Detroit: Become Human
Detroit: Become Human (անգլ.՝ «Դետրոյթ. Դառնալ մարդ») խաղ, մշակված ֆրանսիական Quantic Dream ընկերության կողմից, բացառիկ PlayStation 4 խաղային հարթակի համար։ Խաղի անոնսը կայացել է 2015 թվականի հոկտեմբերի 25-ին Sony-ի ելույթի շրջանակներում՝ «Paris Games Week 2015» ցուցահանդեսում։ Խաղը հիմնված է 2012 թվականի «Kara» տեխնիկական դեմոյի վրա։ «Become Human» խաղի սյուժեն կառուցված է երեք կերպարների շուրջը, յուրաքանչյուրն ունի իր առանձին պատմությունը, բայց նրանք, ի վերջո, միավորվում են։ Խաղը դուրս է եկել 2018 թվականի մայիսի 25-ին։
Սյուժե[խմբագրել | խմբագրել կոդը]
Ոչ հեռու ապագայում՝ 2038 թվականին, Երկրի վրա ակտիվորեն ընթանում է անդրոիդներ-ռոբոտների արտադրությունը, արտադրված Cyberlife ընկերության կողմից՝ մարդկային տարբեր պահանջմունքների բավարարման համար։ Ընկերության հիմնադիրը հանդիսանում է Էլայջա Կամսկին։
Երկրի վրա տեղի ունեցող գլոբալ խնդիրները սրվում են. Երկրի բնակչությունը հասնում է 10 միլիարդի, ռեսուրսները սպառվում են, ինչի պատճառով պատերազմ է ընթանում Ռուսաստանի և ԱՄՆ-ի միջև՝ Արկտիկայի ռեսուրսների մնացորդների համար։ Խաղի իրադարձությունները տեղի են ունենում Դետրոյթ քաղաքում։ Խաղի մեջ երեք խաղային կերպար կա. Կարան, Մարկուսը և Քոնորը[7]։ Կարան (Քերի Վելորի)՝ AX-400 մոդելի կենցաղային անդրոիդ է, որը իր տիրոջ Թոդի (Դոմինիկ Գուլդ) դաժանության պատճառով դառնում է դևիանտ։ Մարկուսը (Ջեսսի Ուիլյամս) դառնում է տեղական դիմադրության բազայի՝ «Իերիխոնի» առաջնորդը։ Քոնորը (Բրայան Դեկարտ) հանդիսանում է ընկերության նախատիպ, որի նպատակն է «դևիանտների» դեմ պայքարը, բայց խաղի ընթացքում նա կարող է ինքը դառնալ նրանցից մեկը։ Դևդիանտները՝ անդրոիդներ են, որոնց մոտ դուրս է եկել ծրագրային ապահովությունը, ինչի պատճառով նրանք սկսում են զգալ զգացմունքներ, նաև նրանց մոտ հայտնվում է սեփական կամք, ինչպես մարդու մոտ։
Դերասաններ[խմբագրել | խմբագրել կոդը]
| Դերասան | Դեր |
|---|---|
| Բրայան Դեկարտ | Քոնոր |
| Քերի Վելորի | Կարա |
| Ջեսսի Ուիլյամս | Մարկուս |
| Գաբրիել Խերշ | Քլոյա |
| Քլենսի Բրաուն | Հենք |
| Լենս Հենրիքսեն | Կարլ Մանֆրեդ |
| Օդրի Բոստանի | Ալիսա |
| Սիմբի Քալի | Ամանդա |
| Բեն Լամբերտ | Դանիել / Ջոշ |
| Պարկեր Սոյերս | Ջոշ |
| Մինկա Քելլի | Նորտ |
| Էվան Պարկե | Լյութեր |
| Դևիդ Քոբերն | Ռիչարդ Պերկինս |
| Դոմինիկ Գուլդ | Թոդ Ուիլյամս |
| Ամելիա Ռոուզ Բլեր | Թրեյսի |
| Բերի Ջոնսոն | Ջեֆրի Ֆոուլեր |
| Դանա Գոերրիեր | Ռոուզ |
| Սոլ Ջեֆքոթ | Զլատկո |
| Քորնիլիըս Սմիթ | Կառլոս Օրտիսի անդրոիդ |
| Քրիստոֆեր Բոշ | Ջերի |
| Նեյլ Նյուբոն | Էլայջա Կամսկի / Գևին Ռիդ |
Մշակում[խմբագրել | խմբագրել կոդը]
 Արտաքին տեսաֆայլեր
| |
|---|---|
|
|
«Kara» տեխնիկական դեմո с GDC 2012 |
|
|
թրեյլեր PGW 2015-ից |
Անոնս[խմբագրել | խմբագրել կոդը]
Խաղի մշակման մասին հայտարարված է եղել Sony-ի մամլո-կոնֆերանսի եզրափակիչ մասի «Paris Games Week 2015» ցուցահանդեսում 2015 թվականի հոկտեմբերի 25-ին։ Detroit: Become Human նախագիծը դարձել է «Kara» տեխնիկական դեմոյի գաղափարի շարունակությունը։ Ի սկզբանե դեմոն պետք էր ցույց տալ նոր շարժիչի տեխնիկական հնարավորությունները PlayStation 3-ի վրա, որի հիմնական առանձնահատկությունը դեմքի անիմացիան էր։ Սակայն խաղը հետաքրքրել է հանդիսատեսին և Դևիդ Քեյջին՝ Quantic Dream ստուդիայի ղեկավարին։ Նրա խոսքերով, նրան հետաքրքրել է անդրոիդի ապագան գործարանից դուրս։ Խաղի հիմնական հարցն այն է, թե ինչպես է մարդկությունը ընդունելու անդրոիդներին, եթե նրանք զարգացնեն զգացմունքների ունակությունը։
Կոնցեպցիա[խմբագրել | խմբագրել կոդը]
Detroit: Become Human շարունակում է Quantic Dream-ի նախորդ խաղերի ավանդույթը, ուշադրությունը կենտրոնացնելով որոշակի պատմության վրա, սակայն նրանցից յուրաքանչյուրը, այդ թվում Become Human-ը, իրենց գաղափարներում անհատական է։ Սակայն խաղի գլխավոր «սցենարիստը», ըստ Քեյջի, խաղացողն է, քանի որ իրադարձությունների զարգացման ուղղությունը կախված է նրա գործողություններից։ Խաղացողը կարող է մեծապես ազդել ոչ միայն սյուժեի, այլ նաև ողջ աշխարհի վրա։ Detroit: Become Human -ը կոչ է անում գտնել «Ի՞նչ է նշանակում լինել մարդ» հարցի պատասխանը։
Դետրոյթը ներկայացվում էր մշակողների թիմի համար առավել տրամաբանական վայր, որտեղ զարգանալու է անդրոիդների ստեղծման տեխնոլոգիան։ Այս քաղաքը հանդիսանում է հարմար վայր արդյունաբերության համար, ինչպես նաև ամեն տեսակի ստեղծագործական մարդկանց համար։ Թիմը մեկնել է քաղաք, այն իմանալու և ուսումնասիրելու համար։ Այնտեղ նրանք տեսան բազմաթիվ հրաշալի վայրեր, ծանոթացել են տեղի մարդկանց հետ և «զգացել քաղաքի ոգին», ինչը նրանց ավելի շատ ոգեշնչեց։ Detroit: Become Human-ը հիմնված է նոր շարժիչի վրա, որը բնորոշ է ստուդիայի յուրաքանչյուր նոր խաղերի համար։ Դևիդը նշել է, որ դա կարող է խելագարություն թվալ, սակայն անհրաժեշտ է լիովին բացել կոնսոլի պոտենցիալը`որակյալ տեսողական և խաղային փորձառություն ապահովելու համար։ Խաղացողի զգացմունքները, ըստ մշակողների, կախված են գրաֆիկական մակարդակից և դեմքի անիմացիայի մշակումից։
Խաղը չի ներկայանում, որպես գիտական ֆանտաստիկա։ Չնայած ցուցադրած տեխնոլոգիաների առաջընթացին, խաղի աշխարհում օգտագործվում են միայն այն մշակումները, որոնք այս պահին զարգանում են և ունեն գրադրվող սկիզբ։
Կարծիքներ և պարգևներ[խմբագրել | խմբագրել կոդը]
Մինչև դուրս գալը[խմբագրել | խմբագրել կոդը]
«Իգրոմանիայի» լրագրող Գևորգ Հակոբյանը կարծիք է հայտնել, որ Detroit: Become Human-ի անոնսը հետաքրքիր է, սակայն հարցեր են առաջացնում Քեյջի խաղերի հետագա հնարավոր շարժումը դեպի հերոսների զգացմունքների և փոխհարաբերությունների շեշտադրումները, ինչը երևում է Beyond: Two Souls-ում, թեև Fahrenheit և Heavy Rain խաղերը ունեն ուժեղ և հետաքրքիր պատմություն, դետեկտիվի տարրերով։
2018 թվականի սկզբին խաղը Газета.ru-ի կարծիքով հայտնվել է ամենասպասվող խաղերի Թոփ-10-ի մեջ[8]։
Դուրս գալուց հետո[խմբագրել | խմբագրել կոդը]
Detroit: Become Human-ը ստացել է ընդհանուր առմամբ բարենպաստ արձագանքներ, Metacritic-ի վրա միջին միավորը՝ 79/100: Mail.ru կայքում Ալեքսանդր Կուզմենկոյի գրախոսության մեջ, խաղը ստացել է առավելագույն գնահատական։
Պարգևներ[խմբագրել | խմբագրել կոդը]
Detroit: Become Human-ը աջաջադրվել է Best of E3 Game Critics Awards 2016 մրցանակին՝ «Լավագույն օրիգինալ խաղի» կատեգորիայում, սակայն նա պարտվել է[9]։ 2017 թվականի E3-ում, Detroit: Become Human-ը հաղթել է GameSpot's Best of E3 2017-ում և առաջադրված է եղել PlayStation 4-ի համար, որպես լավագույն խաղ[10][11]։
Ծանոթագրություններ[խմբագրել | խմբագրել կոդը]
- ↑ Էպիկ գեյմզ սթոր(բազմ․) — 2018.
- ↑ PlayStation Store
- ↑ All PS Now games A-Z: Browse the full list of games available to play with your PS Now membership
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 4,13 4,14 4,15 4,16 4,17 4,18 4,19 4,20 4,21 4,22 4,23 Steam — 2003.
- ↑ USK Classification Database (գերմ.)
- ↑ http://www.esrb.org/ratings/Synopsis.aspx?Certificate=35494&Title=Detroit%3a+Become+Human
- ↑ В русской версии "Кэра"
- ↑ «Из Скандинавии в постапокалипсис: во что поиграть в 2018 году». gazeta.ru. Վերցված է 01.01.2018-ին.
- ↑ Tamoor Hussain (2016 թ․ հունիսի 29). «Battlefield 1 Leads E3 Game Critics Awards Nominees» (ամերիկյան անգլերեն). GameSpot. Վերցված է 2018 թ․ հունիսի 22-ին.
- ↑ «Best of E3 2017 – Day Three: Fighter, Adventure, RPG, Shooter, Action | Hardcore Gamer» (ամերիկյան անգլերեն). www.hardcoregamer.com. Վերցված է 2018 թ․ հունիսի 22-ին.
- ↑ «Ubisoft Rakes In 14 Nominations for E3 2017 Game Critics' Awards» (անգլերեն). Shacknews. Վերցված է 2018 թ․ հունիսի 22-ին.
Արտաքին հղումներ[խմբագրել | խմբագրել կոդը]
- «Խաղի էջը մշակողի կայքում է» (անգլերեն).