Ֆոֆի Գեննիմատա

Վիքիպեդիայից՝ ազատ հանրագիտարանից
Jump to navigation Jump to search
Ֆոֆի Գեննիմատա
Fofi Gennimata 2009-05-16.jpg
 
Քաղաքացիություն՝ Flag of Greece.svg Հունաստան
Կուսակցություն՝ Համահունական սոցիալիստական շարժում և Democratic Alignment (2015)
Կրթություն՝ Աթենքի համալսարան
Մասնագիտություն՝ քաղաքական գործիչ
Ազգություն հույն
Ծննդյան օր նոյեմբերի 17, 1964(1964-11-17) (54 տարեկան)
Ծննդավայր Աթենք, Հունաստան
Հայր Georgios Gennimatas
 
Կայք՝ fofigennimata.gr

Ֆոֆի Գեննիմատա (հուն․՝ Φώφη Γεννηματά, նոյեմբերի 17, 1964(1964-11-17), Աթենք, Հունաստան), հույն քաղաքական գործիչ։ 2015 թվականից նա Համահունական սոցիալիստական շարժման (ՊԱՍՕԿ) նախագահն է։

Գեննիմատան տարբեր կառավարություննում բազմաթիվ պաշտոններ է զբաղեցրել։ Պապանդրեուի կաբինետում նա եղել է առողջապահության նախարարի տեղակալը և ապա՝ կրթության նախարարի տեղակալը։

Վաղ տարիներ և կրթություն[խմբագրել | խմբագրել կոդը]

Ծնվել է Աթենքում ՊԱՍՕԿ-ի քաղաքական գործիչ Գեորգիոս Գեննիմատասի ընտանիքում։ 1987 թվականին ավարտել է Աթենքի համալսարանի քաղաքագիտության և պետական կառավարման ֆակուլտետը։ Համալսարանում սովորելու տարիներին եղել է ուսանողական սոցիալիստական միության անդամ[1]։

Քաղաքական գործունեություն[խմբագրել | խմբագրել կոդը]

2001-2004 թվականներին եղել է ՊԱՍՕԿ-ի կենտրոնական կոմիտեի անդամ, իսկ 2003-2009 թվականներին` գործադիր բյուրոյի և ՊԱՍՕԿ կուսակցության քաղաքական միության անդամ։ Նա երկու անգամ՝ 2002 և 2006 թվականներին, ընտրվել է Աթենքի և Պիրեյի պրեֆեկտուրայի նախագահ[1]։

Գեննիմատային թույլ չեն տվել մասնակցել 2007 թվականի ընտրություններին որպես ՊԱՍՕԿ-ի թեկնածու, քանի որ Բարձրագույն դատարանը վճռել է, որ համաձայն Հունաստանի Սահմանադրության 57-րդ հոդվածի՝ տեղական ինքնակառավարման պաշտոնատար դեմքերը չեն կարող առաջադրվել պատգամավորի թեկնածու, քանի դեռ իրենց պաշտոնավարման ժամկետը չի ավարտվել[2]։

2009 թվականի հոկտեմբերից մինչև 2010 թվականի սեպտեմբերը Գեննիմատան Գեորգիոս Պապանդրեուի աշխատակազմում զբաղեցրել է առողջապահության և սոցիալական ապահովության նախարարի տեղակալի պաշտոնը, իսկ 2010 թվականի սեպտեմբերից մինչև 2011 թվականի նոյեմբերը նույն աշխատակազմում եղել է կրթության և կրոնի հարցերով նախարարի տեղակալը[1]։

2012 թվականին Գեննիմատան նշանակվել է ՊԱՍՕԿ-ի մամուլի քարտուղար[3]։

Գեննիմատան Համահունական սոցիալիստական շարժման տասներորդ կոնֆերանս ընտրվել է նախագահ, երբ Էվանգելոս Վենիզելոսը նախագահի իր կադենցիայի ավարտից մեկ տարի առաջ հեռացավ։ Գեննիմատան ընտրություններում առաջատար էր ձայների 51 % -ով՝ հաղթելով Օդիսեաս Կոնստանտինոպուլոսին և Անդրեաս Լովերդոսին[4]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 «Fofi Gennimata is the new leader of PASOK»։ Intelligent News։ 14 June 2015։ Արխիվացված օրիգինալից-ից 2015-09-21-ին։ Վերցված է 18 September 2015 
  2. «Court blocks PASOK candidate»։ Kathimerini։ 3 September 2007։ Վերցված է 18 September 2015 
  3. «Minister Gennimata appointed PASOK spokesperson»։ Kathimerini։ 22 March 2012։ Վերցված է 18 September 2015 
  4. Zikakou Ioanna (14 June 2015)։ «PASOK Elects Fofi Gennimata as 5th Party President»։ Greek Reporter։ Վերցված է 18 September 2015 

Արտաքին հղումներ[խմբագրել | խմբագրել կոդը]