Avfall Sverige
| Բնագավառ | business and professional associations, unions  | |
|---|---|---|
| Գործունեության հմտություններ | թափոնների կառավարում | |
| Երկիր | Շվեդիա | |
| Գլխամասի վայր | Մալմյո | |
| Հիմնական թեմա | թափոններ | |
| Պաշտոնական կայք | www.avfallsverige.se | |
Avfall Sverige (շվեդերենից բառացի թարգմանած՝ նշանակում է թափոնների շվեդական կառավարում), թափոնների կառավարման և վերամշակման հանրային ասոցիացիա Շվեդիայում[1]: Հիմնադրվել է 1947 թվականին, գլխավոր գրասենյակը գտնվում է Մալմյոյում, իսկ գլխավոր մասնաճյուղը՝ Ստոկհոլմում[2]: Դրա հիմնական տեսլականը կամ գերխնդիրը թափոնների զրոյացումն է[3]: Avfall Sverige-ն Municipal Waste Europe-ի անդամ է[4], որը եվրոպական երկրների հանրային թափոնների կառավարման մարմինների հովանոցային կազմակերպություն է՝ հիմնադրված 2008 թվականին[5]: 2022 թվականից ի վեր Avfall Sverige-ն համագործակցում է Միավորված ազգերի կազմակերպության Զարգացման ծրագրի (ՄԱԶԾ) հետ՝ «կլիմայի փոփոխության հետևանքների մեղմացմանն ուղղված գլոբալ ջանքերի և այդ փոփոխությանը հարմարվելու, ինչպես նաև կայուն զարգացման՝ մինչև 2030 թվականն ընդգրկող օրակարգն իրականացնելու համար»[6][7]: 2019 թվականից Avfall Sverige-ի կառավարիչ-տնօրենը Թոնի Քլարկն է[8]:
Avfall Sverige-ն Շվեդիան դարձրել է թափոնների կառավարման ոլորտի ամենաարդյունավետ երկրներից մեկը աշխարհում։ 2020 թվականին Շվեդիայում արտադրվել է մոտ 152 միլիոն տոննա թափոն, որի մեծ մասը (76%) հանքարդյունաբերությունից էր, որոշ մասը (1%-ից պակաս) վտանգավոր և վերամշակման ոչ ենթակա[9]։ Ներկայումս կենցաղային և արդյունաբերական թափոնների ընդհանուր քանակի միայն 0.7%-ն է հեռացվում, իսկ մնացածը վերամշակվում է։ Շվեդիան հարևան երկրներից ներմուծում է մոտ երկու միլիոն տոննա թափոն՝ շահութաբեր վերամշակվող արտադրանք ստանալու համար[10]։ 2023 թվականի հաշվետվության համաձայն՝ Շվեդիան 2020 թվականին թափոնների վերամշակումից ստացել է 1,7 միլիարդ եվրո (մինչ այժմ ամենաբարձր ցուցանիշը արձանագրվել է 2016 թվականին՝ 1,98 միլիարդ եվրո)[11]։
1975 թվականի դրությամբ թափոնների վերամշակումը կազմել էր թափոնների ընդհանուր ծավալի ընդամենը 38%-ը: Շվեդիայի կառավարությունը 1990-ականներին ավելի արդյունավետ քաղաքականություն է ներդրել[12]: Ձեռնարկված միջոցների շնորհիվ 2018 թվականին թափոնների ավելի քան 99%-ը վերամշակվել է[13]: Թափոնների կառավարման շվեդական ծառայությունը՝ Avfall Sverige-ն և թափոնների վերամշակման այլ գործակալություններ այնքան են մեծացրել թափոնների վերամշակման ծավալները, որ 2010 թվականից ի վեր Շվեդիան սկսել է աղբ ներմուծել արտասահմանյան երկրներից, հիմնականում Մեծ Բրիտանիայից և Նորվեգիայից: 2015 թվականի դրությամբ մոտ 950.000 տուն ջեռուցվել և 260.000 տուն էլեկտրաէներգիա է ստացել թափոնների վերաօգտագործումից[14]:
Ծանոթագրություններ
[խմբագրել | խմբագրել կոդը]- ↑ Aid, Graham; Eklund, Mats; Anderberg, Stefan; Baas, Leenard (2017). «Expanding roles for the Swedish waste management sector in inter-organizational resource management». Resources, Conservation and Recycling (անգլերեն). 124: 85–97. doi:10.1016/j.resconrec.2017.04.007.
- ↑ «Avfall Sverige – Swedish Waste Management». Avfall Sverige (անգլերեն). Վերցված է 2023-06-06-ին.
- ↑ Balaam, Kellie (2019-12-20). «Turning around WA's poor reputation on waste». Western Independent (ամերիկյան անգլերեն). Վերցված է 2023-06-06-ին.
- ↑ «PRESS RELEASE: NEW BOARD ELECTED IN JUNE 2022». www.municipalwasteeurope.eu. 2022-06-23. Վերցված է 2023-06-06-ին.
- ↑ «History | Municipal Waste Europe». www.municipalwasteeurope.eu. Վերցված է 2023-06-06-ին.
- ↑ «UNDP and Avfall Sverige enter into agreement on global waste management cooperation». Mirage News (ավստրալիական անգլերեն). 2022-01-20. Վերցված է 2023-06-06-ին.
- ↑ «UNDP and Avfall Sverige enter into agreement on global waste management cooperation | United Nations Development Programme». UNDP (անգլերեն). 2022-01-20. Վերցված է 2023-06-06-ին.
- ↑ «The Nordic model for biogas solutions – Meeting society's grand challenges: Speakers». Nordic Biogas Conference (ամերիկյան անգլերեն). 2022. Վերցված է 2023-06-06-ին.
- ↑ «Total volume of waste generated in Sweden» (PDF). Svensk Avfallshantering: 40. 2021.
- ↑ Balaam, Kellie (2019-12-20). «Turning around WA's poor reputation on waste». Western Independent (ամերիկյան անգլերեն). Վերցված է 2023-06-06-ին.
- ↑ «Sweden: waste collection industry turnover 2020». Statista (անգլերեն). Վերցված է 2023-06-06-ին.
- ↑ Igini, Martina (2022-05-26). «How Sweden is Successfully Turning Waste to Energy». Earth.Org (անգլերեն). Վերցված է 2023-06-09-ին.
- ↑ Yee, Amy (2018-09-21). «In Sweden, Trash Heats Homes, Powers Buses and Fuels Taxi Fleets». The New York Times (ամերիկյան անգլերեն). ISSN 0362-4331. Վերցված է 2023-06-09-ին.
- ↑ Braw, Elisabeth (2015-03-27). «Dirty power: Sweden wants your garbage for energy». america.aljazeera.com. Վերցված է 2023-06-09-ին.