.coop
| .coop | |
|---|---|
 | |
| Տեսակ | հովանավորված վերին մակարդակի դոմեն |
| Ներդրվել է | 2001 |
| Փյունիկոդ | coop |
| Կայք | nic.coop |
.coop, վերին մակարդակի դոմեն (sTLD) է համացանցային դոմենային անունների համակարգում, նախատեսված՝ օգտագործման համար բացառապես կոոպերատիվների, դրանց ամբողջությամբ պատկանող դուստր կազմակերպությունների, ինչպես նաև այն կազմակերպությունների, որոնք գործողություն են իրականացնում՝ կոոպերատիվների խթանման կամ աջակցման նպատակով[1]։
.coop դոմենի առաջարկը ներկայացվել է Ազգային կոոպերատիվ բիզնես ասոցիացիայի (NCBA) կողմից՝ ի պատասխան ICANN-ի՝ 2000 թվականի վերջին հայտարարության, որը նախատեսում էր յոթ նոր ընդհանուր վերին մակարդակի դոմենների փուլային ներդրում ինտերնետի դոմենային տարածքի ընդլայնման շրջանակում։
Առաջարկը լայն աջակցություն է ստացել աշխարհով մեկ գործող բազմաթիվ կոոպերատիվներից և առնչվող մասնագիտական խմբերից, ներառյալ՝ Միջազգային կոոպերատիվ դաշինքը (ICA)։ .coop դոմենի տեխնիկական ենթակառուցվածքը մշակվել է Միացյալ Թագավորությունում գործող աշխատավորների կոոպերատիվ Poptel-ի կողմից և գործարկվել է 2002 թվականի հունվարի 30-ին։
Դոմենի հովանավոր կազմակերպությունն է DotCooperation LLC (կամ dotCoop), որը լիովին պատկանում է Ազգային կոոպերատիվ բիզնես ասոցիացիային (NCBA)։ DotCooperation-ը պատասխանատու է դոմենի գործառնական կառավարման և գրանցման պահանջների կիրառման համար[2]։
2005 թվականին դոմենի ռեգիստրի գործառույթները փոխանցվեցին Midcounties Co-operative-ին՝ դրա դուստր կազմակերպության միջոցով (Midcounties Co-operative Domains)։ 2006-ին DynDNS ընկերությունը ընտրվեց՝ որպես դոմենի DNS-ի միակ ծառայություն մատուցող[3]։
Գործող .coop դոմենների սեփականատերերը ինքնաբերաբար ներառվում են առցանց coop տնօրենում և պարբերաբար ստանում են թեմատիկ տեղեկագիր։ Գրանցումները իրականացվում են ICANN-ի կողմից հավատարմագրված դոմենի անվան գրանցող ընկերությունների կամ նրանց վերավաճառողների միջոցով։
Չնայած .coop դոմենը լայնորեն կիրառվում է համաշխարհային կոոպերատիվների կողմից, շատ կոոպերատիվներ՝ որպես միջազգայնորեն գործող բիզնեսներ, միաժամանակ օգտագործում են նաև այլ ընդհանուր կամ երկրի կոդով վերին մակարդակի դոմեններ՝ իրենց ներկայացնելու համար՝ թե՛ կոոպերատիվ, թե՛ առևտրային կազմակերպություն[4]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Ultahost (2024 թ․ նոյեմբերի 7). «What is a .coop Domain? Why Is It Perfect for Cooperatives?». UltaHost Blog (ամերիկյան անգլերեն). Վերցված է 2025 թ․ նոյեմբերի 3-ին.
- ↑ since 1997, nominate com-Registering coop domains (2025 թ․ նոյեմբերի 1). «.coop domains - .coop Website Registration - .coop Domain Registration - Register .coop Websites». nominate.com (English). Վերցված է 2025 թ․ նոյեմբերի 3-ին.
{{cite web}}: CS1 սպաս․ թվային անուններ: authors list (link) CS1 սպաս․ չճանաչված լեզու (link) - ↑ «Press release: DynDNS Selected as Sole DNS Provider for .COOP Registry». DynDNS. 2006 թ․ հունվարի 30. Արխիվացված է օրիգինալից 2008 թ․ հուլիսի 5-ին.
- ↑ «directory.coop».
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «.coop» հոդվածին։ |