Flecktarn
Ֆլեքտեռն (գերմ.՝ Flecktarn, կոչվում է նաև Ֆլեքտեռն-մուստեր (գերմ.՝ Flecktarnmuster), Ֆլեկենտառն (գերմ.՝ Fleckentarn) կամ պարզապես Ֆլեք (գերմ.՝ Fleck), 3-, 4-, 5- կամ 6-գույնանի «պայթուցիչ» քողարկաներկման նախշ։ Կետերի օգտագործումն ստեղծում է աղմկային էֆեկտ, որը վերացնում է տարբեր գույների միջև եղած հստակ սահմաններն այնպես, ինչպես շերտերը նորագույն քողարկաներկումներում։ Քողարկանախշը մշակվել է բարեխառն կլիմայի խառնանտառների պայմաններում օգտագործելու համար։ Գոյություն ունի գույների փոխման միջոցով անապատի համար հարմարեցված տարբերակ՝ «Tropentarn»։
Պատմություն
[խմբագրել | խմբագրել կոդը]
Երրորդ ռայխն անցկացրել է փորձեր նախքան Երկրորդ համաշխարհային պատերազմը, և արդեն պատերազմի ժամանակ բանակային որոշ ստորաբաժանումներ օգտագործել են քողարկաներկման «բեկորային» գունավորումներ[1]։ ՍՍ ռազմական ստորաբաժանումները, սկսած 1935 թվականից, փորձեր են կատարել տարբեր գունավորումներ։ Քողարկման առաջին և հետագա բազմաթիվ տարբերակներ ՍՍ-ի համար մշակել է պրոֆեսոր Յոհան Օտտո Շիկը (գերմ.՝ Johann Georg Otto Schick)։
- Platanenmuster (1937-1942) – գարուն-ամառ և աշուն-ձմեռ տարբերակներ
- Rauchtarnmuster (1939-1944) – գարուն-ամառ և աշուն-ձմեռ տարբերակներ
- Palmenmuster (շուրջ 1941 – ?) – գարուն-աշուն տարբերակներ
- Beringtes Eichenlaubmuster (1942–1945) – (կաղնու տերև «Բ»)
- Eichenlaubmuster (1943–1945) – գարուն-ամառ և աշուն-ձմեռ (կաղնու տերև «Ա»)
- Erbsenmuster (1944 to 1945) – ստեղծվել է ՍՍ-ում մյուս բոլոր գունատարբերակներին փոխարինելու համար
- Leibermuster (1945)
Գերմանական քողարկաներկումների բոլոր տարբերակների անվանումները բնօրինակ չեն, բացառությամբ «Leibermuster»-ի[2][3]։
Ժամանակակից Flecktarn
[խմբագրել | խմբագրել կոդը]1976 թվականին գերմանական բունդեսվերը մշակել է քողարկաներկման նախշերի մի քանի նախատիպեր միագույն moleskin-ը փոխարինելու նպատակով փորձարկումների համար[1]։ Առնվազն չորս տարբեր քողարկանախշեր փորձարկվել են 1976 թվականի զինավարժությունների ժամանակ[1]։
Ներկայացված տարբերակներից ընտրվել է այն, որը ներկայում հայտնի է որպես Flecktarn։ Այդ բառն ստեղծվել է գերմաներեն Fleck (կետ, բիծ, գունավորում) և Tarnung (քողարկաներկում) բառերից։ Բունդեսվերը պահպանել է իր կանաչ համազգեստն առնվազն մինչև 1980-ական թվականները։ Flecktarn-ը լայնորեն ներկայացվել է միայն 1990 թվականին՝ 1988 թվականին սկսված փորձարկումներից հետո։
Գերմանիայում Flecktarn քողարկանախշն օգտագործվում է հետևակի, ռազմաօդային ուժերի բոլոր ստորաբաժանումների, նավատորմի որոշ ստորաբաժանումների և նույնիսկ բժշկական ծառայության (Sanitätsdienst) կողմից։ Այն օգտագործվում է նաև Ավստրիայի զինված ուժերի դիպուկահարների, Բելգիայի հետևակայինների ու դեսանտների շրջանում։ Ֆրանսիայն Flecktarn-ը փորձարկել է, բայց հրաժարվել է դրանից։ Նիդեռլանդները նույնպես հրաժարվել է ենթադրաբար «չափազանց ագրեսիվ» գունավորման պատճառով։ Flecktarn-ը դիտվել է որպես ՍՍ զորքերի քողարկաներկումների վիճելի ու ոչ խրախուսելի նմանակում, որում նույնպես օգտագործել են տարբեր գույների կետեր ու բծեր[1]։
Flecktarn-ը հիմք է ծառայել անապատային քողարկաներկման (Tropentarn)[4], դանիական T/78 և M/84 քողարկաներկումների, այդ թվում նաև դանիական քողարկաներկման անապատային տարբերակի, ինչպես նաև մի շարք այլ երկրների քողարկաներկումների համար։ Flectarn-ի մի տարբերակն օգտագործում է Ռուսաստանի բանակը, Չինաստանի բանակը Տիբեթում, ինչպես նաև մի շարք ոստիկանական ստորաբաժանումներ Լեհաստանում[5]։
Օգտագործում
[խմբագրել | խմբագրել կոդը]
Պատկերասրահ
[խմբագրել | խմբագրել կոդը]-
Չինական Tibetarn -
Բելգիական Flecktarn -
Դանիական քողարկանախշ M/84 -
Դանիական M/01 -
Ֆրանսիական փորձնական անապատային Flecktarn -
Գերմանական Flecktarn -
Գերմանական Tropentarn -
Հնդկական Flecktarn -
Ճապոնական Jieitai -
Ճապոնական Jieitai, ձմեռային տարբերակ -
Ճապոնական Jieitai, անապատային տարբերակ -
Լեհական քաղաքային Flecktarn
wz AT 1 PLAMIAK -
Լեհական անտառային Flecktarn
Gepard -
ՌուսականFlectar-D -
Կոմերցիոն Arid Flecktarn -
Schneetarn կոմերցիոն ձմեռային քողարկանախշ
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Newark, Tim Camouflage. — Thames and Hudson, 2007. — С. 133–134, 157. — ISBN 978-0-500-51347-7
- ↑ Richardson, 1945
- ↑ «Камуфляж войск СС». Արխիվացված է օրիգինալից 2018 թ․ նոյեմբերի 15-ին. Վերցված է 2020 թ․ հունվարի 27-ին.
- ↑ «Uniformen der Bundeswehr» (գերմաներեն). Bundeswehr. Վերցված է 2016 թ․ օգոստոսի 22-ին.
- ↑ SZOŁUCHA, BARTOSZ. «New Uniforms for Metro PD». special-ops.pl (Polish). MEDIUM Group. Վերցված է 2016 թ․ նոյեմբերի 22-ին.
{{cite web}}: CS1 սպաս․ չճանաչված լեզու (link)
Գրականություն
[խմբագրել | խմբագրել կոդը]- Newark, Tim (2007). Camouflage. Thames and Hudson. pp. 133–134, 157. ISBN 978-0-500-51347-7.