Ֆրանցիշեկ Դուշենկո

Ֆրանցիշեկ Դուշենկո;
Ծնվել է	ապրիլի 6, 1925
Ծննդավայր	Գորոդոկ, Լվովի վոեվոդություն, Լեհաստանի Երկրորդ Հանրապետություն
Մահացել է	ապրիլի 11, 2008 (83 տարեկան)
Վախճանի վայրը	Գդանսկ, Pomeranian Voivodeship, Լեհաստան
Քաղաքացիություն	Լեհաստան
Կրթություն	Գդանսկի գեղարվեստի ակադեմիա
Ստեղծագործություն(ներ)	Westerplatte Monument?
Մասնագիտություն	քանդակագործ
	Franciszek Duszeńko Վիքիպահեստում

Ֆրանցիշեկ Դուշենկո (լեհ.՝ Franciszek Duszeńko, ապրիլի 6, 1925(1925-04-06), Գորոդոկ, Լվովի վոեվոդություն, Լեհաստանի Երկրորդ Հանրապետություն - ապրիլի 11, 2008(2008-04-11), Գդանսկ, Pomeranian Voivodeship, Լեհաստան), լեհ քանդակագործ, մանկավարժ, պրոֆեսոր, Գդանսկի գեղարվեստի ակադեմիայի ռեկտոր (1981-1987):

Կենսագրություն

Ծնվել է 1925 թվականին, Լվովի մարզի Գորոդոկ քաղաքում։ Մասնակցել է Երկրորդ համաշխարհային պատերազմին, եղել Կրայովոյ ընդհատակյա բանակի կապավոր, գերմանացիների կողմից ձերբակալվել է Լվովում։ Եղել է նացիստական Գրոս-Ռոզեն և Զաքսենհաուզեն-Օրանիենբուրգ համակենտրոնացման ճամբարների կալանավոր։ Մինչև ձերբակալվելը՝ 1942-1944 թվականներին, սովորել է Լվովի կերպարվեստի պետական ինստիտոտում, պրոֆեսոր Մարյան Վնուկի մոտ։ Պատերազմի ավարտից հետո՝ մինչև 1952 թվականը, ուսումը շարունակել է Սոպոտի կերպարվեստի բարձրագույն դպրոցի Մ. Վնուկի քանդակագործական արվեստանոցում։ 1950 թվականից դասավանդել է Գդանսկի գեղարվեստի պետական բարձրագույն դպրոցում, ղեկավարել քանդակագործության ամբիոնի ստուդիան։ 1960-1964 թվականներին աշխատել է քանդակագործական ֆակուլտետի դեկան, 1981-1987 թվականներին եղել է համալսարանի ռեկտոր։ 1987-1996 թվականներին ղեկավարել է քանդակագործության և նկարչության ամբիոնը^[1]։

1952-1962 թվականներին ակտիվ մասնակցություն է ունեցել Երկրորդ համաշխարհային պատերազմի ժամանակ Գդանսկում ավերված քանդակագործական օբյեկտների վերականգնման աշխատանքներին։ Մի շարք հուշահամալիրների և հուշարձանների հեղինակ է։

Ստեղծագործություններ

Մահվան ճամբարի զոհերի հուշակոթող-դամբարան Տրեբլինկայում (1958-1964)
Լեհական հրետանու հուշարձան Թորունում
Ափամերձ շրջանի պաշտպանների հուշարձան
Մարիա Կոնոպնիցկայի հուշարձանը Գդանսկում

Պարգևներ

Մշակույթի բնագավառում Գդանսկ քաղաքի մրցանակի դափնեկիր (1987)

Պատկերասրահ

Լեհական հրետանու հուշարձան Թորունում
Ափամերձ շրջանի պաշտպանների հուշարձանը Գդանսկի մոտակայքում
Մահվան ճամբարի զոհերի հուշակոթող-դամբարան Տրեբլինկայում

Ծանոթագրություններ

↑ Agnieszka Gębczyńska-Janowicz: Polskie założenia pomnikowe. Rola architektury w tworzeniu miejsc pamięci od połowy XX wieku. Warszawa: Wydawnictwo Neriton, 2010, s. 64. ISBN 978-83-7543-177-3.

Արտաքին հղումներ

Franciszek Duszeńko

Վիքիպահեստն ունի նյութեր, որոնք վերաբերում են «Ֆրանցիշեկ Դուշենկո» հոդվածին։

[1] Agnieszka Gębczyńska-Janowicz: Polskie założenia pomnikowe. Rola architektury w tworzeniu miejsc pamięci od połowy XX wieku. Warszawa: Wydawnictwo Neriton, 2010, s. 64. ISBN 978-83-7543-177-3.

[1]