Ֆրանսուա Դիվիզիա
Ֆրանսուա Դիվիզիա ֆր.՝ François Divisia | |
---|---|
Ծնվել է | հոկտեմբերի 21, 1889[1][2] Տիզի Ուզու, Ալժիր[1][2] |
Մահացել է | փետրվարի 5, 1964[1][2] (74 տարեկան) avenue de la Porte-de-Choisy[2] |
Քաղաքացիություն | Ֆրանսիա |
Մասնագիտություն | տնտեսագետ |
Գործունեության ոլորտ | տնտեսագիտություն |
Անդամակցություն | Գիտության զարգացման աջակցության ամերիկյան ասոցացիա և Տնտեսաչափական ընկերություն[3] |
Ալմա մատեր | Պոլիտեխնիկական դպրոց և Ճանապարհների և կամուրջների ազգային դպրոց |
Տիրապետում է լեզուներին | ֆրանսերեն[4] |
Գիտական ղեկավար | Clément Colson? |
Պարգևներ |
Ֆրանսուա Դիվիզիա (ֆր.՝ François Jean Marie Divisia, հոկտեմբերի 21, 1889[1][2], Տիզի Ուզու, Ալժիր[1][2] - փետրվարի 5, 1964[1][2], avenue de la Porte-de-Choisy[2]), ֆրանսիացի տնտեսագետ, տնտեսագիտության պրոֆեսոր, մոնետարիստական տեսության և էկոնոմետրիկայի մասնագետ, 1935 թվականին էկոնոմետրիկական հասարակության նախագահ։
Կենսագրություն[խմբագրել | խմբագրել կոդը]
Ֆրանսուա Ժան Մարին ծնվել է 1889 թվականի հոկտեմբերի 21-ին ֆրանսիական Ալժիրի Տիզի Ուզու քաղաքում[5], ֆրանսիացի գաղութարարների՝ Մարիուս Ֆրանսուա Դիվիզիայի և Մարիա Ժոզեֆինա Բարտհետի ընտանիքում։ Նրա մոր պապը այդ քաղաքի ավագ բնակիչն էր։ 1909 թվականին գերազանցությամբ ավարտել է Ալժիրի վարժարանը[6]։
1909 թվականին ընդունվել Է Փարիզի Պոլիտեխնիկական դպրոցին կից բարձրագույն դպրոց։ 1910 թվականին Փարիզի Պոլիտեխնիկական դպրոցն ավարտելուց հետո ընդունվել է Կամուրջների և ճանապարհների ազգային դպրոց, որտեղ գիտական ղեկավարը պրոֆեսոր Կլեման Կոլսոնն էր (1853-1939)[7]։
1914 թվականի օգոստոսին Դիվիզիան ընդհատել է իր ուսումը՝ Առաջին համաշխարհային պատերազմի տարիներին զորակոչվելով ֆրանսիական բանակի շարքերը լեյտենանտի կոչումով, իսկ 1916 թվականին ստացել է կապիտանի կոչում, 1917 թվականին վիրավորվել է։ 1917 թվականի մարտի 8-ին զորացրվել է։
Դիվիզիան զորացրվելուց հետո վերադարձել և ավարտել է իր ուսումը Կամուրջների և ճանապարհների ազգային դպրոցում, Փարիզի իրավաբանական ֆակուլտետում ստացել է բակալավրի աստիճան։
1922-1928 թվականներին Ազգային նավիգացիայի վարչությունում եղել է ինժեներ։ 1930 թվականից աշխատել է Ֆրանսիայի Ազգային կրթության նախարարությունում։ Եղել է Փարիզի Պոլիտեխնիկական դպրոցի պրոֆեսոր, որտեղ նա դարձել է Կլիմենտ Կոլսոնի իրավահաջորդը, իսկ 1929-1959 թվականներին՝ Արվեստի և արհեստների ազգային կոնսերվատորիայում, 1932-1950 թվականներին՝ Կամուրջների և ճանապարհների ազգային դպրոցում տնտեսագիտության պրոֆեսոր[7]։
Դիվիզիան 1931 թվականին եղել է անդամ, փոխնախագահ և 1935 թվականին՝ Էկոնոմետրիկ հասարակության երկրորդ նախագահ, 1939 թվականին՝ Փարիզի վիճակագրական ընկերության անդամ և նախագահ, 1933 թվականից՝ Միջազգային տնտեսական ընկերության անդամ, Ամերիկյան վիճակագրական ասոցիացիայի անդամ, Գիտության զարգացման աջակցման ամերիկյան ասոցիացիայի անդամ[8], 1951 թվականից՝ Դեի Լինչեի ազգային ակադեմիայի օտարերկրյա անդամ։
Ֆրանսուա Դիվիզիան մահացել է 1964 թվականի փետրվարի 6-ին Փարիզում[8]։
Ընտանիք[խմբագրել | խմբագրել կոդը]
Ֆրանսուա դիվիզիան ամուսնացել է 1913 թվականի սեպտեմբերի 9-ին Մարգարիտա Ագարատի հետ, 1914 թվականի հունիսի 7-ին ունեցել են երկվորյակ՝ Դենիսը և Ֆրենսիսը։
Մրցանակներ[խմբագրել | խմբագրել կոդը]
Իր ձեռքբերումների համար պարգևատրվել է՝
1917 թվականի օգոստոսի 20-ին՝ Պատվո լեգեոնի շքանշանի կավալեր։
Մատենագրություն[խմբագրել | խմբագրել կոդը]
Ֆրանսուա Դիվիզիան հրատարակել է մի շարք աշխատանքներ[7]՝
- Divisia F. L’indice monétaire et la théorie de la monnaie. Revue d'écon. polit., LX, No. 1, 1926 — pp. 49–81,
- Divisia F. L'économie rationnelle, Paris: Gaston Doin et Cie, 1928
- Divisia F. L'Épargne et la Richesse Collective, 1928.
- Divisia F. Expositions d'Économique, 3 volumes, 1951—1965.
- Divisia F. Traitement Économétrique de la Monnaie, l’Intérêt, l’Emploie, 1962
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 1,5 1,6 1,7 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 մահվան վկայական — P. 21.
- ↑ 3,0 3,1 https://www.econometricsociety.org/society/organization-and-governance/fellows/memoriam
- ↑ Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Blaug M. Who's who in economics, Third Edition. — Edward Elgar Publishing. — 1999.
- ↑ René Roy François Divisia, 1889-1964 // Econometrica. — Jul., 1965. — Vol. 33. — № 3. — P. 635—640. —
- ↑ 7,0 7,1 7,2 François Divisia, 1889-1964 // The History of Economic Thought website.
- ↑ 8,0 8,1 Gay, David E.R. Divisia, François Jean Marie (1889–1964) // The New Palgrave Dictionary of Economics / eds.Steven N. Durlauf and Lawrence E. Blume. — Palgrave Macmillan, 2008. — Vol. 7. — № 1. —
|