Ֆրենկ Ռեմսի

Ֆրենկ Ռեմսի; անգլ.՝ Frank Plumpton Ramsey
Ծնվել է	փետրվարի 22, 1903[…]
Ծննդավայր	Քեմբրիջ, Անգլիա, Մեծ Բրիտանիայի և Իռլանդիայի միացյալ թագավորություն
Մահացել է	հունվարի 19, 1930[…] (26 տարեկան)
Մահվան վայր	Լոնդոն, Միացյալ Թագավորություն
Գերեզման	Ascension Parish Burial Ground
Քաղաքացիություն	Միացյալ Թագավորություն
Մայրենի լեզու	անգլերեն
Կրթություն	Ուինչեսթեր քոլեջ (1920), Թրինիթի քոլեջ (1923) և Վիեննայի համալսարան (1924)
Երկեր	Ramsey–Cass–Koopmans model?, Ramsey's theorem?, Ramsey sentence?, Ramsey–Lewis method?, Ramsey theory?, Ramsey problem? և Keynes–Ramsey rule?
Մասնագիտություն	մաթեմատիկոս, փիլիսոփա և տնտեսագետ
Աշխատավայր	Թագավորական քոլեջ, Քեմբրիջ
Ամուսին	Lettice Ramsey?
Ծնողներ	հայր՝ Arthur Stanley Ramsey?
	Frank P. Ramsey Վիքիպահեստում

Ֆրենկ Փլամպթոն Ռեմսի (անգլ.՝ Frank Plumpton Ramsey, ծնվել է՝ փետրվարի 22, 1903(1903-02-22)^[1]^[2]^[3]^[…], Քեմբրիջ, Անգլիա, Մեծ Բրիտանիայի և Իռլանդիայի միացյալ թագավորություն^[1] - հունվարի 19, 1930(1930-01-19)^[1]^[2]^[3]^[…], Լոնդոն, Միացյալ Թագավորություն^[1]), անգլիացի մաթեմատիկոս, մաթեմատիկայի, փիլիսոփայության և տնտեսագիտության հետազոտող, Ռեմսիի թեորեմի, Ռեմսիի տեսության, Ռեմսիի առաջարկների հեղինակ, Ռեմսի-Կասսա-Կուպմանս մոդելի համահեղինակ։

Կենսագրություն[խմբագրել | խմբագրել կոդը]

Ֆրենկ Ռեմսին ծնվել է 1903 թվականի փետրվարի 22-ին՝ մաթեմատիկոս և Մագդալենի քոլեջի նախագահ Արթուր Ռեմսիի ընտանիքում։ Նա չորս երեխաներից ավագն էր։ Կրտսեր եղբայր Մայքլ Ռեմսին հետագայում դարձել է Քենթերբերիի արքեպիսկոպոս, ի տարբերություն Ֆրենկի, որը աթեիստ էր մինչև իր կյանքի վերջը։ 1915 թվականին Ֆրենկն ընդունվել է Վինչեստեր քոլեջ, հետագայում մաթեմատիկա է սովորել Թրինիթի քոլեջում, որտեղ ի հայտ են եկել նրա վաղ տարիքի բազմակողմանի ունակություններն ու հետաքրքրությունները։

1924 թվականին Ջ. Մ. Քեյնսի աջակցության շնորհիվ նա դարձել է Քեմբրիջի Քինգս քոլեջի դասախոս։ Դասախոսել է մաթեմատիկա, հետագայում դարձել մաթեմատիկայի ուղղության ուսումնական բաժնի վարիչ։

1925 թվականին նա ամուսնացել է, ունեցել է երկու դուստր։

1927 թվականին հրատարակել է Փաստեր և դրույթներ հոդվածը, որտեղ ներկայացրել է, ինչպես երբեմն անվանում են, ճշմարտության ավելորդ տեսությունը։ Նրա անունով է կոչվել 1930 թվականին Ռեմսիի ապացուցված թեորեմը (տես Ռեմսիի թեորեմ), հետագայում առաջացել է մաթեմատիկայի առանձին ճյուղ՝ Ռեմսիի տեսությունը։

Տնտեսագիտության մեջ ուսումնասիրել է մաթեմատիկական մոդելավորման խնդիրները, մասնավորապես մշակել է օպտիմալ հարկման և տնտեսական աճի մոդելներ։ Ֆրենկ Ռեմսիի հետազոտությունները մաթեմատիկական տնտեսագիտության ոլորտում բարձր են գնահատել նրա ժամանակակիցները, նրա անունը կրում է տնտեսական աճի մոդելներից մեկը (տես Ռեմսիի մոդելը), իսկ Ռեմսիի խնդիրը հայտնի է նաև տնտեսական տեսության մեջ։

Հավանականությունների բնույթի վերաբերյալ նրա աշխատությունները շատ առումներով առաջ էին անցել իրենց ժամանակից, դրանց նշանակությունը պարզ դարձավ միայն խաղերի տեսության և որոշումների տեսության զարգացմամբ։ Համագործակցել է Լյուդվիգ Վիտգենշթայնի հետ, 19 տարեկանում թարգմանել է նրա Տրամաբանական-փիլիսոփայական տրակտատը։ Մասնակցել է Լյուդդվիգ Վիտգենշթայնի և իտալացի տնտեսագետ Պիերո Սրաֆայի հետ քննարկումներին։

Մահացել է 1930 թվականի հունվարի 19-ին վարակիչ հեպատիտով անհաջող վիրահատության արդյունքում։

Աշխատություններ[խմբագրել | խմբագրել կոդը]

The Foundations of mathematics and other logical essays, — London, 1931.
On truth, Kluwer, 1991.
Notes on philosophy, probability and mathematics, — Neapel, 1990.
A mathematical theory of saving Archived 2022-02-02 at the Wayback Machine. // The Economic Journal, Volume 38, Issue 152 (Dec., 1928), pp. 543–559.
A contribution to the theory of taxation, 1927.
On a problem of formal logic, - Proceedings London mathematical society, 1930.
Philosophical papers / Mellor ed., Cambridge, 1990 (в сбор.: The Foundations of Mathematics (1925), Universals (1925), Theories (1929), Knowledge (1929), Facts and propositions (1927), General propositions and causality (1929), Truth and probability (1926)).

Ռուսերեն թարգմանություն[խմբագրել | խմբագրել կոդը]

Рамсей Ф. П. Философские работы. — М.: Канон+РООИ "Реабилитация", 2011. — 368 с. — ISBN 978-5-88373-081-7.

Ծանոթագրություններ[խմբագրել | խմբագրել կոդը]

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Մակտյուտոր մաթեմատիկայի պատմության արխիվ
↑ ^2,0 ^2,1 ^2,2 ^2,3 ^2,4 Internet Philosophy Ontology project
↑ ^3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
↑ Find A Grave — 1996.

Գրականություն[խմբագրել | խմբագրել կոդը]

Кейнс Дж. М. Frank Plumpton Ramsey, in «Essays in biography», 1933
Суровцев В. А. Ф. П. Рамсей и программа логицизма. — Томск: Изд-во. Том. ун-та, 2012. — 258 с.

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ֆրենկ Ռեմսի կատեգորիայում։

[_1862c01adca678cf-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Մակտյուտոր մաթեմատիկայի պատմության արխիվ

[_0e9b2228626237fb-2] 2,0 ^2,1 ^2,2 ^2,3 ^2,4 Internet Philosophy Ontology project

[_4f4235d4d6a78817-3] 3,0 ^3,1 ^3,2 ^3,3 ^3,4 Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag

[_d645f74b99872228-4] Find A Grave — 1996.

[1]

[2]

[3]

[4]