«Live Like You Were Dying», ամերիկացի քանթրի երգիչ Թիմ Մաքգրոյի երգը, որ թողարկվել է որպես նրա Live Like You Were Dying (2004) ութերորդ ստուդիական ալբոմի առաջին սինգլ։ Երգի հեղինակներն են Թիմ Նիկոլսն (անգլ.՝ Tim Nichols) ու Քրեյգ Վայսմենը (անգլ.՝ Craig Wiseman)։
«Live Like You Were Dying» երգն արժանացել է Գրեմմի մրցանակի և CMA Awards քանթրի երաժշտության ասոցիացիայի մրցանակի՝ հաղթելով նաև «Տարվա լավագույն երգ» (Song of the Year) անվանակարգում[1]։
«Live Like You Were Dying» երգը Billboard Hot Country Singles & Tracks հիթ-շքերթում ընդգրկվել է 2004 թվականի հունիսի 5-ին՝ զբաղեցնելով 36-րդ հորիզոնականը։ 2009 թվականի դեկտեմբերի 1-ին այն ստացել է պլատինե կարգավիճակ RIAA-ի կողմից[2]։ Մինչ 2015 թվականի մայիս ԱՄՆ_ում վաճառվել է երգի 2,160,000 օրինակ[3]։
Billboard ամսագիրը «Live Like You Were Dying» երգը կոչել է 2004 թվականի լավագույն քանթրի երգ՝ տեղադրելով այն Best of 2004: Country Songs ցանկի առաջին հորիզոնականում[4]։ Ներկայացված լինելով երեք անվանակարգերում՝ երգն արժանացել է երկու Գրեմմիի՝ հաղթելով Լավագույն քանթրի երգ և Տղամարդու լավագույն քանթրի վոկալ անվանակարգերում[5]։