Ֆրիդրիխ Լյուդվիգ Շրյոդեր

Վիքիպեդիայից՝ ազատ հանրագիտարանից
Jump to navigation Jump to search
Ֆրիդրիխ Լյուդվիգ Շրյոդեր
գերմ.՝ Friedrich Ludwig Schröder
Friedrich Ludwig Schröder (1744-1816).jpg
Ծնվել էնոյեմբերի 3, 1744(1744-11-03)[1][2]
ԾննդավայրՇվերին, Grand Duchy of Mecklenburg-Schwerin[3]
Մահացել էսեպտեմբերի 3, 1816(1816-09-03)[1][2] (71 տարեկանում)
Մահվան վայրRellingen, Պինեբերգ, Շլեզվիգ-Հոլշտայն, Գերմանիա[3]
ՔաղաքացիությունFlag of Germany.svg Գերմանիա
Մասնագիտությունդրամատուրգ և թատրոնի դերասան
Երեխա(ներ)Carl Friedrich Heiberg?

Ֆրիդրիխ Լյուդվիգ Շրյոդեր (գերմ.՝ Friedrich Ludwig Schröder, նոյեմբերի 3, 1744(1744-11-03)[1][2], Շվերին, Grand Duchy of Mecklenburg-Schwerin[3] - սեպտեմբերի 3, 1816(1816-09-03)[1][2], Rellingen, Պինեբերգ, Շլեզվիգ-Հոլշտայն, Գերմանիա[3]), գերմանացի դերասան, ռեժիսոր, մանկավարժ և թատերական գործիչ։ Գերմանական թատրոնում Լուսավորության դարաշրջանի խոշորագույն ներկայացուցիչ։

Գործունեություն[խմբագրել | խմբագրել կոդը]

1756-1759 թվականներին հանդես է եկել Մ․ Ստյուարտի կրկեսային, ֆարսային դերասան Յո․ Ֆ․ Կուրցի, 1759-1769 թվականներին՝ Կ․ Աքքերմանի թատերախմբերում։ Մասնակցել է Համբուրգի Ազգային թատրոնի ստեղծմանը, 1771-1780 թվականներին, 1785-1798 թվականներին և 1811-1812 թվականներին գլխավորել է համբուրգյան թատերախմբերը։ 1781-1785 թվականներին աշխատել է «Բուրգթեատր»-ում (Վիեննա)։ Շրյոդերը խաղացել է կատակերգական դերեր, եղել է իմպրովիզացիայի վարպետ, ստեղծել և բեմադրել է բալետներ (շուրջ 70)։ Գերմանացի դերասաններից առաջինն է խաղացել Տրուֆալդինոյի (Գոլդոնիի «Երկու տիրոջ ծառա») դերը, գերմանական բեմում բեմադրել (իր թարգմանությամբ) Շեքսպիրի ողբերգությունները («Համլետ», «Լիր արքա» «Օթելլո», «Մակբեթ» և այլն), խաղացել գլխավոր դերերը։ Խաղացել է նաև Շիլլերի դրամաներում։ Շրյոդերը թատրոնում հաստատել է ազգային խաղացանկ, բեմարվեստի ռեալիստական սկզբունքներ, քարոզել կատարման բնական, հոգեբանորեն պատճառաբանված շարժուձևեր։ Դերասանական արվեստում ներդաշնակ զուգակցել է զգացմունքայնությունը և արտաքին նկարագրի մանրազնին մշակված ճշգրտությունը։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 588 CC-BY-SA-icon-80x15.png