Ֆրանչեսկո Մորոնե (իտալերեն՝ Francesco Morone, 1471[1], Վերոնա, Վենետո, Իտալիա - մայիսի 26, 1529, Վերոնա, Վենետո, Իտալիա), Վերածննդի դարաշրջանի իտալացի նկարիչ, որ հիմնականում գործել է իր հայրենի Վերոնա քաղաքում։ Վերոնացի մեկ այլ նկարչի՝ Դոմենիկո Մորոնեի որդին էր[2]։ Իտալացի նկարիչ և արվեստաբան-պատմիչ Ջորջո Վազարին նշանավոր նկարիչների, քանդակագործների, ճարտարապետների կենսագրություններն ամփոփող իր գրքում գովաբանում է Վերոնայի Սանտա Մարիա ին Օրգանո (Santa Maria in Organo) եկեղեցուավանդատանգմբեթի պատկերազարդման նպատակով Ֆրանչեսկոյի արած որմնանկարները (1505-1507 թթ.): Վերջինս այդ նույն եկեղեցում նկարազարդել է նաև երգեհոնի փեղկերը։ Արվեստի որոշ պատմաբաններ գտնում են, որ վերոնացի նկարիչ Պաոլո Կավացոլան եղել է Ֆրանչեսկոյի աշակերտը, ուրիշների կարծիքով էլ Պաոլոն աշխատել է որպես Ֆրանչեսկոյի ընտանիքի անդամներից մեկի օգնական[3]։
↑Zannandreis, Diego (1891). Giuseppe Biadego (ed.). Le vite dei pittori, scultori e architetti veronesi. Stabilimento Tipo-Litografico G. Franchini, Verona; Digitized by Googlebooks from University of California copy on Feb 22, 2007. էջեր 84–87.