F B ճահճագնաց
F B ճահճագնաց | |
---|---|
Ընդհանուր տվյալներ | |
Տեսակ | տրանսպորտային միջոցի մոդել և զենքի մոդել |
Արտադրող | Միցուբիշի |
Արտադրության տարիներ | 1935 |
Նախորդ | SB Ճահճագնաց (1933) |
Հաջորդ | TB Ճահճագնաց (1942) |
Դաս | զրահապատ մարտական մեքենա |
Շարժիչներ | |
Շարժիչ | դիզելային 100 PS |
Բնութագիր | |
Անիվային բազա | երկու կողմից 8-ական |
Մասսա-գաբարիտային բնութագիր | |
Երկարություն | 6,9 մետր |
Լայնություն | 2,8 մետր |
Բարձրություն | 2,2 մետր |
Մասսա | 4.5 տոննա |
Դինամիկ | |
Նստատեղեր | 2 կամ 3 |
Առավ. արագություն | 30 կմ/ժ (ցամաքում) 15 կմ/ժ (ճահճում) 8.5 կմ/ժ (ջրում) |
F B, Ճապոնիայի կայսերական բանակի ռազմական մասնագիտացված տրանսպորտային միջոց, զրահատեխնիկա, որը նախատեսված է եղել ճահճային տարածքներն հաղթահարելու համար։ F B ճահճագնացը եղել է բանակի կողմից ստեղծված մի շարք մեքենաներից մեկը, որը միտված է եղել մեքենայացումը և շարժունակությունը բարձրացնելու ջանքերին։ Նրան նախորդել է նախատիպը, որը հայտնի էր որպես «S B ճահճագնաց», սակայն այն չափազանց ծանր էր և խոշոր՝ օգտագործման համար։ F B-ն S B-ի ավելի կարճ և թեթև տեսակն է, և առաջին անգամ փորձարկվել է 1935 թվականին։ Ընդհանուր առմամբ կառուցվել է 146 միավոր F B, որով էլ այն դարձել է ճապոնական բանակի կողմից արտադրված այս տիպի տրանսպորտային միջոցների մոդելներից թվով ամենամեծը։ F B-ին հաջորդել է չափերով ավելի փոքր T B ճահճագնաց հետախուզական մեքենան[Ն 1]:
Մշակում[խմբագրել | խմբագրել կոդը]
F B ճահճագնաց զրահամեքենան մշակվել և կիրառվել է ռազմական նպատակներով ճահճային տեղանքը հատելու համար։ Այս մեքենայի զարգացումը կարևոր էր Ճապոնիայի կայսերական բանակի ուժերի մեքենայացման և «կոպիտ տեղանքով տեղափոխվելու ունակության» նպաստման համար։ F B-ն գործի է դրվել 1935 թվականին և ընդհանուր առմամբ կառուցվել էր 146 միավոր[1]։ F B անձնակազմը բաղկացած էր երկու կամ երեք մարդուց։ Փոխադրամիջոցի յուրաքանչյուր կողմում կար ութ ճանապարհային անիվ, իսկ ուղղորդող օղակներին ամրացված էին ռետինե լողակներ, որպեսզի տրանսպորտային միջոցը ճահճում չխորտակվի։ F B-ն նախատեսված է եղել նաև ջրային ճանապարհներով մարդկանց տեղափոխելու համար՝ պայմանավորված շարժիչի շարժահաղորդ լիսեռով։
S B ճահճագնաց մեքենա[խմբագրել | խմբագրել կոդը]
S B ճահճային մեքենան եղել է ռազմական ճահճագնացի առաջին նախատիպը, որը մշակվել է որպես ռազմական տրանսպորտ-փոխադրող՝ նախատեսված ճահճային տեղանքի և ջրային ուղիների հատման համար։ Այն նախատեսված է եղել նաև մարդկանց ջրով փոխադրելու համար և ղեկավարվել է շարժիչային լիսեռով։ Կառուցվել է 1933 թվականին։ Այն, ինչպես դրան հաջորդած ճահճային F B մեքենան, ունեցել է ուղեկից օղակներին ամրացված ռետինե լողափուքսեր, որպեսզի կանխվի մեքենայի ընկղմվելը ճահճի մեջ։ S B -ի տարբերությունը F B -ի կառուցվածքից «թրթուրների վրա լողակների» առկայությունն է և կորպուսի տակ գտնվող լրացուցիչ թրթուրները[2]։ S B-ը չի արտադրվել, քանի որ այն համարվել է չափազանց ծանր և երկար. կշիռը՝ 10 տոննա, երկարությունը՝ 10 մ։ Դրանից հետո մշակվել է FB ճահճագնացը՝ S B -ի փորձարկման ընթացքում առաջացած այդ խնդիրները հաշվի առնելով[2]։
Հետախուզական ճահճագնաց T B[խմբագրել | խմբագրել կոդը]
1942 թվականին F B-ի հիման վրա արտադրվել է ոչ մեծ ճահճագնաց մեքենա, որը հայտնի է, որպես T B հետախուզական ճահճագնաց։ Այն կշռում էր 1,8 տոննա։ Ընդհանուր առմամբ արտադրվել է 53 մեքենա[3]։
Նշումներ[խմբագրել | խմբագրել կոդը]
- ↑ Ճահճագնացը տրանսպորտային միջոց է, որը հատուկ ստեղծված է ճահճային տարածքները հատելու համար և տարբեր տեխնոլոգիական գործողություններ է իրականացնում խոնավ տարածքներում։
Ծանոթագրություններ[խմբագրել | խմբագրել կոդը]
- ↑ «FB». www3.plala.or.jp. Վերցված է 2020 թ․ սեպտեմբերի 28-ին.
- ↑ 2,0 2,1 Taki’s Imperial Japanese Army: Swamp Vehicle "SB"
- ↑ Taki’s Imperial Japanese Army: Swamp Scout Vehicle "TB"
Արտաքին հղումներ[խմբագրել | խմբագրել կոդը]
- Taki's Imperial Japanese Army Page - Akira Takizawa
- Tomczyk, Andrzej Japanese Armor Vol. 3. — AJ Press, 2003. — ISBN 978-8372371287
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել F B ճահճագնաց կատեգորիայում։ |