Going To Hell֊ը The Pretty Reckless ամերիկյան ռոք խմբի թվով երկրորդ ստուդիական ալբոմն է, որը լույս է տեսել 2014 թվականի մարտին՝ Razor & Tie լեյբլի անվան տակ։ Ալբոմը վաճառվելով 35,000 օրինակով առաջին իսկ շաբաթում, Billboard 200֊ում գրավես հինգերորդ հորիզոնականը։ Going to Hell֊ը թողարկել է հինգ սինգլ՝ ներառյալ «Heaven Knows»֊ը, «Messed Up World (F'd Up World)»֊ը և «Follow Me Down»֊ը, որոնք բոլորն էլ տեղ են գտել Billboard Mainstream Rock Songs֊ի առաջին հորիզոնականում։
Խումբը ձայնագրվել է Water Music Recording Studios֊ում, (Հոբոքեն, Նյու Ջերսի)։ Սակայն, երբ ստուդիան ավերվում է 2012 թվականի հոկտեմբերին տեղի ունեցած Սենդի փոթորկի հետևանքով՝ կորչում են Going to Hell ալբոմի համար գրված բազմաթիվ ստեղծագործություններ։ Ուստի խումբը տեղափոխվում է այլ ստուդիա և կրկին ձայնագրում երգերը[4]։
2013 թվականի սեպտեմբերին հաստատվում է, որ The Pretty Reckless֊ը ուղիներ է գտել Interscope Records֊ի հետ[5]։ Իսկ 2013֊ի հոկտեմբերին խումբը պայմանագիր է կնքում ավստրալիական Cooking Vinyl լեյբլի հետ[6]։
2013 թվականի մայիսի 30֊ին խումբը թողարկում է իր երկրորդ ստուդիական ալբոմի անոնսը, իսկ հունիսի 17֊ին՝ «Follow Me Down» երգի բառերի տեսահոլովակը (lyric video)[7]։ Մինչ այդ՝ հուլիսի 1֊ին տեղի էր ունեցել «Burn» երգի պրեմիերան[8]։ «Going to Hell» խմբի համանուն սինգլը թողարկվել է Revolver ամսագրի վեբկայքում՝ 2013 թվականի սեպտեմբերի 19֊ին[9], իսկ պաշտոնապես թողարկվում է սեպտեմբերի 24֊ին՝ որպես ալբոմի առաջին սինգլ[10]։ Ալբոմի տարածման համար խումբը կազմակերպում է համաշխարհային շրջագայություն՝ Going to Hell Tour, որը սկսվում է 2013 թվականի սեպտեմբերին[11][12]։
«Going to Hell»֊ի տեսահոլովոկի պրեմիերան տեղի է ունեցել 2013 թվականի հոկտեմբերի 16֊ին[13], երբ «Heaven Knows»֊ը թողարկվել է նոյեմբերի 19֊ին՝ որպես ալբոմի երկրորդ սինգլ[14]։ «Heaven Knows»֊ի տեսահոլովակի պրեմիերան տեղի է ունեցել 2014 թվականի փետրվարի 13֊ին[15]։ Երգը Billboard 's Mainstream Rock Songs վարկանշային աղյուսակում զբաղեցրել է առաջին հորիզոնականը՝ The Pretty Reckless֊ին դարձնելով միակ խումբը (1990 թվականից, որի մենակատարը իգական սեռի ներակայացուցիչ է), որը գտնվել է այդ աղյուսակի առաջին տեղում[16]։
Երգացանկը, ալբոմի շապիկը թողարկվել են 2014 թվականի հունվարի 21֊ին[17]։ Շապիկում պատկերված է խմբի մենակատար Թեյլոր Մոմսենի մերկ մարմինը ետևից, իսկ մեջքը զարդարված է սև՝ դեպի ներքև խաչով, որը նշանակում է «վերջ»[18]։ Մոմսենն ասել է, որ շապիկի նկար ստեղծելուց ոգեշնչվել է Pink Floyd֊ով[19]։
«Fucked Up World»֊ի պրեմիերան տեղի է ունեցել 2014 թվականի ապրիլի 22֊ին, որպես ալբոմի երրորդ սինգլ, «Messed Up World (F'd Up World)» անվան ներքո[20]։ Տեսահոլովը նկարահանվել է ապրիլի 30֊ին՝ Մայամիում[21][22], իսկ խմբի VEVO ալիքում պրեմիերան եղել է հունիսի 17֊ին։ Երբ սինգլը բարձրացավ Mainstream Rock Songs չարտի առաջին հորիզոնական՝ The Pretty Reckless֊ը դարձավ կնոջ ղեկավարության երկրորդ ռոք խումբը, որը նույն աղյուսակում անեցավ երկու համար 1 հիթ[16] «House on a Hill»֊ի պրեմիերան տեղի ունեցավ 2014֊ի սեպտեմբերի 28֊ին՝ դառնալով ալբոմի չորրորդ սինգլը։ Հինգերորդ սինգլը, որի անունն է «Follow Me Down», ամուր մնաց ԱՄՆ֊ի ռոք ռադիոյում 2014֊ի նոյեմբերի 18֊ին[23]։
Going to Hell-ը երաժշտական քննադատների կողմից ստացավ խառը կարծիքներ։ Metacritic֊ը հիմնվելով վեց կարծիքի վրա, ալբոմը 100֊ից գնահատեց 58, ինչը նշանակում է «խառը և միջին կարծիք»[31]։ AllMusic֊ի Սթեֆեն Թոմաս Էրլուեյնն ասել է, որ Going To Hell-ն «ավելի լավ է», քանի խմբի դեբյուտային ալբոմ «Light Me Up»֊ը[24] Ջորջ Գարները Kerrang!֊ից, ասել է, որ վերնագրի համանուն երգը բավականին մռայլ է և «Մոմսենանման», նկատելով, որ եթե Թեյլորն իրոք ուզում է գնալ դժոխք, ապա նա լավ ալբոմ է ստեղծել, որով նա իրոք կարող է գտնել ուղին դեպի ներքև[27]։ Ջոն Վայդերոնը Revolver֊ից ասել է․ «Նա կարող է լինել այդ գռեհիկ աղջիկը, սակայն Մոմսենը ճուտիկ֊ռոքերներին թողնում է հայելու հակառակ կողմում իր հիմնական առավելությունների շնորհիվ՝ ուժեղ բնավորությունը և լավ մելոդիաները»[32]։
Բրի Դեյվիսը, Alternative Press֊ից, ալբոմը քննադատեց շատ բացասական, ասելով, որ թվում է, թե խումբը շատ է փորձել լինել կատաղի և այդ ամենը դարձնում է իրենց արվեստը էժանագին պոռնոգրաֆիայի[25]։
Ալբոմը տեղ է գտել Revolver֊ի «2014֊ի թոփ 20 ալբոմներ» աղյուսակի 20֊րդ հորիզոնականում[33]։
Ալբոմը վաճառվելով 35,000 օրինակով առաջին շաբաթում, Billboard 200֊ում գրավեց հինգերորդ հորիզոնականը։ Այն դարձավիրենց առաջին ալբոմը, որն առաջին իսկ շաբաթում գրենցեց նման արդյունքներ[34]։ 2014 թվականի սեպտեմբերին ալբոմը Միացյալ Նահանգներում վաճառվեց ավելի քան 110,000 օրինակ[35]։ Այն մտնելով UK Albums Chart, առաջին շաբաթում վաճառվեց 9,693 օրինակով[36]։ Ճապոնիայի Oricon Weekly Albums Chart֊ում այն զբաղեցրեց 50֊րդ հորիզոնականը և վաճառվեց 1,795 օրինակով[37]։
↑ゴーイング・トゥ・ヘル ~デラックス・エディション [Going to Hell – Deluxe Edition] (Japanese). Victor Entertainment. Վերցված է 2014 թ․ դեկտեմբերի 4-ին.{{cite web}}: CS1 սպաս․ չճանաչված լեզու (link)