KBS World

Վիքիպեդիայից՝ ազատ հանրագիտարանից
Jump to navigation Jump to search
KBS World
KBS World (2009).svg
Տեսակinternational broadcaster
ԵրկիրFlag of South Korea.svg Հարավային Կորեա
Բացվեց2003
Կայքkbsworld.kbs.co.kr
Korean Broadcasting System Վիքիպահեստում

«KBS World», հարավկորեական KBS հեռուստատեսային և ռադիոընկերության շուրջօրյա հեռուստաալիք, որը նախատեսված է միջազգային ունկնդիրների համար[1][2][3]: Հաղորդումների մեծ մասը հեռարձակվում է կորեերեն լեզվով անգլերեն ենթագրերով[3]:

Հիմնական հեռուստաալիքից բացի, որի գլխավոր գրասենյակը գտնվում է Սեուլում, կան նաև երկու առանձին հեռուստաալիքներ «KBS World» անվանումով` ԱՄՆ-ի և Ճապոնիայի համար, որոնք գտնվում են համապատասխանաբար ամերիկյան և ճապոնական բաժանմունքների կառավարման ներքո: 2012 թվականին Կանադայի «KBS World»-ը վերանվանվել է «All TV K»-ի:

Նախապատմություն[խմբագրել | խմբագրել կոդը]

Մինչև «KBS World»-ը KBS ընկերությունը արդեն միջազգային ալիք ուներ, որը կոչվում էր «TV Korea» և հեռարձակումը սկսել էր 2001 թվականին: «TV Korea»-ի ունկնդիրները էթնիկ կորեացիներ և Կորեայի քաղաքացիներ էին, ովքեր ապրում էին արտասահմանում: Հեռուստաալիքը նաև տարբեր երկրների հեռուստաընկերությունների կորեական նորություններ և հեռուստաֆիլմեր էր տրամադրում ցածր գներով: Թեպետ «KBS World»-ը ապագայում` «TV Korea»-ն շուրջօրյա չէր, այն տարբեր երկրներում մեծ լսարան էր գրավել և ուրախությամբ էր ընդունվել ամբողջ աշխարհում: Արձագանքելով պահանջարկին՝ KBS-ը որոշեց ստեղծել շուրջօրյա միջազգային ալիք: «TV Korea»-ն կազմացրվեց, իսկ փոխարենը ստեղծվեց «KBS World»-ը[3]:

Պատմություն[խմբագրել | խմբագրել կոդը]

Հեռուստաալիքը հեռարձակվում է 2003 թվականի հուլիսի 1-ից: Ի տարբերություն «TV Korea»-ի, որը օրինակ արբանյակ չուներ, որպեսզի Եվրոպայում նորությունները հեռարձակեր իրական ժամանակով, «KBS World»-ի միանգամից ստեղծվեց համապատասխան ենթակառույցներով հեռարձակման համար[3]:

2003 թվականից սկսած, 10 տարվա ընթացքում, հեռուստաընկերության լսարանի թիվը հասավ 2,3 միլիարդ մարդու[4]:

Հաղորդումներ[խմբագրել | խմբագրել կոդը]

Բացի անգլերեն հեռարձակվող նորություններից և այլ ծրագրերից, ալիքը ցույց է տալիս հաղորդումներ, որոնք նախատեսված են կորեացի ուկնդիրների համար և հեռարձակվում են «KBS1» և «KBS2» ալիքներով: Ժանրերի շարքը լայն է, օրինակ ամենահայտնիները KBS ընկերության հեռուստասերիալները և ֆիլմերը, ժամանցային հաղորդումներն են, այդ թվում նաև կորեական փոփ երաժշտությանը նվիրված վավերագրական ֆիլմերը, սպորտը և երեխաների համար նախատեսված հաղորդումները: Հաղորդումները ցուցադրվում են կորեերոնով, անգլերեն ենթագրերով[3]:

«KBS World»-ը արտադրում է նաև վավերագրական ֆիլմեր, մանրամասն և խորը ծրագրեր` կորեական մշակույթի և տեխնոլոգիայի մասին, որոնք նախատեսված են ողջ աշխարհում Կորեայի դրական կերպարի բարելավմանն և պահպանմանը[5]:

Նորությունների ծրագրերը անգլերենով ստեղծվում են հատուկ «KBS World»-ի համար և կոչվում են «KBS World News Today»:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Caught up in a Korean wave» (անգլերեն)։ The Star Online (онлайн-сервис малайской газеты)։ 2012-08-12։ Վերցված է 2014-10-26 
  2. «Arirang TV Fighting Do-or-Die Fight» (անգլերեն)։ The Korea Times։ 2009-05-20։ Վերցված է 2014-10-26 
  3. 3,0 3,1 3,2 3,3 3,4 Norihiro Tanaka (2009)։ «Overview of KBS World»։ International Television Broadcasting in East Asia: Current Situation and Challenges (статья в NHK Broadcasting Studies 2009 No. 7)։ NHK։ Վերցված է 2014-10-26 
  4. «KBS World celebrates 10 years»։ Asia-Pacific Broadcasting Union։ Վերցված է 2014-10-26 
  5. «KBS World, Arirang TV connect Korea to world audiences»։ Korea.net։ 2008-09-05։ Վերցված է 2014-10-26 

Արտաքին հղումներ[խմբագրել | խմբագրել կոդը]