Ֆրեդերիկ Կոռնվալիս Կոնիբեր
| Ֆրեդերիկ Կոռնվալիս Կոնիբեր | |
|---|---|
 | |
| Ծնվել է | սեպտեմբերի 14, 1856[1] |
| Ծննդավայր | Կոլսդոն, Քրոյդոն, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն |
| Մահացել է | հունվարի 9, 1924[1] (67 տարեկան) |
| Գերեզման | Բրոմփթոնի գերեզմանատուն |
| Քաղաքացիություն | .svg){kind=small} Մեծ Բրիտանիայի և Իռլանդիայի միացյալ թագավորություն |
| Մասնագիտություն | բանասեր, աստվածաբան և արևելագետ |
| Աշխատավայր | Օքսֆորդի համալսարան |
| Ամուսին | Jane Macdowell?[2] և Mary Emily Müller?[2] |
| Ծնողներ | հայր՝ John Charles Conybeare?[2], մայր՝ Katherine Mary Vansittart?[2] |
| Պարգևներ և մրցանակներ | |
| Երեխաներ | John Josias Conybeare? |
 Frederick Cornwallis Conybeare Վիքիպահեստում | |
Ֆրեդերիկ Կոռնվալիս Կոնիբեր (անգլ.՝ Frederick Cornwallis Conybeare, սեպտեմբերի 14, 1856[1], Կոլսդոն, Քրոյդոն, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն - հունվարի 9, 1924[1]), անգլիացի բանասեր-հայագետ։
1881 թվականից Օքսֆորդի համալսարանի դասախոս, 1903 թվականից՝ Բրիտանական ակադեմիայի անդամ, Վենետիկի Մխիթարյան միաբանության ճեմարանի անդամ։
1888 թվականին և 1891 թվականին այցելել է Երուսաղեմ ու Էջմիածին, կատարելագործել հայերենի իմացությունը, գրել «Հայաստանը և հայերը» (1889 թվական) իր առաջին հայագիտական հոդվածը։ Էջմիածնում ուսումնասիրել է տեղի մատենադարանի գանձերը, Արիստոտելի և Պորփյուրի հայերեն ձեռագրերը համեմատել հունարեն բնագրերի հետ, ճշտել Պլատոնի գործերի հայերեն թարգմանության ժամանակը, հայերեն ձեռագրերի հիման վրա ճշտումներ կատարել Փիլոնի հունարեն տեքստերում, 1895 թվականին հրատարակել նրա «Հաղագս վարուց կենաց տեսականի» գործը։ Կոնիբերր, բանասերներ Հ. Ռենդելի և Ա. Լևիս Շմիտի հետ, ստանձնել է Խիկարի պատմության բազմալեզվյան հրատարակությունը (1898 թվական), պատրաստել հայերեն քննական տեքստը և թարգմանությունը։
Կոնիբերը անդրադարձել է Մովսես Խորենացու «Հայոց պատմության» աղբյուրներին և ժամանակին («Մովսես Խորենացվո պատմության աղբերաց խնդիրը», «ՀԱ», 1902 թվական, և «Մովսես Խորենացվո պատմության ժամանակը», «ՀԱ», 1903 թվական)։
1898 թվականին հրատարակել է Հովհաննես Երեց «Բանալի ճշմարտության» գործի անգլերեն թարգմանությունը, ներածության մեջ (196 էջ) հանգամանորեն քննել թոնդրակյան աղանդի կարևոր խնդիրները, թարգմանությանը կցել է Գրիգոր Նարեկացու, Գրիգոր Մագիստրոսի, Հովհաննես Օձնեցու և Ներսես Շնորհալու այս աղանդին վերաբերող էջերը։ Կոնիբերը գրել է նաև հայոց եկեղեցու ծեսերին նվիրված աշխատություններ։ Անդրադարձել է Եղիշեի, Անանիա Շիրակացու, Մովսես Կաղանկատվացու և այլոց գործերին։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 2,5 2,6 Kindred Britain
 | Վիքիպահեստն ունի նյութեր, որոնք վերաբերում են «Ֆրեդերիկ Կոռնվալիս Կոնիբեր» հոդվածին։ |
| ||||||||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 570)։ 
|