Ֆրեդերիկ Մեյթլենդ

Ֆրեդերիկ Մեյթլենդ
Ծնվել է	մայիսի 28, 1850[…]; Լոնդոն, Մեծ Բրիտանիայի և Իռլանդիայի միացյալ թագավորություն
Մահացել է	դեկտեմբերի 19, 1906[…] (56 տարեկան); Գրան-Կանարիա, Լաս Պալմաս, Կանարյան կղզիներ, Իսպանիա; բնական մահով
Գերեզման	English Cemetery of Las Palmas de Gran Canaria
Քաղաքացիություն	Մեծ Բրիտանիայի և Իռլանդիայի միացյալ թագավորություն
Մասնագիտություն	իրավունքի պատմաբան, պատմաբան, բարիսթեր և կենսագիր
Հաստատություն(ներ)	Քեմբրիջի համալսարան
Անդամակցություն	Բրիտանական ակադեմիա, Արվեստների և գիտությունների ամերիկյան ակադեմիա, Պրուսիայի գիտությունների ակադեմիա և Բավարիական գիտությունների ակադեմիա
Ալմա մատեր	Թրինիթի քոլեջ և Իթըն քոլեջ
Տիրապետում է լեզուներին	անգլերեն
Պարգևներ	Բրիտանական ակադեմիայի անդամ և Swiney Prize?
Ամուսին(ներ)	Florence Henrietta Darwin?
Երեխա(ներ)	Ermengard Maitland? և Fredegond Shove?
Հայր	John Gorham Maitland?
Մայր	Emma Daniell?
	Ստորագրություն;
	Frederic William Maitland Վիքիպահեստում

Ֆրեդերիկ Ուիլյամ Մեյթլենդ (Frederic William Maitland, մայիսի 28, 1850(1850-05-28)^[1]^[2]^[3]^[…], Լոնդոն, Մեծ Բրիտանիայի և Իռլանդիայի միացյալ թագավորություն - դեկտեմբերի 19, 1906(1906-12-19)^[1]^[2]^[3]^[…], Գրան-Կանարիա, Լաս Պալմաս, Կանարյան կղզիներ, Իսպանիա), բրիտանացի իրավաբան, պատմաբան և ուսուցիչ, հաճախ դիտվում է որպես «ժամանակակից անգլիական իրավական պատմության հայրը»։

Կենսագրություն

Ջոն Գորհեմ Մեյթլենդի (1818-1863) որդին է։ Սովորել է Իթընում և Թրինիթի քոլեջում (Քեմբրիջի համալսարան)։ 1872 թվականին արժանացել է Ուևելի միջազգային իրավունքի կրթաթոշակին։ 1876 թվականին նա ընդունվել է Լինքոլնս Ինն և դարձել բավականին հեղինակավոր փաստաբան և նոտար այսպես կոչված «արդարության իրավունքի» ոլորտում, բայց ի վերջո նվիրվել է համեմատական իրավագիտությանը և հատկապես անգլիական իրավունքի պատմությանը (ոչ առանց Պավել Վինոգրադովի հետ հանդիպման ազդեցության, Մեյթլենդի սեփական խոսքերով. «սահմանելով իր կյանքի մնացած մասը», երբ նա պարզել է, որ ռուս իրավագետ-պատմաբանն ավելի շատ գիտեր Անգլիայի իրավաբանական փաստաթղթերի մասին, քան ինքը)։ 1884 թվականին նա նշանակվել է Քեմբրիջի անգլիական իրավունքի ընթերցող, իսկ 1888 թվականին դարձել է անգլիական իրավունքի պրոֆեսոր։ Չնայած իր ընդհանուր վատ առողջական վիճակին՝ նրա մեծ գիտելիքները, միտքը և հետազոտությունները աստիճանաբար նրան դարձրել են հայտնի, հարգված պատմաբան և իրավաբան։

Ֆրեդերիկ Մեյթլենդը գրել է Մեծ Բրիտանիայի իրավունքի պատմության տասնյակ աշխատություններ, որոնցից մի քանիսն իրենցից ներկայացնում են նրա ուսանողների հավաքած դասախոսությունների կոնսպեկտները, որոնք հրատարակվել են արդեն նրա մահից հետո։ Մեյթլենդի աշխատանքները աչքի են ընկել նրբին և կենդանի գրելու ոճով, նրա պատմական մեթոդը տարբերվում էր պատմական աղբյուրների մանրակրկիտ և գրագետ օգտագործմամբ. նա սովորեցրել է իր ուսանողներին ուսումնասիրել պատմությունը ոչ թե ժամանակակից պայմանների և հարցումների տեսանկյունից, այլ միշտ փորձել վերանայել և հասկանալ անցյալ ժամանակի պայմաններում։

1906 թվականին մահացել է տուբերկուլոզից Գրան Կանարիայում։ Ամուսնացած էր Ֆլորենս Հենրիետա Ֆիշերի հետ։ Նա ունեցել է երկու դուստր՝ Էրմենգարդը և Ֆրեդեգոնդը (որը հետագայում դարձավ բանաստեղծուհի)։ Նրա մահից հետո նրա կինը ամուսնացել է Ֆրենսիս Դարվինի՝ Չարլզ Դարվինի որդու հետ։

Քեմբրիջի Դաունինգ քոլեջի համաշխարհային ճանաչում ունեցող Մեյթլենդի պատմական միությունը անվանվել է նրա պատվին։

Աշխատություններ

Ավելի քան հարյուր խոշոր հետազոտությունների, հիմնարար աշխատությունների հեղինակ է^[9]․

«Անգլիական միջնադարյան իրավունքի պատմությունը մինչև 13-րդ դարի վերջ»,
«Սարսափելի դատաստան և այն, ինչ դուրս է»,
«Գյուղական համայնքն ու քաղաքը»,
«Անգլիայի սահմանադրական պատմությունը»։

Ծանոթագրություններ

1 2 3 4 5 Bibliothèque nationale de France data.bnf.fr (ֆր.): տվյալների բաց շտեմարան — 2011.
1 2 3 4 Encyclopædia Britannica
1 2 3 4 Lundy D. R. The Peerage
↑ Find A Grave — 1996.
↑ CONOR.Sl
1 2 3 Oxford Dictionary of National Biography / C. Matthew, D. Cannadine — Oxford: OUP, 2004.
1 2 3 4 5 Kindred Britain
↑ http://kindred.stanford.edu/#/kin/full/none/none/I7660//
↑ Формирование и развитие критического направления в английской историографии конца XIX-начала XX вв

Վիքիպահեստն ունի նյութեր, որոնք վերաբերում են «Ֆրեդերիկ Մեյթլենդ» հոդվածին։

[_558c05ebf755f3f6-1] 1 2 3 4 5 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_6aff4f34f8cad1b9-2] 1 2 3 4 Encyclopædia Britannica

[_3e772c641293de04-3] 1 2 3 4 Lundy D. R. The Peerage

[_5984b1300ad25d99-4] Find A Grave — 1996.

[_b3774344028174fb-5] CONOR.Sl

[_7793f9995fbff988-6] 1 2 3 Oxford Dictionary of National Biography / C. Matthew, D. Cannadine — Oxford: OUP, 2004.

[_43a645a04aecf63f-7] 1 2 3 4 5 Kindred Britain

[_99116fe218f4a263-8] ttp://kindred.stanford.edu/#/kin/full/none/none/I7660//

[9] Формирование и развитие критического направления в английской историографии конца XIX-начала XX вв

[1]

[2]

[3]

[4]

[5]

[6]

[7]

[8]

[9]