Jump

Վիքիպեդիայից՝ ազատ հանրագիտարանից
«Jump»
Մադոննաի երգը
Ժանրդենս փոփ
Լեզուանգլերեն
ԼեյբլWarner Bros. Records
ՀեղինակՄադոննա
ՊրոդյուսերՄադոննա
Մադոննայի «Jump» վինիլային թողարկման պիտակ

«Jump», ամերիկացի երգչուհի Մադոննայի չորրորդ և վերջին սինգլը նրա «Confessions on a Dance Floor» տասներորդ ստուդիական ալբոմից, որը թողարկվել էր 2006 թվականի հոկտեմբերի 31-ին «Warner Brothers» լեյբլի կողմից։ Սինգլը հասել է առաջին հորիզոնականին Հունգարիայում և Իտալիայում, ինչպես նաև Ֆինլանդիայում, Իսպանիայում և Դանիայում ընդգրկվել է «լավագույն հնգյակում»։

Ստեղծման պատմություն[խմբագրել | խմբագրել կոդը]

Ի սկզբանե «Jump»-ը ծրագրվել էր թողարկվել որպես ալբոմի երրորդ սինգլ։ Բայց որպես երրորդ սինգլ թողարկվել է «Get Together» երգը, իսկ դրա հետ մեկտեղ սկսվել է Confessions Tour յոթերորդ համաշխարհային շրջագայությունը[1]։ Այդ պատճառով սինգլի թողարկումը հետաձգվել է 4 ամսով։ «Get Together»-ը համարվում է «Confessions on a Dance Floor» ալբոմի վաճառքների թվով երրորդ սինգլը։ Դրա տպաքանակը կազմել է 20 հազար օրինակ, այն դեպքում, երբ «Jump»-ի տպաքանակը միայն 9 հազար օրինակ էր[2]։ 2006 թվականի հուլիսի 12-ին հայտնի է դարձել, որ «Jump»-ը դառնալու է ալբոմի չորրորդ սինգլը[3]։

Երգը գրվել է 80-ական թվականների սինտոթոթի ոճով՝ տեխնոյի տարրերով։ Երաժշտական պորտալներից մեկում տեղեկություն է հայտնվել այն մասին, որ սինգլը «Pet Shop Boys» խմբի «West End Girls» սինգլի տարբերակն է, որը թողարկվել է 1985 թվականին։ Երգի տեքստում կոչ է արվում գործել։ «Պատրաստ ես թռիչքի։ Այո, ես պատրաստ եմ թռիչքի։ Երբեք հետ մի՛ նայիր» (անգլ.՝ Are you ready to jump? Yes, I`m ready to jump! Don't ever look back!)։ Երգի տեքստը նման է Մադոննայի 1989 թվականի «Like a Prayer» ալբոմի «Keep It Together» երգի տեքստին։ Սակայն տեքստի տարբերությունները, այնուամենայնիվ, կան, եթե «Keep It Together»-ում Մադոննան անդրադառնում է ընտանեկան թեմաներին, ապա «Jump»-ում պատմում է նոր սիրո որոնման մասին։

Քննադատություններ[խմբագրել | խմբագրել կոդը]

Շատ քննադատներ երգի տեքստը համեմատել են «Keep It Together» տեքստի, իսկ մեղեդին՝ «Ray of Light» մեղեդու հետ։ «Նյու Յորք Թայմս»-ից Ջոն Պարելեսը «Confessions On A Dance Floor»-ի իր հետազոտության մեջ գրել է, որ «Jump»-ը լավ երաժշտության համակցության և լավատեսության կոչի հիանալի օրինակ է[4]։ Մեթ Զակոսեկը գրել է. ««Jump»-ի և «Push»-ի մեղեդիներով Մադոննան վերադառնում է 90-ական թվականների վերջեր, իսկ տեքստերը տրամադրում են անհրաժեշտ տոնայնություններ[5]»։ About.com կայքից Բիլ Լամբը երգը անվանել է ալբոմի լավագույնը։ Յասոն Շևոունն իր կայքում գրել է, որ տեսնում է «Jump» և «Push» երգերի նմանությունը 70-ականների վերջին Դոնա Սամերի և Ջորջիո Մորոդերի երգերին[6]։

Ճանապարհ հիթ-շքերթներում[խմբագրել | խմբագրել կոդը]

«Warner Brothers» լեյբլը, որը թողարկել է սինգլը, ցանկացել է երգը խորհուրդ տալ որպես նոր հիթ և առաջին անգամ երգը հնչել Է ԱՄՆ-ի հեղինակավոր «Top 40 CHR» ռադիոկայանի եթերում[7]։ Բայց երգը հիթ չի դարձել, այլ հասել է ընդամենը 21-րդ հորիզոնականին և 2007 թվականի հունվարի 27-ին այլևս չի հեռարձակվել։ Բացի այդ, երգը ցանկացել են օգտագործել որպես «Սատանան կրում է Պրադա» ֆիլմի սաունդթրեք[8]։

iTunes-ում թողարկվելուց հետո երգը հայտնվել է «Bubbling Under Hot 100 Singles» հիթ-շքերթում, իսկ հետո Billboard Hot 100 հիթ-շքերթի 53-րդ հորիզոնականում։ «Jump»-ը Մադոննայի քսանչորսերորդ ստեղծագործությունն է, որը գլխավորում էր «Hot Dance Club Play»-ը։ Երգը հիթ-շքերթից դուրս է եկել 2006 թվականի նոյեմբերի 18-ին[9]։ Սա նաև յոթերորդ սինգլն է, որն առաջին տեղն Է զբաղեցրել Hot 100 Singles Sales հիթ-շքերթում։ Գնվել է 31 հազար թվային ներբեռնումներ և 9 հազար CD-սինգլներ։ Երգը դարձել է երգչուհու չորրորդ սինգլը, որը գլխավորել է Hot Dance Airplay հիթ-շքերթը[10]։ Մեծ Բրիտանիայում երգը առաջնաելույթ է ունեցել է 59-րդ հորիզոնականում, իսկ մեկ շաբաթ անց բարձրացել է ազգային հիթ-շքերթի 9-րդ հորիզոնական, ինչի համար էլ դարձել է Confessions on a Dance Floor-ի չորրորդ երգը, որը հասել է նման արդյունքի[11][12]։ Ավստրալիայում սինգլը առաջնաելույթ է ունեցել 29-րդ հորիզոնականում, իսկ հետո գլխավորել է ազգային հիթ-շքերթը[13]։ Իտալիայում «Jump»-ը 13 շաբաթ գտնվել է «լավագույն տասնյակում»[14]։

Երաժշտական տեսահոլովակ[խմբագրել | խմբագրել կոդը]

Ավարտելով իր համաշխարհային Confessions Tour շրջագայությունը Ճապոնիայում՝ Մադոննան մնացել է Տոկիոյում, որտեղ էլ տեղի են ունեցել տեսահոլովակի նկարահանումները։ Մադոննայի ոճաբան Էնդի Լե Կոմպետեն խորհուրդ է տվել պլատինե սպիտակ կեղծամ դնել։ Այստեղ երգչուհին անցկացրել է 2 օր[15]։ Տեսանյութը նկարահանվել է պարկուր արտիստ Սեբաստիան Ֆուկոյի հետ համագործակցությամբ, որը լայնորեն հայտնի է Տոկիոյում[16]։ Ըստ սցենարի՝ Մադոննան Տոկիոյի կյանքով է պարում, իսկ Սեբաստյանը ցույց է տալիս պարկուրի հնարքներ։ Եզրափակիչ մասում Մադոննան սալտո է անում։

Կենդանի կատարումներ[խմբագրել | խմբագրել կոդը]

«Jump»-ի սեմփլը գովազդային ձայնասկավառակի համար օգտագործվել է Confessions on a Dance Floor ալբոմի գովազդի համար, որը պարտվել է Լոնդոնի հեղինակավոր G-A-Y-ն և KokoClub ակումբներում։ «Jump» երգով Մադոննան հանդես է եկել բազմաթիվ փառատոներում։ Նրա համաշխարհային շրջագայության ժամանակ ստեղծագործությունը թվով չորրորդն է եղել։

Երգացանկ[խմբագրել | խմբագրել կոդը]

Միացյալ Թագավորության և Եվրոպայի CD սինգլ[խմբագրել | խմբագրել կոդը]

  1. Jump (Ալբոմային տարբերակ) — 3:59
  2. Jump (Extended Album Version) — 5:09

Միացյալ Թագավորության CD սինգլ[խմբագրել | խմբագրել կոդը]

  1. Jump (Radio Edit)
  2. Jump (Junior Sanchez`s Misshapess Mix)
  3. History (B-Side)

ԱՄՆ-ի և Եվրոպայի 2x12 վինիլային ձայներիզ[խմբագրել | խմբագրել կոդը]

  1. «Jump» (Jacques Lu Cont Mix) — 7:47
  2. «Jump» (Album Version) — 3:59
  3. «Jump» (Extended Album Version) — 5:09
  4. «Jump» (Axwell Remix) — 6:38
  5. «Jump» (Junior Sanchez’s-Misshapes Mix) — 6:49
  6. «History» — 5:54
  7. «Jump» (Radio Edit) — 3:22

ԱՄՆ-ի և Կանադայի մաքսի CD[խմբագրել | խմբագրել կոդը]

  1. «Jump» (Radio Edit) — 3:22
  2. «Jump» (Jacques Lu Cont Mix) — 7:47
  3. «Jump» (Axwell Remix) — 6:38
  4. «Jump» (Junior Sanchez’s-Misshapes Mix) — 6:49
  5. «Jump» (Extended Album Version) — 5:09
  6. «History» — 5:55*

Վինիլային ձայներիզ 12" СК[խմբագրել | խմբագրել կոդը]

  1. «Jump» (Jacques Lu Cont Mix) — 7:47
  2. «Jump» (Extended Album Version) — 5:09
  3. «History» — 5:54

Ճապոնական պրոմոսինգլ[խմբագրել | խմբագրել կոդը]

  1. «Jump» (Live Version) — 4:48

Ձայնագրության մասնակիցներ[խմբագրել | խմբագրել կոդը]

  • Վոկալ՝ Մադոննա
  • Հեղինակներ՝ Մադոննա, Ջո, Հենրի, Ստյուարդ Պրայս
  • Պրոդյուսերներ՝ Մադոննա, Ստյուարդ Պրայս
  • Ասիստնետ՝ Ալեքս Դրոմգոդ
  • Աուդիո, միքսինգ՝ Մարկ «Spike» Ստենդ
  • Մաստեր սկավառակ՝ Բրայն «Big Boss» Գարդներ

Հորիզոնականներ հիթ-շքերթներում[խմբագրել | խմբագրել կոդը]

Երկիր (2006) Գագաթնակետային
հորիզոնական
Ավստրալիա[13] 29
Ավստրիա 20
Բելգիա (Flanders) 18
Կանադա 7
Չեխիա[17] 20
Դանիա 7
Եվրոպա[9] 19
Գերմանիա 23
Հունգարիա[18] 1
Իռլանդիա 19
Իտալիա[14] 1
Ռումինիա[19] 6
Իսպանիա 3
Շվեդիա 40
Շվեյցարիա 21
Միացյալ Թագավորություն[12] 9
ԱՄՆ Billboard Bubbling Under Hot 100[7] 5
ԱՄՆ Billboard Hot Dance Club Play[9] 1
ԱՄՆ Billboard Hot Dance Airplay[10] 1
ԱՄՆ Billboard Hot Singles Sales 1

Ծանոթագրություններ[խմբագրել | խմբագրել կոդը]

  1. ↑ Reporter, Staff (2006 թ․ ապրիլի 27). «For The Record: Quick News On Madonna, Mary J. Blige, Red Hot Chili Peppers, Shyne, Jennifer Lopez, 50 Cent & More». MTV. MTV News. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 27-ին.
  2. ↑ Caulfield, Keith (2006 թ․ ապրիլի 4). «Ask Billboard: Sorry Get Together». Billboard. Nielsen Business Media, Inc. Վերցված է 2009 թ․ հուլիսի 27-ին.
  3. ↑ Caulfield, Keith (2006 թ․ հուլիսի 12). «Ask Billboard:Madonna's single». Billbaord. Nielsen Business Media, Inc. Վերցված է 2009 թ․ հուլիսի 28-ին.
  4. ↑ Pareles, Jon (2005 թ․ նոյեմբերի 14). «Thoroughly Modern Madonna Gets Retro». The New York Times. The New York Times Company. Վերցված է 2009 թ․ հուլիսի 17-ին.
  5. ↑ Zabosek, Matt (2005 թ․ նոյեմբերի 21). «Madonna's Confession: My new album could be so much more». The Chicago Maroon. University of Chicago. Արխիվացված է օրիգինալից 2011 թ․ հուլիսի 16-ին. Վերցված է 2009 թ․ հուլիսի 17-ին.
  6. ↑ Lamb, Bill (2005 թ․ նոյեմբերի 15). «Whirlwind Tour Of Classic Dance Sounds With a 21st Century Sheen». About.com. The New York Times Company. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 29-ին.
  7. ↑ 7,0 7,1 Caulfield, Keith (2006 թ․ նոյեմբերի 6). «Ask Billboard: Stalled 'Jump'». Billboard. Nielsen Business Media, Inc. Վերցված է 2009 թ․ հուլիսի 28-ին.
  8. ↑ Caulfield, Keith U.S. Radio Hangs Up on Madonna(անգլ.) // Billboard : magazine. — New York: Nielsen Business Media, Inc, 2006. — Т. 118. — № 30. — С. 76. — ISSN 0006-2510.
  9. ↑ 9,0 9,1 9,2 «Madonna - Jump - Billboard Chart history». Billboard. Nielsen Business Media, Inc. Վերցված է 2009 թ․ հուլիսի 28-ին.
  10. ↑ 10,0 10,1 Pietrolungo, Silvio Disney 'Montana' Sets Record(անգլ.) // Billboard : magazine. — New York: Nielsen Business Media, Inc, 2006. — Т. 118. — № 45. — С. 104. — ISSN pages 104 pages.
  11. ↑ «UK Singles Top 75». The Official Charts Company. acharts.us. 2006 թ․ նոյեմբերի 5. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 29-ին.
  12. ↑ 12,0 12,1 «UK Singles Top 75». The Official Charts Company. acharts.us. 2006 թ․ նոյեմբերի 12. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 29-ին.
  13. ↑ 13,0 13,1 «Australia Singles Top 50». Australian Recording Industry Association. acharts.us. 2006 թ․ նոյեմբերի 20. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 29-ին.
  14. ↑ 14,0 14,1 «Madonna - Jump on Italian charts». Federation of the Italian Music Industry. Ultratop 50. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 29-ին.
  15. ↑ Reporter, Icon (2006 թ․ հոկտեմբերի 6). «Behind The Scenes Of The Jump Video Mademoiselle». Icon: Official Madonna website. Madonna.com. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 30-ին.
  16. ↑ Donachiel (2006 թ․ դեկտեմբերի 17). «Parkour - Fashion phenomenon or new philosophy». The Morning Star. People's Press Printing Society. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 30-ին.
  17. ↑ «RADIO TOP100 Oficiální - Madonna Jump». International Federation of the Phonographic Industry. IFPIcr.cz. 2007 թ․ մարտի 14. Վերցված է 2009 թ․ հուլիսի 29-ին.
  18. ↑ «Editors' Choice rádiós játszási lista - 2006 edition 51». Mahasz. Magyar Hanglemezkiadók Szövetsége. 2006 թ․ դեկտեմբերի 18. Արխիվացված է օրիգինալից 2012 թ․ ապրիլի 4-ին. Վերցված է 2009 թ․ հուլիսի 29-ին.
  19. ↑ «Romanian Singles Chart - Issue 49 - 2006». Romanian Top 100. Արխիվացված է օրիգինալից 2007 թ․ հունիսի 23-ին. Վերցված է 2009 թ․ հուլիսի 28-ին. {{cite web}}: Invalid |url-status=unknown-host (օգնություն)
Վիքիպահեստն ունի նյութեր, որոնք վերաբերում են «Jump» հոդվածին։
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Jump&oldid=9808032» էջից