I Walk the Line

«I Walk the Line»
Laurent Wolf-ի սինգլը
«Harmony» ալբոմից
Թողարկված	22 օգոստոսի, 2009
Ֆորմատ	CD
Ժանր	հաուս
Երգահան	Ջոնի Քեշ և DP?
Տևողություն	2:53
Լեյբլ	Columbia Records
Պրոդյուսեր	Laurent Wolf
Laurent Wolf-ի սինգլների ժամանակագրություն

«I Walk the Line»
Ջոնի Քեշի սինգլը
«With His Hot and Blue Guitar» ալբոմից
Թողարկված	1 մայիսի, 1956
Ֆորմատ	ձայնապնակ
Ձայնագրված	2 ապրիլի, 1956
Ժանր	քանթրի, ռոքաբիլլի, ; ռոքնռոլ
Երգահան	Ջոնի Քեշ և DP?
Տևողություն	2:45
Լեյբլ	Sun Records
Պրոդյուսեր	Սեմ Ֆիլիպս
Ջոնի Քեշի սինգլների ժամանակագրություն

«I Walk the Line» (հայ.՝ «Ձգտում եմ կատարյալ լինել», «Չեմ անցնում սահմանը», բառացիորեն՝ «Գնում եմ գծով»), ամերիկացի քանթրի երաժիշտ Ջոնի Քեշի երգը, որը ձայնագրվել է և թողարկվել 1956 թվականին։ Քեշի՝ երաժշտական բնագավառում ուշադրության արժանանալու մի քանի փորձից հետո «I Walk the Line» երգը դարձել է հայտնություն նրա կարիերայում՝ զբաղեցնելով Billboard Hot Country Songs հիթ-շքերթի առաջին հորիզոնականը։ Սինգլը մնացել է հիթ-շքերթում 43 շաբաթ և վաճառվել ավելի քան 2 մլն օրինակով։

Պատմություն

Առաջին անգամ երգը կատարվել է Մարշալ Գրանտի և Լյութեր Պերկինսի՝ երկու ավտոմեխանիկների հետ, որոնց հետ Քեշին ծանոթացրել է իր եղբայրը ՌՕՈւ-ից հեռանալուց հետո։ Այդ ժամանակ Քեշն ու նրա կինը՝ Վիվիանը, ապրում էին Մեմֆիսում։ Ջոնին դարձել է խմբի առաջատար կատարողը և լոբբինգ արել խմբի՝ Sun Records-ից Սեմ Ֆիլիպսի հովանու տակ անցնելու համար։ 1955 թվականին երաժիշտներն սկսել են ձայնագրել երգեր այդ լեյբլում։

Իր երաժշտական կարիերայի ընթացքում Քեշը երգը վերաձայնագրել է չորս անգամ՝ 1964 թվականին՝ «I Walk the Line» ալբոմի համար, 1969 թվականին՝ «At San Quentin», 1970 թվականին՝ «I Walk The Line»-ի համար և 1988 թվականին՝ «Classic Cash: Hall of Fame Series» ալբոմի համար։

2004 թվականին Rolling Stone ամսագիրը երգն ընդգրկել է իր «Բոլոր ժամանակների 500 մեծագույն երգերի» ցանկի 30-րդ հորիզոնականում^[2]։

2014 թվականին Rolling Stone ամսագիրը երգն ընդգրկել է իր «Բոլոր ժամանակների 25 լավագույն քանթրի երգերը» ցանկի առաջին հորիզոնականում՝ նշելով․ «Այն ժամանակ, երբ «քանթրի էնդ վեսթերնը» երկրորդական ժանր էր, Քեշը ներխուժել էր փոփ-չարթերի առաջին քսանյակ։ Այդ պահից ի վեր ոչ ոք չէր կասկածում Քեշի ձայնի ուժին և լավ քանթրի երգի համընդհանուր գրավչությանը»^[3]։

Տեքստ և երաժշտություն

Քեշի երգերի մեծ մասի նման «I Walk the Line» երգի մեղեդին պարզ է։ Երգիչը փորձում է ունկնդիրների ուշադրությունը կենտրոնացնել ավելի շատ տեքստի վրա, քան երաժշտական բաղադրիչի վրա։

Մեղեդու հիմքը «բում-չիկա-բում» կամ «բեռնատար գնացք» ռիթմն է, որը լայնորեն տարածված է Քեշի շատ երգերում։ Երգի օրիգինալ տարբերակում հինգ տների միջև կա յուրահատուկ երաժշտական անցում․ Քեշը նոր նոտա է երգում հերթական տան սկսվելուց առաջ։ Վերջին տունը կրկնություն է առաջինից, որը կատարողը երգում է մի ամբողջ օկտավա ավելի ցածր, քան առաջինը։ Քեշի խոսքով՝ իրեն շատ է դուր եկել փոքր թմբուկի ձայնը, սակայն այդ ժամանակ հարվածային գործիքները չեն օգտագործվել քանթրի երաժշտության մեջ։ Այդ ժամանակ քեշը մի կտոր թուղթ է դրել իր կիթառի և կիթառի լարերի միջև ու այդպիսով ստեղծել է իր ուրույն «փոքր թմբուկը»։

Քեշը և նրա խումբը նստած են եղել ֆրոնտմենի տան հետևի բակում, նա բառեր է ընտրել երգի համար, որում ցանկանում էր արտահայտել. «Ես պատրաստվում եմ հավատարիմ մնալ նրանց, ովքեր հավատում են ինձ և ինձ հետ հույսեր են կապում, իմ և Աստծու առաջ։ Նման հետևալին՝ ես դեռ հավատարիմ եմ իմ սկզբունքներին կամ «փորձում եմ անթերի լինել»։ «Տեքստը ծնվել է իմ գլխում այնքան արագ, որ ես միայն հասցնում էի գրի առնել,— հիշում է Ջոնին,— 20 րոպե անց երգը ավարտին հասցվեց»^[4]։

Բոբ Դիլանը խիստ տպավորվել է երգից։ Նա Քեշի վոկալը կոչել է «Ձայն Երկրի կենտրոնից»^[5]։

Քավեր տարբերակներ

«I Walk the Line» երգի քավեր տարբերակները ձայնագրած կատարողների թվում են քանթրի երաժիշտներ Ուեյլոն Ջենինգզը, Հենք Ուիլյամսը, Ռոդնի Քրոուելը, Էռնեստ Թաբը և Ջորջ Ջոնսը, կոմպոզիտոր Հոագի Քերմայքլը, ջազ երգիչ Դին Մարտինը, ֆրանսիացի դիջեյ Laurent Wolf-ը, երգիչ Բոբբի Դարինը (ծաղրանմանակում), կինոդերասան Լեոնարդ Նիմոյը, երգիչ Բիլլի Ռեյ Սայրուսը Էդ Քինգի և Էլեն Վուդի հետ, քանթրի կատարողներ Քրեյգ ՈՒեյն Բոյդը, Live ռոք խումբը^[6]^[7]։ Երգը կատարել է նաև դերասան Հոակին Ֆենիքսը, որը կատարել է Ջոննի Քեշի դերը «I Walk the Line». ֆիլմում։

Հիթ-շքերթներ

Հիթ-շքերթ (1957)	Ամենաբարձր հորիզոնական
Billboard Hot Country Singles	1^[8]
Billboard Hot 100	17^[8]

Laurent Wolf-ի քավեր տարբերակ

Ֆրանսիացի դիջեյ Laurent Wolf-ի քավեր տարբերակը թողարկվել է 2009 թվականի օգոստոսին «I Walk the Line Remix» վերնագրով։

Երգացանկ

Компакт-диск
#	Անվանում	Տևողություն
1.	«Walk the Line» (Radio Edit Version)	3:28
2.	«Walk the Line» (Club Version)	6:59
3.	«No Stress» (Zen @ Acoustic)	7:35
4.	«Colombia»	5:06

Հիթ-շքերթներ

Հիթ-շքերթ (2008-2009)	Ամենաբարձր հորիզոնական
Ultratop Flanders^[9]	18
Ultratop Wallonia^[10]	23
SNEP^[11]	8
Mega Single Top 100^[12]	83

Ծանոթագրություններ

↑ ^1,0 ^1,1 ^1,2 ^1,3 ISWC-Net
↑ «The RS 500 Greatest Songs of All Time» (անգլերեն). RollingStone.com. Արխիվացված է օրիգինալից 2007 թ․ հոկտեմբերի 1-ին. Վերցված է 2007 թ․ հունիսի 2-ին.
↑ «Rolling Stone: 25 лучших кантри-песен всех времен» (անգլերեն). Rolling Stone. Արխիվացված է օրիգինալից 2015 թ․ հունիսի 22-ին. Վերցված է 2021 թ․ փետրվարի 10-ին.
↑ «About «I Walk the Line»» (անգլերեն). Theopenscroll.com.
↑ «Rolling Stone «I Walk the Line»» (անգլերեն). Rolling Stone. Արխիվացված է օրիգինալից 2017 թ․ սեպտեմբերի 20-ին. Վերցված է 2021 թ․ փետրվարի 10-ին.
↑ Whitburn, Joel Hot Country Songs 1944 to 2008. — Record Research, Inc, 2008. — С. 109. — ISBN 0-89820-177-2
↑ «Digital Downloads». roughtstock.com. Արխիվացված է օրիգինալից 2014-12-08-ին. Վերցված է 2014 թ․ դեկտեմբերի 27-ին.
↑ ^8,0 ^8,1 «Johny Cash Awards» (անգլերեն). Allmusic. Վերցված է 2015 թ․ փետրվարի 28-ին.
↑ Ultratop.be — Laurent Wolf — Walk the Line Remix (նիդեր.). Ultratop 50. ULTRATOP & Hung Medien / hitparade.ch.
↑ Ultratop.be — Laurent Wolf — Walk the Line Remix (ֆր.). Ultratop 40. ULTRATOP & Hung Medien / hitparade.ch.
↑ Lescharts.com — Laurent Wolf — Walk the Line Remix (ֆր.). French Singles Chart. Hung Medien.
↑ Dutchcharts.nl — Laurent Wolf — Walk the Line Remix (նիդեր.). Mega Single Top 100. Hung Medien / hitparade.ch.

Արտաքին հղումներ

Երգի տեքստը Արխիվացված 2019-04-24 Wayback Machine MetroLyrics կայքում

[_f6f623f35139d255-1] 1,0 ^1,1 ^1,2 ^1,3 ISWC-Net

[2] «The RS 500 Greatest Songs of All Time» (անգլերեն). RollingStone.com. Արխիվացված է օրիգինալից 2007 թ․ հոկտեմբերի 1-ին. Վերցված է 2007 թ․ հունիսի 2-ին.

[3] «Rolling Stone: 25 лучших кантри-песен всех времен» (անգլերեն). Rolling Stone. Արխիվացված է օրիգինալից 2015 թ․ հունիսի 22-ին. Վերցված է 2021 թ․ փետրվարի 10-ին.

[4] «About «I Walk the Line»» (անգլերեն). Theopenscroll.com.

[5] «Rolling Stone «I Walk the Line»» (անգլերեն). Rolling Stone. Արխիվացված է օրիգինալից 2017 թ․ սեպտեմբերի 20-ին. Վերցված է 2021 թ․ փետրվարի 10-ին.

[whitburn-6] Whitburn, Joel Hot Country Songs 1944 to 2008. — Record Research, Inc, 2008. — С. 109. — ISBN 0-89820-177-2

[7] «Digital Downloads». roughtstock.com. Արխիվացված է օրիգինալից 2014-12-08-ին. Վերցված է 2014 թ․ դեկտեմբերի 27-ին.

[autogenerated1-8] 8,0 ^8,1 «Johny Cash Awards» (անգլերեն). Allmusic. Վերցված է 2015 թ․ փետրվարի 28-ին.

[sc_Flanders_Laurent_Wolf_Walk_the_Line_Remix_-9] Ultratop.be — Laurent Wolf — Walk the Line Remix (նիդեր.). Ultratop 50. ULTRATOP & Hung Medien / hitparade.ch.

[sc_Wallonia_Laurent_Wolf_Walk_the_Line_Remix_-10] Ultratop.be — Laurent Wolf — Walk the Line Remix (ֆր.). Ultratop 40. ULTRATOP & Hung Medien / hitparade.ch.

[sc_France_Laurent_Wolf-11] Lescharts.com — Laurent Wolf — Walk the Line Remix (ֆր.). French Singles Chart. Hung Medien.

[sc_Dutch100_Laurent_Wolf_Walk_the_Line_Remix_-12] Dutchcharts.nl — Laurent Wolf — Walk the Line Remix (նիդեր.). Mega Single Top 100. Hung Medien / hitparade.ch.

[1]

[2]

[3]

[4]

[5]

[6]

[7]

[8]

[9]

[10]

[11]

[12]