Ֆրենչ Ռիվեր

Վիքիպեդիայից՝ ազատ հանրագիտարանից
Jump to navigation Jump to search
Ֆրենչ Ռիվեր
2007.05.23 09 Recollet Falls French River Ontario.jpg
Բնութագիր
Երկարություն110
Ավազանի մակերես19 100 կմ²
Ջրահոսք
ԱկունքՆիսիպինգ
 · Ակունքի տեղակայումՕնտարիո, Նիպիսինգ շրջան
 · Բարձրություն195 մ
ԳետաբերանՋորջիան Բեյ, Հուրան լիճ
 · Գետաբերանի տեղակայումՕնտարիո, Պարի Սաունդ շրջան
 · Բարձրություն177 մ
 · Կոորդինատներ
Տեղակայում
Հոսող հոսքերWanapitei River?, Sturgeon River?, Murdock River?, Restoule River? և Wolseley River?
ԵրկիրԿանադա Կանադա
ԵրկրամասՕնտարիո

Ֆրենչ Ռիվեր (անգլ.՝ French River ), գետ կենտրոնական Օնտարիոյում[1] (Կանադա

Աշխարհագրություն[խմբագրել | խմբագրել կոդը]

Գետը սկսվում է Նիպիսինգի հարավ-արևմուտքից և թափվում է Հուրոն լիճը։ Գետի երկարությունը կազմում է 110 կմ[2]։ Գետի մեծ մասը համարվում է Սադբերի և Պարի Սաունդի սահմանը, միաժամանակ նաև Հյուսիսային և Հարավային Օնտարիոներինը[3]։

Ֆրենչ Ռիվերը հոսում է Կանադական վահանի շրջանով և ունի քարքարոտ ափեր, վերին մասերում կան բազմաթիվ բույսեր։ Գետը իր ճանապարհին բաժանվում է երկու մասի, որի մի մասը հոսում է Էյթին Մայլզ կղզու ափերով և միավորվում մյուս մասի հետ Ջորջիան Բեյ թափվելու ժամանակ, ապա բաժանվում երեք մասի (արևմտյան, արևելյան և գլխավոր), նեղ մասերով հոսելու ժամանակ առաջանում են ծանծաղուտներ և ջրվեժներ։

Պատմություն[խմբագրել | խմբագրել կոդը]

Այդ տարածքում մինչև եվրոպացների հայտնվելը, այդտեղ ապրող հնդկացիները գետը օգտագործում էին ճանապարհորդությունների համար։ 1615 թվականին այդ գետով ճանապարհորդել է առաջին եվրոպացին, որը հայտնի ֆրանսիացի ճանապարհորդ և Քվեբեկի հիմնադիր Սամյուել դը Շամպլենն է։ 1615-ից մինչև 1821 թվականները գետը մորթի վաճառողներին ծառայել է Մոնրեալից Մեծ Լճեր, ապա դեպի արևմուտք (Օտտավա գետ - Մատտավա գետ - Նիպիսինգ լիճ - Ֆրենչ Ռիվեր գետ - Հուրոն լիճ - Վերին լիճ) տանող տրանսպորտի ճանապարհը։ Գետով ճանապարհորդել են շատ հայտնի ճանապարհորդներ՝ Պիեր Էսպրի Ռադիոսնը, Սայմոն Ֆրեյզերը, Ալեքսանդր Մակկենզին, Դեյվիդ Թոմփսոնը և այլք։ Բայց ամենաշատը այդ գետից օգտվում էին մորթի վաճառողները։

Ներկա ժամանակում գետը օգտագործվում է հանգստի համար։ Ֆրենչ Ռիվերը հայտնի է նավային սպորտաձևերով զբաղվողների մոտ։

Գետը ստացել է այդ անվանումը օջիբվե հնդկացիների կողմից, քանի որ այդ գետը նրանց տարածքներ էր բերում ֆրանսիացի ճանապարհորդների, վաճառականների և միսոներների։ 1986 թվականին Ֆրենչ Ռիվերը ներառվել է Կանդայի պահպանվող գետերի ցուցակում (Canadian Heritage Rivers)[4][5]։ 1989 թվականին գետի կանաչ տարածքները պահպանելու համար ստեղծվեց Ֆրենչ Ռիվերի գավառական պարկ, որն ունի 6-ից 28 կմ լայնություն և 51000 հեկտար տարածք։

Գետի հատկանիշներ[խմբագրել | խմբագրել կոդը]

  • Գետի տարածքում կան 900-ից 1600 միլիոն տարում ձևավորված հանքելուստներ, որը կարելի է տեսնել գետի Recollet Falls մասում։
  • Գետի տարածքում կան 450-ից ավելի տեսակների բույսեր, ներառյալ 8 հազվադեպ հանդիպող տեսակներ։
  • Այնտեղ աճում է ամենամեծ պտավոր Virginia Chain-ը։ Ամենատարածված կենդանին այդ տարածքում շառաչող օձերն են, ինչպես նաև մանր գայլաձուկները։
  • Գետը շատ հարմար տարածք է ջրային սպորտաձևերի համար։

Ծանոթագրություններ[խմբագրել | խմբագրել կոդը]

  1. Կենտրոնական Օնտարիոն համարվում է Հարավային Օնտարիոյի մաս
  2. Canadian Encyclopedia. French River
  3. Սակայն որոշ դեպքերում Հարավային Օնտարիո շրջանը առնչում են Հյուսիսային Օնտարիոյին (որպեսզի բոլորին շփոթեցնեն)
  4. Canadian Heritage Rivers. French River
  5. Схема реки Френч-Ривер