Jump to content

Adonxs

Վիքիպեդիայից՝ ազատ հանրագիտարանից
Adonxs
Բնօրինակ անունսլովակ.՝ Adam Pavlovčin
Ի ծնե անունսլովակ.՝ Adam Pavlovčin
Նաև հայտնի է որպեսADONXS
Ծնվել էսեպտեմբերի 13, 1995(1995-09-13)[1][2] (31 տարեկան)
Myjava, Տենչինի երկրամաս, Սլովակիա
Երկիր Սլովակիա
Ժանրերբարոկո փոփ, alternative pop?, avant-pop?, dark ambient?, ինդի փոփ, chamber pop?, փոփ և սինթիփոփ
Մասնագիտություներգիչ
Երգչաձայնբաս պրոֆունդո
Գործիքներվոկալ
ԼեյբլWarner Music Czech Republic?[3]
ԿրթությունԺամանակակից երաժշտության բրիտանական և իռլանդական ինստիտուտ (2019) և C. S. Lewis Bilingual High School? (2015)
ԱնդամակցությունPACE?
Պարգևներ
Ստորագրություն
Ստորագրություն
 Adonxs Վիքիպահեստում

Ադամ Պավլոչին (սլովակ.՝ Adam Pavlovčin, սեպտեմբերի 13, 1995(1995-09-13)[1][2], Myjava, Տենչինի երկրամաս, Սլովակիա), ավելի հայտնի է որպես Adonxs, սլովակ երգիչ, երգահան, մոդել և պարող։ Ներկայացրել է Չեխիան Եվրատեսիլ 2025 երգի մրցույթում «Kiss Kiss Goodbye» երգով, սակայն չի անցել եզրափակիչ[4]։

Կենսագրություն

[խմբագրել | խմբագրել կոդը]

Ադամ Պավլովչինը ծնվել է Միյավայում և մեծացել Սենիցայում։ Վաղ տարիքից նա հետաքրքրված էր պարով և երգով՝ ներշնչվելով իր ավագ քրոջից[5]։ Հետևելով նրա օրինակին նա միացավ կրտսեր պարային խմբին, հաճախեց վոկալի դասերի և սկսեց սովորել դաշնամուր նվագել[6]։ Սակայն դեռահասության շրջանում նրա ձայնը կտրուկ փոխվեց սեռահասունացման պատճառով․ նրա ձայնը իջավ տենորից մինչև բաս-պրոֆոնդո՝ ամենացածր բասը։ Այդ պատճառով նա դադարեցրեց երգելը[7]։

Փոխարենը կենտրոնացավ պարերի վրա․ հանդես եկավ պրոֆեսիոնալ պարային համույթների հետ և հնգակի դարձավ Սլովակիայի IDO փողոցային պարերի չեմպիոն՝ ինչպես պատանեկան, այնպես էլ մեծահասակների կատեգորիայում։ Տասնհինգ տարեկանում տեղափոխվեց Բրատիսլավա՝ ընտանիքից հեռու, որպեսզի ընդունվի երկլեզու CS Lewis միջնակարգ դպրոց և պարապի դերասանական արվեստ New Scene թատրոնում գործող ակադեմիայում։ Տասնվեց տարեկանում նա պայմանագիր կնքեց մոդելային գործակալության հետ։

Այնուհետև նա վերգտավ երգի հանդեպ իր սերը և տեղափոխվեց Պրահա՝ դասական վոկալ կրթություն ստանալու հայտնի օպերային երգչուհի Հանա Պեցկովայից, ում նա շնորհակալ է իր բասային ձայնային տիրույթը կրկին տենորին ընդարձակելու համար դեռահաս տարիքում։ Մի տարի նա աշխատեց որպես ազատ ստեղծագործող Պրահայում, իսկ հետո տեղափոխվեց Լոնդոն՝ շարունակելու իր երաժշտական կարիերան։ Նա Լոնդոնում ավարտեց Մեծ Բրիտանիայի և Իռլանդիայի Ժամանակակից Երաժշտության Ինստիտուտը՝ ստանալով բակալավրի աստիճան երգերի գրության և ստեղծագործական երաժշտական արվեստի ոլորտում՝ գերազանցությամբ։

Փորձելով վճարել ուսման և կեցության ծախսերը, նա զբաղվել է տարբեր աշխատանքներով, այդ թվում՝ մատուցող է աշխատել գեյ-բարում, որպեսզի կարողանա ծայրը ծայրին հասցնել։ Cosmopolitan-ին տված հարցազրույցում նա ասել է․ «Հաճախ ես ավարտում էի գիշերային հերթափոխս ժամը 3-ին, իսկ առավոտյան 9-ին արդեն սկսում էի վոկալի դասերս»։ Adonxs-ը, ով ծնողներին խոստովանել է իր նույնասեռականության մասին երկու շաբաթ անց այն բանից հետո, երբ «խելահեղ սիրահարվել է» 18-ամյա երիտասարդի, իր ուսանողական տարիները Լոնդոնում նկարագրել է որպես «լիակատար ազատման» և «ինքնաճանաչման» շրջան, որն ուժեղ ազդեցություն է թողել նրա երգերի ստեղծման վրա, ինչպես նաև նրա ոճի և բեմական կերպարի զարգացման։

Տասնութ տարեկանում գրել է իր առաջին երգը՝ Speechless Boy-ը, և թողարկել է ցածր բյուջեով տեսահոլովակ, որը դարձավ նրա հրապարակային քամինգ աութը։

Կարիերա

[խմբագրել | խմբագրել կոդը]

Երաժշտություն

[խմբագրել | խմբագրել կոդը]

2015—2020 թվականներ․ «PACE» խմբի մենակատար

[խմբագրել | խմբագրել կոդը]

Դեռ դպրոցում սովորելու տարիներին նա իր դասընկերոջ՝ այժմ կինոյի երաժշտության կոմպոզիտոր Ադրիան Չերմակի հետ ստեղծեց «PACE» անվանումով «ժանրային» երաժշտական խումբ։ Լոնդոն տեղափոխվելուց հետո դուետին միացան ևս երկու երաժիշտ՝ կիթառահար Մոնակոյից և թմբկահար Հունաստանից[8]։

2018 թվականի սկզբին բազմամշակութային կազմը թողարկեց իրենց դեբյուտային մինի ալբոմը՝ Keeper անվանումով՝ այլընտրանքային, բարոկկո-փոփ ալբոմ, որը ներառել էր սիմֆոնիկ նվագախմբի տարրեր, իսկ տեքստերը պատմում էին Adonxs-ի մասին՝ որպես «մարդու, փակված իր ցանկությունների և տեսիլքների մեջ»։ Մեկ տարի անց PACE-ն թողարկեց «Hunt Me Down» սինգլը, որին 2020-ին հետևեց «Fallen»-ը։ Խումբը շարունակեց ելույթներ ունենալ լոնդոնյան բեմերում, բրիտանական փառատոներում, հպարտության շքերթներում և հանդես եկավ որպես «ջերմացնող» խումբ բրիտանացի երգչուհի Գրեյս Քարթերի համերգներին, մինչ նրանց մնացած ելույթները չեղարկվեցին COVID-19 համավարակի պատճառով։

Մեծ Բրիտանիայում համավարակի սահմանափակումներից հետո նա վերադարձավ Պրահա՝ սկսելու իր մենակատար կարիերան։

2021 թվական․ SuperStar-ի հաղթող

[խմբագրել | խմբագրել կոդը]

2021 թվականին Adonxs-ը հայտնի դարձավ իր հայրենի Սլովակիայում և Չեխիայում՝ հաղթելով SuperStar-ում՝ Idols-ի չեխա-սլովակյան տարբերակի յոթերորդ սեզոնում։ Չնայած որ նախկինում մի քանի անգամ մերժել էր մասնակցելու առաջարկը, ի վերջո համաձայնեց և մեծ աղմուկ բարձրացրեց իր ելույթներով՝ գենդերային նորմերին չհամապատասխանող հագուստով։ Նրա արձագանքը հստակ էր․ «Հագուստը սեռ չունի»։ Նա դարձավ այս համատեղ մրցույթի առաջին բաց քվիր-հաղթողը և իր հաղթանակը համարեց «հսկայական առաջընթաց» չեխական և սլովակյան հասարակությունների համար։ ELLE ամսագրին տված հարցազրույցում, որտեղ նշվում էր իր հանրաճանաչությունը որպես քվիր-արվեստագետ պահպանողական հասարակությունում, Adonxs-ը ասել է․ «Ես կարծում եմ, որ իմ հաղթանակը օգնեց ճանապարհ հարթել մյուս քվիր-արվեստագետների, դերասանների և քաղաքական գործիչների համար, որպեսզի նրանք կարողանան բացահայտ հայտարարել իրենց կողմնորոշման մասին և չվախենան լինել ճշմարիտ իրենց էությանը»։

2022 թվական—մինչ այժմ․ մենակատար կարիերա

[խմբագրել | խմբագրել կոդը]

Հաղթանակից հետո նա պայմանագիր կնքեց Warner-ի հետ և սկսեց գրել ու ձայնագրել իր դեբյուտային ալբոմը Lavagance Studios-ում՝ պրոդյուսերներ Օլիվեր Ֆիլների, Մարեկ Ռակովիցկիի և Թոմ Լոբի հետ։ 2022 թվականի հունվարին նա առաջադրվեց Ruka Hore Awards 2021-ի «Լավագույն նոր արտիստ» անվանակարգում, չնայած դեռևս պաշտոնապես մենակատար նյութ չէր թողարկել։ Սլովակիայում Ֆորբսը նրան ընդգրկեց Forbes 30 Under 30 ցուցակում։

2024 թվականի դեկտեմբերին Չեխական հեռուստատեսությունը հայտարարեց, որ ներքին ընտրությամբ որոշել է Adonxs-ին ընտրել որպես Չեխիայի ներկայացուցիչ Եվրատեսիլ 2025 երգի մրցույթում, որը տեղի է ունենալու Շվեյցարիայի Բազել քաղաքում։ Նրա հայրենի Սլովակիան մրցույթին չի մասնակցում 2012 թվականից ի վեր։ 2025 թվականի փետրվարի 4-ին Adonxs-ը ներկայացրեց «Kiss Kiss Goodbye» երգի ակուստիկ տարբերակը Մալթայի Եվրատեսիլ 2025 մրցույթի ազգային ընտրության առաջին կիսաեզրափակչի ժամանակ, իսկ ստուդիական տարբերակը թողարկվեց մարտի 7-ին։

Պար, մոդելինգ, դերասանական արվեստ

[խմբագրել | խմբագրել կոդը]

Իր երաժշտական կարիերայից բացի, Adonxs-ը պրոֆեսիոնալ պարող է, մասնագիտացած փողոցային պարերում, լիրիկական ջազում և լատինաամերիկյան պարերում։ Նա անդամ է եղել RDS ընկերության, ելույթ է ունեցել Ռոբի Ուիլյամսի, Նիկոլ Շերզինգերի և Լեոնա Լյուիսի հետ, ինչպես նաև ուսանել է հայտնի խորեոգրաֆներից՝ Կեոնե Մադրիդից, Կամիլո Լաուրիչելլայից և Յան Իստվուդից։

Մոդելային բիզնեսով սկսել է զբաղվել 16 տարեկանում։ Որպես պոդիումի մոդել՝ նա մասնակցել է Alexander McQueen-ի ցուցադրություններին Միլանում, ինչպես նաև Լոնդոնի նորաձևության շաբաթին։ Նա հանդես է եկել նաև այնպիսի մոդելային արշավներում, որոնք մերժում են տղամարդկության և կանացիության վերաբերյալ գենդերային կարծրատիպերը[9][10]։ Հանրային ուշադրություն է գրավել նաև իր աջակցությամբ՝ վերամշակման և կայուն զարգացման գաղափարներին[11][12]։ 2022 թվականին դարձել է Adidas Originals-ի դեմքը Չեխիայում։ Նույն տարվա օգոստոսին վարել է Elite Model Look World Final 2022-ի եզրափակիչը։ 2022 թվականի նոյեմբերին նա զբաղեցրել է երկրորդ տեղը Tu Cara Me Suena հաղորդման սլովակական տարբերակում։

Անձնական կյանք

[խմբագրել | խմբագրել կոդը]

Նրա քույրը՝ Ռադկան, դերասանուհի և երգչուհի է Պրահայից[13]։ Մայրը՝ Մոնիկա Սաբոն, քննադատների կողմից բարձր գնահատված նկարիչ է, իսկ խորթ հայրը՝ կապիտան Մարիան Սաբոն, բուժօգնական[14][15]։ Նա հեռացված է իր կենսաբանական հորից։

Նա RuPaul’s Drag Race նախագծի երկրպագու է[16]։

Ապրում է Պրահայում և համարվում է Չեխիայի առաջին բաց քվիր-կատարողներից մեկը։

Ծանոթագրություններ

[խմբագրել | խմբագրել կոդը]
  1. 1 2 Internet Movie Database — 1990.
  2. 1 2 Միջազգային տիպօրինակ անունների նույնացուցիչ — 2012.
  3. ↑ Apple Music — 2015.
  4. ↑ «Adonxs will be singing for Czechia at Basel 2025». Eurovision Song Contest. 2024 թ․ դեկտեմբերի 11. Վերցված է 2025 թ․ մարտի 28-ին.
  5. ↑ Sopko, Denis (2022 թ․ փետրվարի 16). «Víťaz Adam Pavlovčin. Zaujal extravaganciou, geniálnym hlasom a pokorou. Aká bola jeho cesta do SuperStar?». Reflex (սլովակերեն). Արխիվացված օրիգինալից 2022 թ․ փետրվարի 17-ին. Վերցված է 2022 թ․ փետրվարի 16-ին.
  6. ↑ Diatlová, Rebecca (2022 թ․ հունվարի 11). «S vítězem SuperStar Adamem Pavlovčinem». TV Nova (չեխերեն). Արխիվացված օրիգինալից 2022 թ․ հունվարի 13-ին. Վերցված է 2022 թ․ հունվարի 12-ին.
  7. ↑ Vénosová, Veronika (2022 թ․ հունիսի 1). «Adam Pavlovčin: Trvalo mi několik let, než jsem si začal svého hlasu vážit» [It took me years to appreciate my voice type]. Daily Style (չեխերեն). Արխիվացված օրիգինալից 2022 թ․ հունիսի 1-ին. Վերցված է 2022 թ․ հունիսի 1-ին.
  8. ↑ Lipoldová, Anna (2020 թ․ մայիսի 28). «Slovensko-řecko-monacká hudební fusion v Česku. Čti rozhovor o kapele Pace nejen s jejím frontmanem». Red Bull Music (չեխերեն). Արխիվացված օրիգինալից 2021 թ․ դեկտեմբերի 23-ին. Վերցված է 2022 թ․ փետրվարի 17-ին.
  9. ↑ Hansler, Joshua (2018 թ․ հուլիսի 19). «Neon Liberation». London Runway (անգլերեն). էջեր 15–26. Արխիվացված օրիգինալից 2022 թ․ հունվարի 20-ին. Վերցված է 2022 թ․ հունվարի 13-ին.
  10. ↑ Kubaček, Ondřej Josef (2016 թ․ մայիսի 3). «Odvážná kampaň Lukáše Lindnera byla inspirována sexualitou bez hranic». LUI (չեխերեն). ISSN 1804-3224. Արխիվացված օրիգինալից 2022 թ․ հունվարի 12-ին. Վերցված է 2022 թ․ հունվարի 12-ին.
  11. ↑ Adam Pavlovčin: Chystám pseudonym, dozvíte se ho až výjde můj první singl (rozhovor) (video) (սլովակերեն). Referesher CZ. 2022 թ․ մարտի 28. Արխիվացված օրիգինալից 2022 թ․ ապրիլի 30-ին. Վերցված է 2022 թ․ մարտի 28-ին – via YouTube.
  12. ↑ Bachoríková, Ivana (2022 թ․ հունվարի 31). «ROZHOVOR Adam je 'airbag' mezi mnou a mámou, přiznává Radka Pavlovčinová». PrahaIN (չեխերեն). Արխիվացված օրիգինալից 2022 թ․ մարտի 2-ին. Վերցված է 2022 թ․ փետրվարի 22-ին.
  13. ↑ Gordíková, Monika (2022 թ․ փետրվարի 21). «Pavlovčin v SuperStar zhubl. Oba máme rychlý metabolismus, říká jeho sestra». Mladá fronta DNES (չեխերեն). ISSN 1210-1168. Արխիվացված օրիգինալից 2022 թ․ փետրվարի 21-ին. Վերցված է 2022 թ․ փետրվարի 21-ին.
  14. ↑ Říhová, Klára (2012 թ․ հուլիսի 21). «Radka Pavlovčinová: Je těžké určit si hranice». Právo (չեխերեն). ISSN 1211-2119. Արխիվացված օրիգինալից 2022 թ․ մարտի 3-ին. Վերցված է 2022 թ․ փետրվարի 22-ին.
  15. ↑ Fryč, Martin (2021 թ․ նոյեմբեր). «Vernisáž Monika Sabo: Tvorím, teda som». Martin Fryč (չեխերեն). Արխիվացված օրիգինալից 2021 թ․ դեկտեմբերի 23-ին. Վերցված է 2021 թ․ դեկտեմբերի 23-ին.
  16. ↑ «Čo odporúčajú osobnosti z rebríčka 30 pod 30?». Forbes (սլովակերեն). 2022 թ․ ապրիլի 10. ISSN 1338-2527. Արխիվացված օրիգինալից 2022 թ․ ապրիլի 18-ին. Վերցված է 2022 թ․ ապրիլի 18-ին.

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Adonxs&oldid=10458969» էջից