Ֆրիդրիխ ֆոն Ֆլոտով

Ֆրիդրիխ ֆոն Ֆլոտով
Բնօրինակ անուն	գերմ.՝ Friedrich von Flotow
Ծնվել է	ապրիլի 27, 1812; Teutendorf, Լյուբեկ
Երկիր	Մեկլենբուրգ Շվերին
Մահացել է	հունվարի 24, 1883[…] (70 տարեկան); Դարմշտադտ, Գերմանական ռայխ
Գերեզման	Դարմշտադտ
Ժանրեր	օպերա
Մասնագիտություն	կոմպոզիտոր և պարուսույց
Աշխատավայր	Mecklenburg State Theatre?
Կրթություն	Փարիզի կոնսերվատորիա
	Friedrich von Flotow Վիքիպահեստում

Ֆրիդրիխ Ադոլֆ Ֆերդինանդ ֆօն Ֆլոտով (գերմ.՝ Friedrich Adolf Ferdinand Freiherr von Flotow, ապրիլի 27, 1812(1812-04-27)^[1]^[2]^[3], Teutendorf, Լյուբեկ^[3] - հունվարի 24, 1883(1883-01-24)^[1]^[4]^[2]^[…], Դարմշտադտ, Գերմանական ռայխ^[3]), գերմանացի կոմպոզիտոր, ռոմանտիզմի ուղղության ներկայացուցիչ։ Նրա ստեղծագործություններից առավել հայտնի է «Մարտա» օպերան և նրա մի մաս կազմող Լիոնելի մեներգը (գերմ.՝ Ach! so fromm, ach! so traut):

Կենսագրությունը

Ֆրիդրիխ ֆոն Ֆլոտովը ծնվել է Մեկլենբուրգում, ազնվականական ընտանիքում։ Սկզբնապես պատրաստվում էր դիվանագիտական կարիերայի, սակայն հետաքրքրվելով երաժշտությամբ 1828 թ. մեկնել է Փարիզ, որտեղ մինչև 1830 թ. ուսանել է Փարիզի երաժշտանոցում։ Անտոնին Ռայխի մոտ։ Վերադառնալով Գերմանիա՝ հռչակ է ձեռք բերում ֆրանսերեն լիբրետոներով գրված իր առաջին օպերաներով («Պիեռ և Կոլոմբինա» (1835), «Ռոբ Ռոյ» և «Դուքս դը Գիզ»)։ 1838 Փարիզի Վերածննդի թատրոնում կայանում է Ֆլոտովի առաջին նշանավոր ստեղծագործության՝ ««Մեդուզայի» կործանումը» օպերայի առաջնախաղը։

1844 թ. Ֆլոտովը ավարտին է հասցնում երկու կարևոր բեմական ստեղծագործություններ՝ «Լեդի Հարիեթ» բալետի առաջին գործողությունը և «Ալեսանդրո Ստրադելա» գերմաներեն օպերան (բեմադրվել է Համբուրգում)։ Վերջինիս լիբրետտոյի հեղինակը՝ Ֆրիդրիխ Ռիզեն, համոզում է Ֆլոտովին «Լեդի Հարիեթ» բալետի սյուժեի հիման վրա օպերա ստեղծել, և 1847 թ. Վիեննայում կայանում է «Մարթա, կամ Ռիչմոնդի տոնավաճառը» օպերայի առաջնախաղը։ Այս օպերան մեծ ժողովրդականություն է ձեռք բերում՝ բեմադրվելով Գերմանիայի և եվրոպական այլ երկրների օպերային թատրոններում։ 1853 թ. Ֆրանկֆուրտում բեմադրվում է Ֆլոտովի վերջին նշանակալից ստեղծագործությունը՝ «Ռյուբեցալ» օպերան ըստ գերմանական առասպելների։

1856 —1863 թթ. Ֆլոտովը զբաղեցնում է Շվերինի արքունական թատրոնի ինտենդանտի պաշտոնը, այնուհետև տեղափոխվում է Փարիզ՝ որոշ ժամանակ անցկացնելով նաև Վիեննայում և ներկա գտնվելով տարբեր քաղաքներում իր օպերաների բեմադրությանը։

Բացի օպերաներից և բալետներից Ֆլոտովը երկու դաշնամուրային համերգի, մի քանի նախերգանքի և կամերային ստեղծագործությունների հեղինակ է։

Ֆլոտովի ստեղծագործությունը գտնվում է ֆրանսիական կոմիկական օպերային դպրոցի, հատկապես Դանիել Օբերի ազդեցության տակ, առանձնանում է նրբագեղ մեղեդայնությամբ և հմուտ ու պարզ գործիքավորմամբ։

Ստեղծագործությունների ցուցակ

Օպերաներ

Ընդամենը մոտ 30
- «Մեդուզայի» կործանումը (ֆր.՝ Le naufrage de la Méduse), Փարիզ, 1838
- Ալեսանդրո Ստրադելա (գերմ.՝ Alessandro Stradella), Համբուրգ, 1844
- Մարթա, կամ Ռիչմոնդի տոնավաճառը (գերմ.՝ Martha oder Der Markt zu Richmond), Վիեննա, 1847
- Ռյուբենցալ (գերմ.՝ Rübezahl), Ֆրանկֆուրտ, 1853
- Այրի Գրիպեն (գերմ.՝ Die Witwe Grappin), Փարիզ, 1859
- Պիանելլա (գերմ.՝ Pianella), Փարիզ, 1860
- Ցիլդա (գերմ.՝ Zilda), Փարիզ, 1866

Բալետներ

Ընդամենը 4
- Լեդի Հարիեթ կամ Գրինվիչյան սպասուհին (ֆր.՝ Lady Henriette ou La servante de Greenwich, Փարիզ, 1844
- Դոլորես (գերմ.՝ Die Libelle), Բադ-Դոբերան, 1856

Այլ

Երաժշտություն Շեքսպիրի «Ձմեռային հեքիաթ» պիեսի բեմադրության համար (1861)
նվագախմբային նախերգանքներ
դաշնամուրային տրիո
երգեր

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Internet Broadway Database — 2000.
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 Archivio Storico Ricordi — 1808.
↑ ^4,0 ^4,1 ^4,2 Encyclopædia Britannica

Վիքիպահեստն ունի նյութեր, որոնք վերաբերում են «Ֆրիդրիխ ֆոն Ֆլոտով» հոդվածին։

[_4495cd3922c8d8c6-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_00e33febc82637ee-2] 2,0 ^2,1 ^2,2 ^2,3 ^2,4 Internet Broadway Database — 2000.

[_26853ecbaebffc66-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 Archivio Storico Ricordi — 1808.

[_c71e8969d0b45f32-4] 4,0 ^4,1 ^4,2 Encyclopædia Britannica

[1]

[2]

[3]

[4]