Hyatt Regency Ekaterinburg
Տեսակ | հյուրանոց |
---|---|
Երկիր | Ռուսաստան |
Տեղագրություն | Եկատերինբուրգ |
Հասցե | улица Ельцина, 8 |
Բարձրություն | 83 մետր |
Հարկեր | 20 |
Բացված | 2009 |
Պաշտոնական կայք |
Hyatt Regency Ekaterinburg, հինգաստղանի հյուրանոց Ռուսաստանի Դաշնության Եկատերինբուրգ քաղաքում։ Մտնում է Եկատերինբուրգ Սիթի գործարար թաղամասի շենքերի լայնածավալ նախագծի կազմի մեջ։
Հասցեն՝ ք. Եկատերինբուրգ, Բորիս Ելցինի փողոց, 8։
Պատմություն[խմբագրել | խմբագրել կոդը]
Հյուրանոցը բացվել է 2009 թվականի մայիսի 21-ին[1]։ Միջոցառմանը մասնակցել են Սվերդլովսկի մարզի նահանգապետ Էդուարդ Ռոսելը, Եկատերինբուրգի քաղաքապետ Արկադի Չեռնեցկին, Ռուսաստանի արդյունաբերողների և գործարարների միության նախագահ Ալեքսանդր Շոխինը[1]։
Քաղաքապետը, որը համակարգել է հյուրանոցի նախագիծը նախագծումից մինչև շինարարությոն ավարտ, վստահ է, որ Hyatt Regency Ekaterinburg-ի շենքը հոյակապ է ներգծվել Ուրալի մայրաքաղաքի կենտրոնի ճարտարապետական կերպարի մեջ[1]։
Նկարագրություն[խմբագրել | խմբագրել կոդը]
Տեղակայված է 20-հարկանի շենքում, ունի 296 համար, որոնցից 56-ը՝ լյուքս դասի, մի քանի ռեստորաններ և բարեր, ֆիթնես-կենտրոն, սպա-համալիր, մի քանի ճաշկերույթի դահլիճ, կոնգրես-հոլ։ Շենքի բարձրությունը 83 մետր է։ Հյուրանոցի ստորգետնյա ավտոկայանատեղը նախատեսված է 130 մեքենայի համար։ Օբյեկտի ընդհանուր մակերեսը 33 հազար քառակուսի մետր է[1]։
Հետաքրքրաշարժ փաստեր[խմբագրել | խմբագրել կոդը]
- Առաջին հինգաստղանի հյուրանոցն է Ուրալում։
- Hyatt ցանցի երկրորդ հյուրանոցն է Ռուսաստանում։
- Hyatt Regency տեսակի առաջին հյուրանոցն է Ռուսաստանում[2]։
- Hyatt Regency Ekaterinburg-ի բացումը հարմարեցվել է Շանհայի համագործակցության կազմակերպության (ՇՀԿ) մասնակից երկրների գագաթաժողովի անցկացման հետ, որը տեղի է ունեցել Եկատերինբուրգում 2009 թվականի հունիսին։ ՇՀԿ-ի վեց անդամ-պետությունների՝ Ղրղզստանի, Չինաստանի, Ուզբեկստանի, Ղազախստանի, Տաջիկստանի և Ռուսաստանի ղեկավարները ամենամյա բարձր մակարդակի հանդիպման անցկացման ժամանակ կանգ են առել այս հյուրանոցում։
- 2009 թվականի մայիսի 14-16-ին հյուրանոցում տեղի է ունեցել Ռուսական տնտեսական XIII համաժողովը, որին մասնակցել են 800 տնտեսագետներ և քաղաքական գործիչներ Ռուսաստանից և Եվրոպայից։