Ֆուտբոլ ֆրիսթայլ
Ֆուտբոլ ֆրիսթայլ (անգլ.՝ Freestyle football), հայտնի է նաև որպես ֆուտբոլային ժոնգլյորություն և հնարքներ, ֆուտբոլի գնդակով ժոնգլյորության արվեստ, որի ժամանակ օգտագործվում է մարմնի ցանկացած մաս, բացառությամբ արմունկները և ձեռքերը։ Այն համատեղում է ֆուտբոլային հնարքները, պարը, ակրոբատիկան և երաժշտությունը՝ դիտողներին զվարճացնելու և մրցակիցների հետ մրցելու համար։ Այս մարզաձևի պաշտոնական կառավարող մարմինը հայտնի է որպես Աշխարհի ֆուտբոլ ֆրիսթայլի ասոցիացիա (WFFA)[1][2]
Պատմություն
[խմբագրել | խմբագրել կոդը]Ֆուտբոլ ֆրիսթայլի արվեստը կարելի է հետագծել Հարավարևելյան Ասիայի խաղերից, ինչպիսիք են չինլոնը, ջիանզիան և սեպակ տակրաուն, որոնք գոյություն են ունեցել դեռևս 2000 տարի։ Ֆրիսթայլի հիմնարար հնարքները, ինչպիսիք են «Նեք Սթալը» և «Աշխարհի շուրջը», առաջին անգամ լայնորեն ներկայացվել են Արևմուտքում կրկեսային կատարողների կողմից, մասնավորապես՝ Էնրիկո Ռաստելլիի և Ֆրենսիս Բրունի կողմից[3][4]։
1970-ական և 1980-ական թվականներին արգենտինացի ֆուտբոլիստ Դիեգո Մարադոնան հայտնի է դարձել իր ֆրիսթայլ «Կյանքը կյանք է» (անգլ.՝ Life is Life) հնարքով, որը նա կատարել է «Նապոլի» ակումբում խաղալու ժամանակ։ Սակայն ֆրիսթայլի այս ունակությունը այդ ժամանակ լայնորեն քննադատության է արժանացել, որովհետև նշում էին, որ այն անմիջական որևէ կապ չունի ֆուտբոլ խաղալու հետ։
21-րդ դարի սկզբին մի քանի նշանակալի իրադարձություններ նպաստել են ֆուտբոլ ֆրիսթայլի ավելի լայն ճանաչում ձեռքբերելուն։ Բրազիլացի ֆուտբոլիստ Ռոնալդինյոն նկարահանվել է Nike-ի գովազդային արշավներում, ինչպիսին է «Joga Bonito»-ն (հայերեն՝ Խաղացեք գեղեցիկ ), որը տարածել է գնդակով մենակ մարզվելու և նոր շարժումներ ու հնարքներ մշակելու հնարավորությունը[5]։
Մարադոնայից ոգեշնչվելով՝ հարավկորեացի ֆուտբոլիստ Միսթր Վուն ձգտել է դառնալ ֆուտբոլային արտիստ։ Նա սահմանել է Գինեսի ռեկորդներ և ելույթ ունեցել 1988 թվականի ամառային օլիմպիական խաղերի բացման արարողությանը, ինչպես նաև 1990 և 1994 թվականների ՖԻՖԱ-ի աշխարհի առաջնություններում[6]։ Նիդեռլանդներից Սուֆիան Տուզանին ներկայացրել է ստորին վերջույթների հնարքների նոր ոճը[7], որը շատ արագ տարածում է գտել վիրուսային տեսանյութերի միջոցով[7]։
Ֆուտբոլիստուհի Սենդի Լևիտտասը (Բեմբիբոլ) առաջին կանանցից է եղել, որը կիսվել է իր ֆրիսթայլ հմտությունների տեսանյութերով[8][9], ինչը ոգեշնչել է նաև ավելի շատ աղջիկների զբաղվել այս սպորտաձևով[10][11]։ Այնուհետև մշակվել են տարբեր ոճեր, ինչպիսիք են՝ լոուերները, ափերները, գրաունդները և բլոկչինգը։
2015 թվականին Ռոնալդինյոն սպորտաձևի դեսպան է ճանաչվել՝ Աշխարհի ֆուտբոլ ֆրիսթայլի ասոցիացիայի (WFFA) կողմից[12]։ Մրցույթներ են կազմակերպվել ամբողջ աշխարհում, իսկ տեսանյութերն ամսական կտրվածքով տարածվել են ավելի քան 80 միլիոն մարդու կողմից[13]։
Վերջին տարիներին աշխարհի լավագույն ֆուտբոլիստներից մի քանիսը ֆրիսթայլի և սթրիթ-ֆուտբոլի մշակույթներին են վերագրել իրենց տաղանդների զարգացումը։ Այդ մարզիկների թվում են Նեյմարը[14][15], Քրիշտիանու Ռոնալդուն, Լիոնել Մեսսին և Զլատան Իբրահիմովիչը։
Հնարքներ
[խմբագրել | խմբագրել կոդը]Ֆուտբոլ ֆրիսթայլում հնարքները կամ քայլերը դասակարգվում են տարբեր առարկաների կամ ոճերի՝
- Մարմնի ստորին հատվածի կամ օդի շարժումներով հնարքները կատարվում են կանգնած վիճակում և օգտագործվում են ստնաթաթերը կամ ոտքերը:
- Մարմնի վերին հատվածի վարժությունները կատարվում են գլխով, կրծքավանդակով և ուսերով (վերին մկաններ):
- Նստած հնարքները կատարվում են նստած վիճակում, հաճախ ոտքերը բարձրացրած վիճակում :
- Գետնի վրա շարժման հնարքները կատարվում են կանգնած վիճակում՝ գնդակը հատակին պահելով։ Հմուտ խաղացողները կարող են գետնի շարժումների կատարումը դարձնել բեմադրված պար։
- Բլոկավորման հնարքները կատարվում են գնդակը մարմնի ստորին հատվածներով բռնելով։ Սա բրեյք դանսից ոգեշնչված ոճ է։
- Ակրոբատիկ հնարքները ոգեշնչված են կրկեսային հմտություններից, բրեյք դանսից և մարմնամարզությունից։
- Անցումները միջանկյալ քայլեր են, որոնք օգտագործվում են տարբեր ոճերի հնարքները կամուրջ դարձնելու համար և իրականացվում են սահուն շարժումով։
Վերոնշյալի շրջանակներում ամենատարածվածներից են հետևյալ անհատական քայլերը.
- «Պտույտ աշխարհի շուրջը» (ATW) շարժում է, որի ժամանակ ֆրիսթայլերը գնդակը պահում է մեկ ոտքով, որը այնուհետև շրջանագծով վերև և գնդակի վրայով է շարժվում, նախքան ներքև վերադառնալը՝ գնդակը կրկին խաղալու համար։ Ներքին ATW-ն կատարում է սկզբնական շարժումը դեպի հակառակ ոտքը, մինչդեռ արտաքին ATW-ն կատարում է սկզբնական շարժումը հակառակ ոտքից հեռանալու համար։
- Քրոսովեր, շարժում, որի դեպքում գնդակը մեկ ոտքով օդ է նետվում, իսկ հակառակ ոտքը պտտվում է գնդակի շուրջը, երբ այն օդում է։
- Մատների վրա ցատկ (TB)՝ շարժում, որը նման է խաչաձև շարժման, բայց գնդակը ցատկում է ոտքի վրա։
- Ցատկիր աշխարհը (HTW)՝ շարժում, որի ժամանակ գնդակը մեկ ոտքով բարձրացվում է և հակառակ ոտքով պտտվում շրջանագծով։
- Տուզանին աշխարհըի շուրջը (TATW), արտաքին ATW-ի և քրոսովերի տարբերակ։ Ստեղծվել է նիդեռլանդցի Սուֆիան Տուզանիի կողմից։
- Միտչին աշխարհի շուրջը (MATW), ինչպես TATW-ի դեպքում, բացառությամբ ներքին ATW-ի։ Ստեղծվել է վրիտանացի Միտչել Ջեյմս Փենի կողմից։
- Լեմենսն աշխարհի շուրջը (LATW), կրկնակի ATW, ոտքով երկու անգամ պտտվել օդում գտնվող գնդակի շուրջ՝ առանց միջին հպման պտույտների։
- Պալլեն աշխարհի շուրջը (PATW), եռակի ATW: Ստեղծվել է շվեդ Ռիկարդ «Պալլե» Սյոլանդերի կողմից:
- Սթալլեր՝ շարժումներ, որոնց ժամանակ պետք է գնդակը բռնել անշարժ դիրքում:
- Կլիպեր՝ շարժում, որը ծագել է ֆրիսթայլ ֆութբեգից, որի դեպքում ֆրիսթայլերը գնդակը բռնում է օդում՝ ոտքի ներսի մասը մարմնի կողքին պահելով։
- Կոմբոներ՝ շարժումներ, որոնք ուղղակիորեն կապում են հնարքները՝ առանց գնդակով ժոնգլյորություն անելու։
- Առանց դիպչելու կոմբոներ՝ հնարքներ, որոնք կատարվում են մեկ շարժումով և առանց գնդակին միջանկյալ կերպով դիպչելու:
Մրցակցային ֆրիսթայլ
[խմբագրել | խմբագրել կոդը]Ֆուտբոլ ֆրիսթայլի առաջին խոշոր մրցաշարը Red Bull Street Style-ն է եղել, որն անցկացվել է 2008 թվականին՝ Բրազիլիայի Սան Պաուլո քաղաքում։ Շոն Գարնիեն հաղթել է այս մրցույթում՝ հանրության աչքին դեռևս անհայտ ոճով։
Super Ball՝ առաջին բաց աշխարհի առաջնությունը (որտեղ կարող էր մրցել յուրաքանչյուրը), որը նախատեսված է եղել տարբեր ոճերի ֆրիսթայլերների համար և հնարավորություն է տվել ֆրիսթայլերին կատարել բազմաթիվ հնարքներ: Չեխիայում անցկացվող Super Ball-ը դարձել է ֆրիսթայլերների համար ամենամյա միջազգային առաջատար միջոցառումը:
Մրցաշարեր
[խմբագրել | խմբագրել կոդը]Հետևյալ մրցաշարերը ճանաչվում են Աշխարհի ֆուտբոլ ֆրիսթայլի ասոցիացիայի պաշտոնական կառավարող մարմնի կողմից[16]՝
- Red Bull սթրիթ-սթայլի (RBSS) աշխարհի եզրափակիչ
- Աշխարհի ֆրիսթայլի վարպետներ
- Super Ball-ի աշխարհի բաց առաջնություն
- Panther Ball-ի աշխարհի բաց առաջնություն
- Եվրոպայի ֆուտբոլ ֆրիսթայլի առաջնություն (EFFC)
- Ասիա-խաղաղօվկիանոսյան ֆուտբոլ ֆրիսթայլի առաջնություն (APFFC)
- Աֆրիկայի ֆուտբոլ ֆրիսթայլի առաջնություն (AFFC)
- Լատինական Ամերիկայի ֆուտբոլ ֆրիսթայլի առաջնություն (LAFFC)
- Հյուսիսային Ամերիկայի ֆուտբոլ ֆրիսթայլի առաջնություն (NAFFC)
- Ազգային առաջնություններ (բոլոր երկրները)
Միջոցառումներ
[խմբագրել | խմբագրել կոդը]Մրցակցային ազատ ոճի ֆուտբոլի բնորոշ իրադարձությունները ներառում են՝
- Մրցումներ
- Դուետներ (թիմային մարտեր)
- Ընթացակարգեր
- Զույգերի վարժություններ
- Սիք 3
- Չելենջ
- Երկաթե մարդ
- Շոու ֆլոու
- Քիլ դը բիթ
- Max 1
- 3vs3 (3-ը 3-ի դեմ)
Վարկանիշային ֆրիսթայլերներ
[խմբագրել | խմբագրել կոդը]WFFA-ն օգտագործում է պաշտոնական ազգային առաջնությունների, մայրցամաքային առաջնությունների, միջազգային բաց առաջնությունների և աշխարհի բաց մրցաշարերի արդյունքները՝ մրցակիցներին միավորային դասակարգում նշանակելու համար[17]:
- Ռիկարդո Չահինի (Բրազիլիա)
- Էնդրյու Հենդերսոն (Մեծ Բրիտանիա)[18][19]
- Մելոդի Դոնչե (Ֆրանսիա)[20][21][22][23]
- Լիզա Զիմուշ (Ֆրանսիա)
- Միխալ «Միչրից» Ռիչայ (Լեհաստան)[24]
- Կիտի Շաց, (Հունգարիա) ֆուտբոլ ֆրիսթայլի աշխարհի քառակի չեմպիոն[25][26][27][28]
- Էրլենդ Ֆագերլի (Նորվեգիա)[29][30][31][32]
- Մուհամմադ Ռիսվան (Հնդկաստան)[33]
- Ագուսկա Մնիչ (Լեհաստան)[34][35][36]
- Լիա Լյուիս[37][38]
WFFA կոմիտե
[խմբագրել | խմբագրել կոդը]Տարիների ընթացքում ֆուտբոլ ֆրիսթայլի արվեստում իրենց տեղը գրաված այլ կարևոր անունների թվում են՝
- Աարիշ Անսարի (Հնդկաստան)[39]
- Նամ դը Ման (Իռլանդիա/Վիետնամ)[40]
- Փալլե (Շվեդիա)[41][42][43][44]
- Սթիվ Էլիաս (Կանադա)[45][46][47][48][49]
- Դանիել Ռոզբում դե Վրիես (Նիդեռլանդներ)
- Ջոն Ֆարնուորթ (Մեծ Բրիտանիա)[50][51][52]
- Ջեոն Քվոն (Հարավային Կորեա)[53][54]
- Իյա Թրաորթ (Ֆրանսիա)[55][56][57]
- Աբաս Ֆարիդ (Մեծ Բրիտանիա)[58][59][60]
- Յոսուկե Յոկուտա (Ճապոնիա)[61][62]
- Աշ Ռենդալ (Մեծ Բրիտանիա)
Ֆուտբոլ ֆրիսթայլը Հայաստանում
[խմբագրել | խմբագրել կոդը]Հայաստանում գործում է Football Freestyle Armenia ակումբը։
Հայաստանում ֆուտբոլ ֆրիսթայլի ամենահայտնի ներկայացուցիչը Hayk Freestyle-ն է (Հայկ Աղաքարյան)։ 2021 թվականին Դյուցազնագրքում գրանցել է իր առաջին ռեկորդը, իսկ հնարքի անունը եղել է «Երեք պտույտ գնդակի շուրջ» (PATW - Palle around the world): Հետո գրանցել է նոր ռեկորդ՝ միաժամանակ 5 գնդակի պտույտ մարմնի վրա, իսկ ավելի ուշ՝ 6 գնդակի պտույտ մարմնի վրա[63][64]։ Հանդիսանում է Հայաստանում գործող «Football Freestyle Armenia»-ի հիմնադիրը։
2024 թվականին Աշխարհի ֆուտբոլ ֆրիսթայլի ասոցիացիայի (անգլ.՝ World Freestyle Football Association) կողմից նշանակվել է ֆուտբոլ ֆրիսթայլի Հայաստանի ներկայացուցիչ[65]։ 2025 թվականի հոկտեմբերի 5-ին միջազգային ասոցիացիայի հետ համագործակցությամբ Հայաստանում անցկացրել է Ֆուտբոլ ֆրիսթայլի առաջին մեծ մրցաշարը։
Մեդիա
[խմբագրել | խմբագրել կոդը]2019 թվականի հունվարին ֆուտբոլ ֆրիսթայլը սոցիալական ցանցերում ամսական ունեցել է ավելի քան 80 միլիոն դիտում։ Ամեն տարի անցկացվում է ավելի քան 70 հարակից միջոցառում, որոնցից ամենամեծը Red Bull Street Style World Final-ն է։ Այս մարզաձևը հիմնականում վայելում է 12-25 տարեկանների խումբը, որոնց 85%-ը տղամարդիկ են[66][67][68]։
Ֆուտբոլ ֆրիսթայլի բովանդակության սպառման հիմնական շուկաներն են՝ Միացյալ Նահանգները, Մեքսիկան, Բրազիլիան, Մեծ Բրիտանիան, Իսպանիան, Լեհաստանը, Ֆրանսիան, Մերձավոր Արևելքը, Չինաստանը, Ճապոնիան և Հարավարևելյան Ասիան, որոնց անմիջական լսարանն ամբողջ աշխարհում կազմում է 1.47 միլիարդ ֆուտբոլային երկրպագու[69]։
Ծանոթագրություններ
[խմբագրել | խմբագրել կոդը]- ↑ «World Freestyle Football Association news». www.thewffa.org. Արխիվացված է օրիգինալից 2019 թ․ հուլիսի 30-ին. Վերցված է 2019 թ․ հոկտեմբերի 19-ին.
- ↑ «Freestyle football in Russia». FIFA.com. 2016-07-23. Արխիվացված է օրիգինալից 2016 թ․ սեպտեմբերի 5-ին. Վերցված է 2016-09-11-ին.
- ↑ «Freestyle football in Russia». FIFA.com. 2016-07-23. Արխիվացված է օրիգինալից 2016 թ․ սեպտեմբերի 5-ին. Վերցված է 2016-09-11-ին.
- ↑ «World Freestyle Football Association news». 2024 թ․ մարտի 25. Արխիվացված է օրիգինալից 2020-11-07-ին. Վերցված է 2025-12-25-ին.
- ↑ House, Future Publishing Limited Quay; Ambury, The; Engl, Bath BA1 1UA All rights reserved; number 2008885, Wales company registration (2019 թ․ հունիսի 25). «The 14 best football adverts EVER». FourFourTwo. Վերցված է 2019 թ․ հոկտեմբերի 19-ին.
{{cite web}}: CS1 սպաս․ թվային անուններ: authors list (link) - ↑ «Freestyle football in Russia». FIFA.com. 2016-07-23. Արխիվացված է օրիգինալից 2016 թ․ սեպտեմբերի 5-ին. Վերցված է 2016-09-11-ին.
- 1 2 http://www.touzaniproductions.nl/ Արխիվացված 2017-12-10 Wayback Machine Touzani Productions
- ↑ «Urban ball : Sandy Levittas, la "Ronaldinho" au féminin». Արխիվացված է օրիգինալից 2024-12-14-ին. Վերցված է 2025-12-25-ին.
- ↑ «Scènes Urbaines Ep06 Foot Freestyle féminin - Vidéo dailymotion». 2010 թ․ մայիսի 7.
- ↑ «France - S. Levittas - Profile with news, career statistics and history - Soccerway».
- ↑ «Freestyler is kicking things up a notch in the world of soccer». ABC News.
- ↑ «World Freestyle Football Association news». 2024 թ․ մարտի 25. Արխիվացված է օրիգինալից 2020-11-07-ին. Վերցված է 2025-12-25-ին.
- ↑ «Brits lead freestyle revolution». BBC. 2008-05-23. Վերցված է 2010-05-31-ին.
- ↑ «Neymar Jr on futsal, street football and tricks». 2016-09-13.
- ↑ «Neymar Jr's Five - Malmö». Red Bull.
- ↑ «World Freestyle Football Association news».(չաշխատող հղում)
- ↑ «World Freestyle Football Association news». Արխիվացված է օրիգինալից 2021-04-18-ին. Վերցված է 2025-12-25-ին.
- ↑ «Freestyle Football».
- ↑ «An Exclusive with Andrew Henderson, Freestyle's Most Dominant Athlete, and Why He's Still the Best in the Game». 2017-04-18.
- ↑ «Freestyle football star Melody Donchet works her magic | DW | 11.06.2019». Deutsche Welle.(չաշխատող հղում)
- ↑ «Abaya-Wearing Melody Donchet Wows Dubai Crowd with Ball Skills». 2016-07-03.
- ↑ «Red Bull Content Pool».
- ↑ «Red Bull Women's Street Style Finals - Melody Donchet - Sportsnet.ca». www.sportsnet.ca. Վերցված է 2019 թ․ հոկտեմբերի 19-ին.
- ↑ «Pokazy Freestyle Football - Aktualny Mistrz Świata, Półfinalista Mam Talent oraz Czołowy Światowy Performer - Michał Rycaj». Արխիվացված է օրիգինալից 2022-05-17-ին. Վերցված է 2025-12-25-ին.
- ↑ «Kitti Szász». Kitti Szász. Վերցված է 2019 թ․ հոկտեմբերի 19-ին.
- ↑ «Kitti Szasz · Female Football Freestyler · Budapest, Hungary».
- ↑ Welle (www.dw.com), Deutsche. «Football freestyler Kitti Szász | DW | 15.07.2017». Արխիվացված է օրիգինալից 2019-07-01-ին. Վերցված է 2019 թ․ հոկտեմբերի 19-ին – via www.dw.com.
- ↑ «Female Freestylers - Kitti Szasz (Hungary)».
- ↑ «Is Erlend Fagerli Freestyle Football's GOAT?». 2019-01-18.
- ↑ «Erlend Fagerli - Redbull Street Style».
- ↑ «Fagerli Brothers».
- ↑ «Fagerli Brothers - "Be very focused on taking one step" - Interview». 2018-09-11.
- ↑ «ഫ്രീസ്റ്റൈൽ ഫുട്ബാളിൽ വിസ്മയം തീർത്ത് മുഹമ്മദ് റിസ്വാൻ | Madhyamam». 2022 թ․ հուլիսի 6.
- ↑ «Aguska - London».
- ↑ «Freestyler's Playlist: The Tracks that Fueled Aguska Mnich's Red Bull Street Style World Title». 2018-12-14.
- ↑ «Aguska Mnich crowned first-ever Women's European Football Freestyle champion after epic finale in Budapest». 2019-05-18.
- ↑ «Official Champions». World Freestyle Football Association. Արխիվացված է օրիգինալից 2023-03-24-ին. Վերցված է 2023 թ․ փետրվարի 21-ին.
- ↑ «VIDEO: Lia Lewis stuns field to win maiden Red Bull Street Style title». Red Bull. 2021 թ․ նոյեմբերի 21. Վերցված է 2023 թ․ փետրվարի 21-ին.
- ↑ «World Freestyle Football Association news». Արխիվացված է օրիգինալից 2019-09-13-ին. Վերցված է 2025-12-25-ին.
- ↑ «From Vietnam to Ireland, Nam the Man Spreads the Passion and Promise of Freestyle Football». 2016 թ․ հուլիս.
- ↑ «How to do Heel Juggles | Freestyle Football Training | Palle».
- ↑ «Palle: Around the World». 2013 թ․ օգոստոսի 26.
- ↑ «Palle». 2013 թ․ օգոստոսի 26.
- ↑ «From the Archives — Palle's interview». 2018-04-08.
- ↑ «Street style soccer tricks». Red Bull. 2018 թ․ սեպտեմբերի 14.
- ↑ https://ca.linkedin.com/in/steve-elias-06515b20
- ↑ «Steve Elias Shows Us How to SWRL». 2016-03-11.
- ↑ «Eli Freeze - Journey to FIFA World Cup Final Brazil». Արխիվացված է օրիգինալից 2020-09-30-ին. Վերցված է 2025-12-25-ին.
- ↑ «Uganda's finest freestyle ball juggler Andy Skillz lands invite to 2019 Africa Olympic Beach Games». Kawowo.com. 2019-03-16. Վերցված է 2019-10-19-ին.
- ↑ Wilson, Jeremy (2018-02-23). «Meet John Farnworth, the man attempting to juggle a football up Everest». The Telegraph.
- ↑ «John Farnworth - Freestyle Magic - CBBC - BBC».
- ↑ «Leeds Metropolitan University - Latest News - Round the World Record with soccer freestyler and Leeds Carnegie - 20/03/08». Արխիվացված է օրիգինալից 2011-07-17-ին.
- ↑ «Jeon kwon». 2013 թ․ հուլիսի 6.
- ↑ «JK 아트사커 온라인 - YouTube». YouTube.
- ↑ «WATCH: Soccer Freestyler Defies Gravity, Climbs a Lamppost». HuffPost. 2012-12-07.
- ↑ «Most steps climbed backwards on a ladder while controlling a football with the feet».
- ↑ «Iya Traoré, du PSG à la rue!». 2010-10-12.
- ↑ «Football Freestyler - Abbas Farid Nike Champion».
- ↑ «The king of keepie-uppie». 2003-06-27.
- ↑ «Football's freestyler».
- ↑ «The Japan Freestyle Football Championship Was an Insane Display of Creativity and Personal Style». 2017-05-18.
- ↑ «Japanese Freestyler Yosuke Yokota Proves He's Still a Creative Beast». 2016-02-19.
- ↑ «Կարճ ասած․․Հայաստանում նոր ռեկորդ եմ գրանցել». Իմ Ռադիո. Վերցված է 2025-12-25-ին.
- ↑ «NEWS.am Style - Ամենը՝ նորաձեւության եւ ոճի մասին». style.news.am. Վերցված է 2025-12-25-ին.
- ↑ World Freestyle Football Association - Hayk Freestyle, Armenia
- ↑ noCtrl. «World Freestyle Football Association news». www.thewffa.org (չեխերեն). Արխիվացված է օրիգինալից 2019-07-12-ին. Վերցված է 2019-07-15-ին.
- ↑ «Beyond Football -». 2017 թ․ ապրիլ.
- ↑ «World Freestyle Football Association news». Արխիվացված է օրիգինալից 2019-07-12-ին. Վերցված է 2025-12-25-ին.
- ↑ «World Freestyle Football Association news». 2024 թ․ մարտի 25. Արխիվացված է օրիգինալից 2019 թ․ սեպտեմբերի 13-ին. Վերցված է 2019 թ․ հուլիսի 12-ին.