Armia Ludowa
| Armia Ludowa | |
|---|---|
 | |
 | |
| Ընդհանուր տեղեկություն | |
| Տեսակ | պարտիզանական շարժում |
| Երկիր | .svg){kind=small} Լեհաստան |
| Տեղաբաշխում | Լեհաստանի Երկրորդ Հանրապետություն |
| Ստեղծվեց | հունվարի 1, 1944 |
| Ճակատամարտեր | Երկրորդ համաշխարհային պատերազմ |
| Լուծարվեց | հուլիսի 21, 1944 |
Armia Ludowa (AL[1][2]. լեհերենից թարգմանած՝ նշանակում է Ժողովրդական բանակ), Լեհական բանվորական կուսակցության ռազմական կազմավորում Երկրորդ համաշխարհային պատերազմի ժամանակաշրջանում։ Ստեղծվել է Երրորդ ռայխի գրաված Լեհաստանի տարածքում գործած Ժողովրդական գվարդիայի (լեհերեն՝ Gwardia Ludowa) վերակազմավորման միջոցով, գերմանացի զավթիչների դեմ զինված պայքար մղելու նպատակով։ Ընդ որում՝ ստեղծվել է Խորհրդային Միության տարածքում կազմավորված լեհական կոմունիստամետ կառավարության՝ Ժողովրդական Ռադայի (լեհերեն՝ Krajowa Rada Narodowa) 1942 թվականի հունվարի 1-ի հրամանագրի հիման վրա և ֆորմալ առումով ենթակա է եղել վերջինիս։ Գլխավոր հրամանատարը գեներալ Միխալ Ռոլա-Ժիմերսկին էր, շտաբի պետը՝ Ժողովրդական գվարդիայի նախկին հրամանատար Ֆրանցիշեկ Յուժվյակը[3]։
Գերմանացի զավթիչների դեմ իր մղած պայքարում Armia Ludowa-ն համագործակցել է խորհրդային զորքերի հետ՝ խուսափելով առնչություն ունենալ Մեծ Բրիտանիայի մայրաքաղաք Լոնդոնում գտնվող լեհական վտարանդի կառավարության և վերջինիս նախաձեռնությամբ Լեհաստանում ստեղծված ու ավելի լայն թափով գործող Armia Krajowa-ի հետ (լեհերենից բառացի թարգմանած՝ նշանակում է Հայրենի բանակ. Լեհաստանում ծավալված Դիմադրության շարժման գլխավոր ուժն էր)։ 1944 թվականի հուլիսի վերջերին, երբ խորհրդային զորքերը մտել են Լեհաստան, Armia Ludowa-ի կազմում ընդգրկված էր շուրջ 30.000 մարդ, որոնցից առնվազն վեց հազարը լիարժեքորեն մասնակցել են մարտական գործողություններին[4]։
1944 թվականի հուլիսի 21-ին Armia Ludowa-ն ներառվել է լեհական բանակի կազմում և խորհրդային զորքերի հետ ուս ուսի տված՝ շարունակել է մարտնչել գերմանացիների դեմ։
Նկատի առնելով Armia Ludowa-ի ունեցած սերտ կապերը Խորհրդային Միության հետ, որի փաստացի ղեկավարությամբ է ստեղծվել ու գործել, կարելի է նրան համարել թե՛ լեհական Դիմադրության շարժման և թե՛ խորհրդային պարտիզանական շարժման բաղկացուցիչ մաս։
Ծանոթագրություններ[խմբագրել | խմբագրել կոդը]
- ↑ § 22. Названия организаций, учреждений, предприятий, иностранных фирм
- ↑ Прописные в названиях организаций
- ↑ Kazimierz Sobczak, Encyklopedia II wojny światowej., Warszawa 1975, s. 18.
- ↑ | autor=Rada Krajowa Żołnierzy Armii Ludowej | titulo=przy Zarządzie Głównym Związku Kombatantów Rzeczypospolitej Polskiej i Byłych Więźniów Politycznych | data= | url=http://armialudowa.com/ Արխիվացված 2016-03-03 Wayback Machine |língua=polaco | acessodata=23 de novembro de 2012}}
Գրականություն[խմբագրել | խմբագրել կոդը]
- Steven J Zaloga (1982). «The Polish People's Army». Polish Army, 1939–1945. Oxford: Osprey Publishing. ISBN 0-85045-417-4.(չաշխատող հղում)
Արտաքին հղումներ[խմբագրել | խմբագրել կոդը]
- (Լեհերեն) Armia Ludowa
- (Լեհերեն) ZKRPiBWP Polish veterans' organization
 | Վիքիպահեստն ունի նյութեր, որոնք վերաբերում են «Armia Ludowa» հոդվածին։ |
