BigDog (ռոբոտ)

Վիքիպեդիայից՝ ազատ հանրագիտարանից
Jump to navigation Jump to search

BigDog (մեծշուն), չորս ոտանի քայլող ռոբոտ` հարմարավետ կառավարմամբ, որը ստեղծվել է 2005 թվականին Boston Dynamics-ի կողմից Foster-Miller-ի, Jet Propulsion Laboratory-ի և Հարվարդի համալսարանի Concord Field Station-ի հետ համատեղ[1]։

BigDog-ի պատմություն[խմբագրել | խմբագրել կոդը]

BigDog-ը փորձարկումներից հետո, 2017

BigDog նախագիծը ֆինանսավորվում է Defense Advanced Research Projects Agency-ի կողմից՝ հույս ունենալով, որ այն կկարողանա տեխնիկա կրել և օգնել զինվորներին այն տարածքներում, որտեղ սովորական մեքենաները չեն կարող շարժվել։ Անիվների փոխարեն BigDog-ն օգտագործում է իր չորս ոտքերը։ Նրանց ոտքերում տեղադրված են սենսորների լայն տեսականի։ BigDog- ն ունի նաև լազերային գիրոսկոպ և երկակի տեսողության համակարգ։

Ռոբոտի երկարությունը 0,91 մետր է, բարձրությունը՝ 0,76 մետր, իսկ քաշը՝ 110 կիլոգրամ։ Ներկայումս նա կարողանում է դժվար տեղանքով շարժվել ժամում 6,4 կմ արագությամբ, տեղափոխել 154 կգ բեռ և բարձրանալ 35 աստիճանի անկյան տակ։ Դրա շարժումը կառավարվում է համակարգչային համակարգի միջոցով, որը տվյալներ է ստանում տարբեր սենսորներից։ Նավիգացիան և հավասարակշռությունը նույնպես վերահսկվում են այս համակարգի կողմից։

2008 թվականի մարտի 18-ին Boston Dynamics-ը թողարկեց տեսահոլովակ BigDog ռոբոտի նոր սերնդի մասին, որը ցույց է տալիս ռոբոտի սառցե մակերևույթի վրա քայլելու և կողմնակի հարվածից հետո հավասարակշռությունը վերականգնելու ունակությունը։

2015 թվականի նոյեմբերի վերջին ընկերությունը հայտարարեց, որ դադարեցնում է հետագա աշխատանքը BigDog-ի զարգացման վրա[2]։ Երկու հիմնական պատճառ նշվեց. Ռոբոտի սահմանափակ հնարավորությունները և չափազանց բարձր դիմակազերծման աղմուկը, որից մշակողները չկարողացան գլուխ հանել։ Արդյունքում ընկերությունն անցավ Spot Mini-ին՝ BigDog-ի ավելի փոքր տարբերակին, որն աշխատում է անաղմուկ էլեկտրական շարժիչով և, ինչպես ասում են, ավելի արագաշարժ է։

Կառուցվածք[խմբագրել | խմբագրել կոդը]

BigDog-ը սնուցվում է 9000 պտույտ/րոպե պտտման արագությամբ երկհարված միագլան շարժիչով, որն առաջացնում է շարժիչի բարձր ձայն (ռոբոտի հետագա տարբերակներում նախատեսվում էր շտկել այս բացահայտող թերությունը, բայց դա երբեք չի արվել) . Շարժիչը վարում է հիդրավլիկ պոմպը, որն իր հերթին սնուցում է հիդրավլիկ ոտքի շարժիչները։ Յուրաքանչյուր ոտք ունի 4 հիդրավլիկ շարժիչ (երկուսը ազդրային հոդի,մեկը ծնկի և կոճ հոդերի համար), դրանց ընդհանուր թիվը 16 է։Հիդրավլիկ շարժիչներից յուրաքանչյուրը բաղկացած է հիդրավլիկ գլանից, մեխանիկական շարժիչից, ինչպես նաև դիրքի և ուժի սենսորներից։ Ռոբոտը լավ կայունություն ունի՝ փորձարկումների ժամանակ այն չի ընկել սառույցի վրայով անցնելիս և ուժեղ ցնցումների ժամանակ[3]։

Ռոբոտի բորտ-համակարգիչը PC/104 պլատֆորմի կարծրացված տարբերակն է՝ QNX OS-ով աշխատող Pentium դասի պրոցեսորով[4]։

Կառավարման համար օգտագործվել են երեք ռադիոալիքներ, այդ թվում՝ WiFi և 1800 ՄՀց։

Պատկերասրահ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Boston Dynamics»։ Արխիվացված է օրիգինալից 2006-05-10-ին։ Վերցված է 2008-03-19 
  2. Компания Boston Dynamics прекращает работу по дальнейшему развитию роботов серии BigDog // dailytechinfo.org
  3. Boston Dynamics Big Dog ՅուԹյուբում (Video demonstration)
  4. «BigDog Overview»։ Boston Dynamics։ 22 ноября 2008։ Արխիվացված է օրիգինալից 2012-03-11-ին