EuroDIG
Համացանցի կառավարման եվրոպական երկրների երկխոսություն (EuroDIG) համաեվրոպական բազմաշահառու ֆորում, որը կենտրոնացած է համացանցի կառավարման վրա[1]։ Այն Համացանցի կառավարման համաշխարհային ֆորումի (IGF) տարածաշրջանային ենթաֆորումն է: Ամենամյա հանդիպում է՝ բաց մասնակցությամբ և փոփոխվող վայրերով եվրոպական երկրներում[2]։ Համաժողովին մասնակցում են մասնավոր հատվածի, կառավարությունների, քաղաքացիական հասարակության, գիտական շրջանակների և տեխնիկական համայնքի ներկայացուցիչներ: Նշանավոր մասնակից կառույցներն են Եվրոպական հանձնաժողովը և Եվրոպայի խորհուրդը:
Առաքելություն և պատմություն
[խմբագրել | խմբագրել կոդը]EuroDIG-ն անցկացրել է իր առաջին հանդիպումը 2008 թվականի հոկտեմբերի 20-21-ին և նախաձեռնվել է բոլոր շահագրգիռ կողմերի խմբերի համացանց էնտուզիաստների կողմից, ովքեր կիսում են նույն տեսլականը, որտեղ բոլոր շահագրգիռ կողմերը կարող էին հանդիպել և քննարկել համացանցի կառավարման խնդիրները: Եվրախորհուրդը եղել է այն կառույցներից, որոնք ի սկզբանե պաշտպանել են այս գաղափարը և առաջարկել են ընդունել առաջին հանդիպումը Ստրասբուրգում՝ Եվրոպայի Խորհրդի պալատում[3]։
EuroDIG-ի նպատակներից մեկն է սնուցել եվրոպական հայացքները գլոբալ IGF-ին, բայց ավելին այն նպատակ ունի կապ հաստատել բոլոր շահագրգիռ խմբերի հետ և նպաստել համացանցի կառավարման վերաբերյալ ներառական բանավեճին՝ խրախուսելով համագործակցությունը խնդիրների լուծման և լավագույն փորձի որոնման համար[4]։
Կազմակերպչական կառուցվածք և ֆինանսներ
[խմբագրել | խմբագրել կոդը]Կառավարում և պլանավորում
[խմբագրել | խմբագրել կոդը]EuroDIG-ի կենտրոնական վարչակազմը նրա քարտուղարությունն է, որը պատասխանատու է կազմակերպության համակարգման համար: Քարտուղարությունը 2022 թվականի դրությամբ կազմված է եղել կես դրույքով աշխատող 3-4 անհատներից։ Երկարաժամկետ և ֆինանսական պլանավորումը, ինչպես նաև վարչական վերահսկողությունը պատկանում է շահառուների խորհուրդին, որի յոթ անդամներն ընտրվում են Գլխավոր ասամբլեայի կողմից, բացառությամ գլխավոր քարտուղարի, որը միշտ խորհրդի մաս է կազմում: Խորհրդի անդամները պետք է լինեն, այսպես կոչված, հիմնական անդամներ և ընտրվում են մինչև երեք տարի ժամկետով: Անդամները պետք է լինեն տարբեր շահագրգիռ խմբերից, որպեսզի յուրաքանչյուր խումբ ներկայացված լինի, և ոչ մի խումբ գերակայի խորհրդի կազմում: Գլխավոր ասամբլեան կազմված է կազմակերպության անդամներից, չնայած միայն հիմնական անդամները կարող են քվեարկել: Հիմնական անդամները հիմնադիր և լիիրավ անդամներ են: Բոլոր լիիրավ անդամները պետք է ընդունվեն հիմնական անդամների կողմից[5][6]։
Տարեկան հանդիպումները նախատեսված են բաց գործընթացով, որին բոլորը կարող են առաջարկել թեմաներ և մասնակցել։ Ծրագիրը կազմվում է ներկայացված թեմաների հիման վրա և հրապարակայնորեն քննարկվում պլանավորման հանդիպման ժամանակ: Յուրաքանչյուր նստաշրջանի վերաբերյալ մանրամասն տեղեկատվությունը տրամադրվում է նիստը կազմակերպող կազմակերպչական խմբին[7]։ Պլանավորման գործընթացին աջակցում է քարտուղարությունը՝ օգնելով կազմակերպչական թիմերին:
Ֆինանսավորում և ինստիտուցիոնալ գործընկերներ
[խմբագրել | խմբագրել կոդը]EuroDIG-ը ֆինանսավորվում է նվիրատվությունների միջոցով, մեծ մասամբ կորպորացիաների և հաստատությունների կողմից, բայց նաև անհատները հնարավորություն ունեն աջակցելու դրամահավաք գործիքի միջոցով: Աջակցության մեկ այլ ձև, որը ստանում է EuroDIG-ը, դեմ առ դեմ միջոցառումների կազմակերպումն է և դրանց համար անհրաժեշտ սարքավորումների և ռեսուրսների տրամադրումը, որոնք սովորաբար իրականացվում են գործընկեր հաստատության կամ քաղաքի կողմից[8]։
EuroDIG-ի ինստիտուցիոնալ գործընկերներն են՝
- Եվրոպայի խորհուրդ
- Եվրոպական հանձնաժողով
- Եվրոպական տարածաշրջանային ընդհանուր կազմակերպություն (EURALO)
- Եվրոպական հեռարձակողների միություն (EBU)
- Եվրոպական հեռահաղորդակցության ցանցերի օպերատորների ասոցիացիա (ETNO)
- Ժնևի համացանցային հարթակ
- համացանց Հասարակություն (ISOC)
- Շվեյցարիայի կապի դաշնային գրասենյակ (OFCOM)
- Réseaux IP Européens ցանցի համակարգման կենտրոն (RIPE NCC)
Բացի վերը նշված ինստիտուցիոնալ գործընկերներից, նվիրատվություններ են ստացվում, օրինակ՝ EURid-ից, Գուգլից, SIDN-ից, nic.at-ից, denic-ից, Centr-ից, .fr-ից, SWITCH-ից, VERISIGN-ից, UNINETT Norid-ից, ինչպես նաև Internet Society Foundation-ից, UNU-CRIS-ից, RNIDS-ից և, ավելի փոքր քանակությամբ՝ տարածաշրջանային ընկերություններ և մասնավոր դոնորներ[9][10]։
Մասնակիցներ
[խմբագրել | խմբագրել կոդը]2021 թվականին ֆորումը հաշվվել է 703 գրանցում 3-օրյա վիրտուալ հանդիպման համար, որոնցից 470-ը փաստացի ներկա են եղել միջոցառմանը: Բացի այդ, ավելի շատ մարդիկ են մասնակցել ուղիղ եթերի միջոցով։ Մասնակիցների ավելի քան 50%-ի համար սա առաջին EuroDIG-ն է եղել որին մասնակցում են[11]։ Ավելին, մասնակիցների 10%-ը եղել են կառավարությունների անդամներ կամ ներկայացուցիչներ, մինչդեռ 470 հոգուց մոտ մեկ չորրորդը մասնակցել է քաղաքացիական հասարակությունից: Մասնակիցների 20%-ից պակասը ճանաչվել է որպես ակադեմիկոս: Նաև մասնակիցների մոտ 13%-ը եկել է մասնավոր հատվածից և տեխնիկական համայնքից: Մասնակիցների շուրջ 6%-ը ներկայացրել են միջկառավարական կազմակերպությունները[11]։ 2021 թվականին հատուկ ողջույնի խոսքեր են հղել Պատրիկ Փենինկքսը (Եվրոպայի խորհուրդ Տեղեկատվական հասարակության դեպարտամենտի ղեկավար), Անա Պերսիչը (ՅՈՒՆԵՍԿՕ), Աթիշ Դաբհոլկարը (Տեսական ֆիզիկայի միջազգային կենտրոն), Ռոբերտո Վիոլան (Հաղորդակցության ցանցերի գլխավոր տնօրեն), Տատյանա Մատիչ (Առևտրի, զբոսաշրջության և հեռահաղորդակցության նախարար, Սերբիայի Հանրապետություն), Ֆիլիպ դե Լոմբերդե ( ՄԱԿ-ի Համեմատական Տարածաշրջանային Ինտեգրման Համեմատական Ինտեգրման Համալսարանական Ինստիտուտի ժամանակավոր տնօրեն) և Դելֆինա Էռնոտը[11]։
Նիստերի ցանկ
[խմբագրել | խմբագրել կոդը]| Ամսաթիվ | Վայր | Կազմապերպիչ(ներ) |
|---|---|---|
| 20.-21.10.2008 | Ստրասբուրգ, Ֆրանսիա | Կազմակերպվել է Եվրոպայի խորհրդի աջակցությամբ։ |
| 14.-15.09.2009 | Ժնև, Շվեյցարիա | Եվրոպական հեռարձակողների միության (EBU) կողմից Շվեյցարիայի հաղորդակցության դաշնային վարչության (OFCOM) հետ համատեղ և Եվրոպայի խորհրդի աջակցությամբ։ |
| 29.-30.04.2010 | Մադրիդ, Իսպանիա | Կազմակերպվել է Telefónica-ի կողմից Իսպանիայի IGF հիմնադրամի հետ համագործակցությամբ Մադրիդի Telefónica-ի կենտրոնակայանում։ |
| 30.-31.05.2011 | Բելգրադ, Սերբիա | Միջոցառումը կազմակերպվել է DiploFoundation-ի կողմից, որը նախագահում էր Սերբիայի մշակույթի, լրատվամիջոցների և տեղեկատվական հասարակության նախարարության թվային օրակարգի պետքարտուղար Ջեյն Մատրիքսը։ |
| 14.-15.06.2012 | Ստոկհոլմ, Շվեդիա | Միջոցառումը կազմակերպել է Շվեդիայի փոստի և հեռահաղորդակցության վարչությունը (PTS) Ստոկհոլմում: Շվեդիայի թագուհի Սիլվիան հանդես է եկել երեխաների իրավունքների և համացանցի մասին ծրագրային ելույթով[12]։ |
| 20.-21.06.2013 | Լիսաբոն, Պորտուգալիա | Կազմակերպվել է Ինտերնետ հասարակության Պորտուգալիայի մասնաճյուղի (ISOC Portugal) կողմից։ |
| 12.-13.06.2014 | Բեռլին, Գերմանիա | Միջոցառումն անցկացվել է Գերմանիայի ինտերնետային արդյունաբերության ասոցիացիայի (eco) կողմից՝ Էկոնոմիկայի և տեխնոլոգիաների դաշնային նախարարության հովանու ներքո՝ Սրտաքին գործերի դաշնային նախարարության հետ համագործակցությամբ: |
| 04.-05.06.2015 | Սոֆիա, Բուլղարիա | Իրականացվել է UNICAST-ի կողմից ՝ Բուլղարիայի տրանսպորտի, տեղեկատվական տեխնոլոգիաների և հաղորդակցության նախարարության հետ համատեղ: |
| 09.-10.06.2016 | Բրյուսել, Բելգիա | Կազմակերպվել է EURid-ի կողմից Եվրոպական հանձնաժողովի հետ համագործակցությամբ։ |
| 06.-07.06.2017 | Տալլին, Էստոնիա | Միջոցառման կազմակերպիչն եղել է Էստոնիայի Հանրապետության արտաքին գործերի նախարարությունը ՝ Էստոնիայի ինտերնետ-հիմնադրամի հետ համագործակցությամբ: |
| 05.-06.06.2018 | Թբիլիսի, Վրաստան | Միջոցառումը կազմակերպել Է Վրաստանի էկոնոմիկայի և կայուն զարգացման նախարարությունը՝ Վրաստանի փոքր և միջին բիզնեսի կապի օպերատորների ասոցիացիայի և Վրաստանի հաղորդակցությունների ազգային հանձնաժողովի հետ համագործակցությամբ: |
| 19.-20.06.2019 | Հաագա, Նիդերլանդներ | Միջոցառումը կազմակերպվել է Նիդեռլանդների էկոնոմիկայի և կլիմայի քաղաքականության նախարարության կողմից ՝ համագործակցելով ECP – Նիդեռլանդական տեղեկատվական հասարակության պլատֆորմի, Հաագայի քաղաքապետարանի և SIDN–. nl դոմենների ռեգիստրի հետ: |
| 10.-12.06.2020 | Առցանց | Միջոցառումը կազմակերպվել է Աբդուս Սալամի տեսական ֆիզիկայի միջազգային կենտրոնի (ICTP) կողմից ՝ համագործակցելով Ավանզատիի միջազգային բարձրագույն դպրոցի( SISSA), EuroScience Բաց ֆորումի( ESOF), ճարտարագիտության և ճարտարապետության դեպարտամենտի և Տրիեստի համալսարանի Stedic միջգերատեսչական կենտրոնի հետ՝ Տեխնոլոգիական նորարարությունների նախարարության աջակցությամբ |
| 28.-30.06.2021 | Առցանց | Միջոցառումը կազմակերպվել է Աբդուս Սալամի անվան տեսական ֆիզիկայի միջազգային կենտրոնի (ICTP) կողմից՝ համագործակցելով Ավանզատիի Բարձրագույն միջազգային դպրոցի (SISSA), ճարտարագիտության և ճարտարապետության ֆակուլտետի և Տրիեստի համալսարանի Stedic միջգերատեսչական կենտրոնի հետ՝ Տեխնոլոգիական նորարարությունների և թվայնացման նախարարության աջակցությամբ: |
| 20.-22.06.2022 | Տրիեստ, Իտալիա | Հերթական անգամ Միջոցառումը կազմակերպել է Աբդուս Սալամի անվան տեսական ֆիզիկայի միջազգային կենտրոնը: |
| Upcoming: 06.-08.06.2023 | Տամպերե, Ֆինլանդիա | Կազմակերպիչ՝ Տամպերեի համալսարան |
Source for the table information[13]
Գործունեություն
[խմբագրել | խմբագրել կոդը]YouthDIG
[խմբագրել | խմբագրել կոդը]Ամեն տարի EuroDIG-ն անցկացնում է նախապատրաստական երիտասարդական միջոցառում 18-30 տարեկան շահագրգիռ անձանց համար: YouthDIG-ում մասնակիցներին ուսուցանվում է համացանցի կառավարման մասին և մշակում են քաղաքականության հաղորդագրություններ, որոնք ներկայացված են EuroDIG-ում և IGF-ի ժամանակ:
Այդ երիտասարդները հրավիրվում են փոխանակվելու, ինչպես նաև գաղափարներ քննարկելու համացանցային քաղաքականության փորձառու մասնագետների հետ: Բացի այդ, նրանք հնարավորություն են ստանում շփվելու ամբողջ Եվրոպայում նմանատիպ հետաքրքրություններ ունեցող հասակակիցների հետ[14]։
Հարաբերություններ համացանցի կառավարման այլ հաստատությունների հետ
[խմբագրել | խմբագրել կոդը]EuroDIG-ը ստեղծվել է Եվրոպայի խորհրդի, շվեյցարական OFCOM-ի և այլ շահագրգիռ կողմերի աջակցությամբ՝ 2006 թվականին Միավորված ազգերի կազմակերպության գլխավոր քարտուղարի կողմից Համացանցի կառավարման ֆորումի (IGF) գործարկումից հետո[15]։ IGF-ի նման, EuroDIG-ը չունի գործադիր կարողություն և գոյություն ունի միայն որպես քննարկման վայր:
Այնուամենայնիվ, EuroDIG-ը հասանելի է Եվրոպայում համացանցային քաղաքականության կարևոր որոշումներ կայացնողներին, ներառյալ Եվրոպայի խորհուրդը, Եվրոպական հանձնաժողովը (DG-Connect-ի միջոցով), ICANN-ը և Եվրոպական խորհրդարանի անդամները: Ամեն տարի կազմակերպելով EuroDIG-ը մեկ այլ եվրոպական երկրում՝ ֆորումը հարաբերություններ է ստեղծել Եվրոպայի տեղական իշխանությունների և կառավարությունների, ինչպես նաև եվրոպական տարբեր մարմինների հետ, որոնք զբաղվում են համացանցային կառավարման խնդիրներով[16]։
Ծանոթագրություններ
[խմբագրել | խմբագրել կոդը]- ↑ «European Dialogue on Internet Governance (EuroDIG) | LobbyFacts Database». lobbyfacts.eu (անգլերեն). Վերցված է 2022-02-04-ին.
- ↑ «Get Involved». EuroDIG. Վերցված է 28 January 2022-ին.
- ↑ Mazzone, Giacomo (2017). «European Dialogue on Internet Governance (EuroDIG)». Global Information Society Watch 2017. National and Regional Internet Governance Forum Initiatives (NRIS): 61–64.
- ↑ Mazzone, Giacomo (2017). «European Dialogue on Internet Governance (EuroDIG)». Global Information Society Watch 2017. National and Regional Internet Governance Forum Initiatives (NRIS): 61–64.
- ↑ «Who We Are». EuroDIG. Վերցված է 28 January 2022-ին.
- ↑ Mazzone, Giacomo (2017). «European Dialogue on Internet Governance (EuroDIG)». Global Information Society Watch 2017. National and Regional Internet Governance Forum Initiatives (NRIS): 61–64.
- ↑ «Planning Process». EuroDIG. Վերցված է 28 January 2022-ին.
- ↑ «Donations». EuroDIG. Վերցված է 28 January 2022-ին.
- ↑ «EuroDIG. Messages 2021. Virtual meeting, 28–30 June. Into Europe's Digital Decade» (PDF). eurodigwiki.org. Վերցված է 28 January 2022-ին.
- ↑ Mazzone, Giacomo (2017). «European Dialogue on Internet Governance (EuroDIG)». Global Information Society Watch 2017. National and Regional Internet Governance Forum Initiatives (NRIS): 61–64.
- ↑ 11,0 11,1 11,2 «EuroDIG. Messages 2021. Virtual meeting, 28–30 June. Into Europe's Digital Decade» (PDF). eurodigwiki.org. Վերցված է 28 January 2022-ին.
- ↑ Bucht, Catharina (2012). Youth Have Their Say on Internet Governance: Nordic Youth Forum at EuroDIG Stockholm June 2012 (PDF). The International Clearinghouse on Children, Youth and Media, at Nordicom, University of Gothenburg.
- ↑ «Hosting EuroDIG». EuroDIG. Վերցված է 21 January 2022-ին.
- ↑ «YouthDIG Wiki 2021». eurodigwiki.org. Վերցված է 28 January 2022-ին.
- ↑ Alexandre Hannud Abdo: How effective is direct remote interaction in EuroDIG?: https://www.diplomacy.edu/wp-content/uploads/2021/06/IGCBP2010_2011_Abdo.pdf Retrieved 28 January 2022.
- ↑ Mazzone, Giacomo (2017). «European Dialogue on Internet Governance (EuroDIG)». Global Information Society Watch 2017. National and Regional Internet Governance Forum Initiatives (NRIS): 61–64.