«Ֆրիդա» (անգլ.՝ Frida), դրամա, որ պատմում է մեքսիկացի նկարչուհի Ֆրիդա Կալոյի կյանքի մասին: Ֆիլմը ստեղծվել է Հեյդեն Հերրերայի «Ֆրիդա. Ֆրիդա Կալոյի կենսագրությունը» գրքի հիման վրա:
Ստացել է երկու «Օսկար» մրցանակ՝ «Ֆիլմի լավագույն երաժշտություն» և «Լավագույն դիմահարդարում» անվանակարգերում: Գլխավոր դերակատար Սալմա Հայեկը դերասանական աշխատանքի համար առաջադրվել է «Օսկար», «Ոսկե գլոբուս» և «BAFTA» մրցանակների:
18 տարեկանում Ֆրիդան վթարի է ենթարկվել: Վնասվածքը, որը նա ստացել է, տանջել է իրեն ողջ կյանքում: Նրա բուժման սկզբնական փուլը հիվանդանոցում ցույց է տրվում անիմացիայի տեսքով, որը ստեղծվել է Կայ եղբայրների կողմից: Հայրը Ֆրիդային կտավ էր բերել, որի վրա նա նկարում էր՝ պառկած լինելով հիվանդանոցային մահճակալի վրա և չունենալով շարժվելու հնարավորություն: Մի քանի անգամ ֆիլմում տեսարանը պատկերվում է նկարի տեսքով, այնուհետև վերածվում է իրական տեսարանի: Ֆիլմում նաև ցույց են տրվում Ֆրիդայի հարաբերությունները իր ամուսնու՝ նկարիչ Դիեգո Ռիվերայի հետ, մասնավորապես Ֆրիդայի չարությունը ամուսնու դավաճանությունների պատճառով և իր սերը՝ շարունակվող անկախ ամեն ինչից: