Ֆրանկո Կրիստալդի

Ֆրանկո Կրիստալդի;
Ծնվել է	հոկտեմբերի 3, 1924
Ծննդավայր	Թուրին, Իտալիա
Մահացել է	հուլիսի 1, 1992 (67 տարեկան)
Մահվան վայր	Մոնտե Կառլո
Քաղաքացիություն	Իտալիա և Իտալիայի թագավորություն
Կրթություն	Թուրինի համալսարան
Մասնագիտություն	սցենարիստ, կինոպրոդյուսեր և պրոդյուսեր
Ամուսին	Զեուդի Արայա և Կլաուդիա Կարդինալե
Երեխաներ	Massimo Cristaldi?
	Franco Cristaldi Վիքիպահեստում

Ֆրանկո Կրիստալդի (իտալ.՝ Franco Cristaldi, հոկտեմբերի 3, 1924(1924-10-03)^[1], Թուրին, Իտալիա - հուլիսի 1, 1992(1992-07-01)^[1], Մոնտե Կառլո), իտալացի կինոպրոդյուսեր։

Կենսագրություն[խմբագրել | խմբագրել կոդը]

Ֆրանկո Կրիստալդին ծնվել է 1924 թվականի հոկտեմբերի 3-ին Իտալիայի Թուրին քաղաքում։

1946 թվականին հիմնադրել է «Vides Cinematografica» ընկերությունը, որը սկսել է զբաղվել կինոարտադրությամբ և կինովարձույթով։ 80-ականներին այն վերանվանվել է «Cristaldifilm»:

Իր պրոդյուսերական երկար կարիերայի ընթացքում նա աշխատել է բազմաթիվ հայտնի ռեժիսորների և սցենարիստների հետ, այդ թվում՝ Ֆրանչեսկո Ռոզին, Պիետրո Ջերմին, Մարիո Մոնիչելին, Ֆեդերիկո Ֆելինին, Լուկինո Վիսկոնտին և Ջուզեպե Տորնատորեն։

Ամենահաջողված ֆիլմերից, որոնց պրոդյուսերական աշխատանքներին մասնակցել է Կրիստալդին, դարձել են «Ամարկորդը» (1973 թ.), «Վարդի անունը» (1986 թ.) և ««Նոր կինոթատրոն «Պարադիզոն»» (1988 թվական)։

1977 թվականին Կրիստալդին ընտրվել է Կինոպրոդյուսերների ասոցիացիաների միջազգային ֆեդերացիայի նախագահ։

1984 թվականին նա Կաննի 37-րդ կինոփառատոնում ժյուրիի անդամ էր։

Անձնական կյանք[խմբագրել | խմբագրել կոդը]

Ամուսնացած էր Կարլա Սիմոնետիի հետ, ունեն որդի` Մասիմոն^[2]։

Երբ նա դիմել է Վատիկան, նրա առաջին ամուսնությունը չեղյալ է հայտարարվել, և 1966 թվականին Կրիստալդին ամուսնացել է Կլաուդիա Կարդինալեի հետ^[2]։ Նա որդեգրել է Կլաուդիայի որդուն՝ Պատրիցիոյին, ինչպես նաև նպաստել է նրա կարիերայի առաջխաղացմանը։ Նրանք ամուսնալուծվել են 1975 թվականին։

1983 թվականից մինչև մահը` 1992 թվականը, նրա կինը դերասանուհի Զեուդի Արայան էր։ Նա նկարահանվել է մի քանի ֆիլմերում, որոնք Կրիստալդին արտադրում էր։

Ֆրանկո Կրիստալդին մահացել է Մոնտե Կառլոյում 1992 թվականին^[3]։ Ամուսնու մահից հետո Մասիմո Կրիստալդիի հետ մասնակցել է նրա կինոընկերության հետագա գործունեությանը։

Ֆիլմագրության ընտրանի[խմբագրել | խմբագրել կոդը]

1957. Սպիտակ գիշերներ
1958. Չարագործները, ինչպես միշտ, մնացել են անհայտ
1958. Օրենքն օրենք է
1959. Կապո
1961. Ամուսնալուծություն իտալական ձևով
1964. Գայթակղված և լքված
1965. Մեծ Արջի մառախլապատ աստղերը
1969. Կարմիր վրան
1972. Ունկնդրություն
1973. Ամարկորդ
1975. Ի՞նչ նշանի տակ ես դու
1976. Սինյոր Ռոբինզոն
1979. Քրիստոսը կանգ է առել Էբոլիում
1979. «Հրեշ» օպերացիան»
1983. «Եվ նավը լողում է…»
1986. «Վարդի անունը»
1988. ««Նոր կինոթատրոն «Պարադիզո»»

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Internet Movie Database — 1990.
↑ ^2,0 ^2,1 «The Courage of Claudia Cardinale»։ Parade Magazine։ 25. Juni 1967
↑ «Film Star Reveals Secret of Baby Son»։ The Sun Herald։ 16. April 1967

Արտաքին հղումներ[խմբագրել | խմբագրել կոդը]

Франко Кристальди (անգլ.) Internet Movie Database կայքում

[_b62fc64e35da9293-1] 1,0 ^1,1 ^1,2 ^1,3 ^1,4 Internet Movie Database — 1990.

[parade-2] 2,0 ^2,1 «The Courage of Claudia Cardinale»։ Parade Magazine։ 25. Juni 1967

[3] «Film Star Reveals Secret of Baby Son»։ The Sun Herald։ 16. April 1967

[1]

[2]

[3]