե
Բելգիա Բելգիա[16] Ոսկե
Մեծ Բրիտանիա Մեծ Բրիտանիա Պլատինե
Գերմանիա Գերմանիա[17] Պլատինե
Դանիա Դանիա[18] Պլատինե
Իսպանիա Իսպանիա[19] Պլատինե
Իտալիա Իտալիա[20] Պլատինե
Նոր Զելանդիա Նոր Զելանդիա[21] Պլատինե
Ռուսաստան Ռուսաստան[22] Պլատինե
Շվեյցարիա Շվեյցարիա[23] 2× Պլատինե

Ծանոթագրություններ[խմբագրել | խմբագրել կոդը]

  1. ^ a b Dinh, James (2010-06-21). «Rihanna Tells Story Behind Eminem Duet, 'Love The Way You Lie'». MTV. Viacom. Retrieved 2010-07-01.
  2. ^ Kaufman, Gil (2010-06-02). «Eminem Talks Lil Wayne, Rihanna And Pink Recovery Collabos». MTV. Viacom. Retrieved 2010-07-01.
  3. Dinh, James (2010-06-21). «Rihanna Tells Story Behind Eminem Duet, 'Love The Way You Lie'». MTV. Viacom. Retrieved 2010-07-01.
  4. ^ Copsey, Robert (2010-08-09). «Music — News — Eminem and Rihanna break YouTube record». Digital Spy.
  5. ^ http://www.metro.co.uk/music/837611-eminem-and-rihanna-love-the-way-you-lie-video-breaks-youtube-record
  6. [1]
  7. «Listy bestsellerów, wyróżnienia :: Związek Producentów Audio-Video»։ Zpav.pl։ Արխիվացված օրիգինալից-ից 2012-05-05-ին։ Վերցված է 2010-11-17 
  8. Romanian Top 100 — October 10
  9. Lenta.ru: Музыка: Шакирующие песни
  10. Eminem Album & Song Chart History Billboard Hot 100 for Eminem. Ստուգվել է 28 апреля 2018.
  11. Eminem Album & Song Chart History Billboard Latin Songs for Eminem. Ստուգվել է 28 апреля 2018.
  12. Eminem Album & Song Chart History Billboard Pop Songs for Eminem. Ստուգվել է 28 апреля 2018.
  13. «Venezuelan Single Chart»։ Արխիվացված օրիգինալից-ից 2010-10-17-ին։ Վերցված է 20 October 2010 
  14. «ARIA Charts — Accreditations — 2010 Singles». Australian Recording Industry Association. Retrieved 2010-08-07.
  15. «ARIA Top 50 Singles Chart». Australian Recording Industry Association. Retrieved 2011-01-16.
  16. ultratop.be — ULTRATOP BELGIAN CHARTS
  17. Gold/Platin–Datenbank (нем.). Bundesverband Musikindustrie. Проверено 14 декабря 2010.
  18. «Guld og platin 2010 [Gold and platinum in 2010]». IFPI Denmark. Retrieved 2011-11-27.
  19. «Top Songs of 2010 - Spain»։ PROMUSICAE 
  20. «Nielsen Certifications Week 48, 2010»։ FIMI։ Արխիվացված օրիգինալից-ից 2012-05-05-ին 
  21. Latest Gold / Platinum Singles — RadioScope New Zealand
  22. «Lenta.ru: Музыка: Имеющие уши»։ Lenta.ru։ Արխիվացված օրիգինալից-ից 2011-08-14-ին։ Վերցված է 2011-02-05 
  23. The Official Swiss Charts and Music Community

Արտաքին հղումներ[խմբագրել | խմբագրել կոդը]

Նախորդող՝
«California Gurls» - Քեթի Փերրի (Սնուփ Դոգի մասնակցությամբ)
US Billboard Hot 100 Սինգլներ №1
2010 թվականի հուլիսի 31 - սեպտեմբերի 11

Billboard logo.svg

Հաջորդող՝
«Teenage Dream»Քեթի Փերրի