Ֆուչուն լեռան մենաստանը (նկար)

Վիքիպեդիայից՝ ազատ հանրագիտարանից
Jump to navigation Jump to search
Dwelling in the Fuchun Mountains (first half).JPG
Huang Gongwang. Dwelling in the Fuchun Mountains. detail. National Palace Museum, Taipei.jpg
Ֆուչուն լեռան մենաստանը
富春山居圖(無用師卷).jpg
տեսակգեղանկար
նկարիչHuang Gongwang?
տարի1348
ստեղծման վայրՉժեցզյան
ժանրբնանկար
նյութթուղթ
հավաքածուԿայսերական պալատի թանգարան և Zhejiang Provincial Museum?
քաղաքՉժեցզյան
սեփականատերԿայսերական պալատի թանգարան, Zhejiang Provincial Museum?, Shen Zhou?, Dong Qichang? և Qianlong Emperor?
հատվածն էDwelling in the Fuchun Mountains, Taipei fragment? և The Remaining Mountain?
Dwelling in the Fuchun Mountains Վիքիպահեստում


«Ֆուչուն լեռան մենաստանը» (չին.՝ 富春山居圖),  չին հայտնի նկարիչ Հուան Գունվանի նկարներից է՝ նկարված 1348-1350 թվականներին, 691,3 սմ երկարությամբ։ Նկարը մեր օրերում բաժանված է երկու մասի և գտնվում է տարբեր թանգարաններում։

Պատմություն[խմբագրել | խմբագրել կոդը]

Հուան Գունվանը նկարչությամբ սկսել է զբաղվել, երբ արդեն 50 տարեկան էր։ 1347 թվականին նա տեղափոխվել է Հանչժոուից հարավ-արևմուտք գտնվող Ֆուչուն լեռը և ապրել մինչև իր կյանքի վերջը։ Այստեղ էլ ստեղծել է իր մի քանի բնանկարները, ներառյալ՝ «Ֆուչուն լեռան մենաստանը»։

Հեղինակը նկարի վրա սկսել է աշխատել 1348 թվականին և ավարտել է երեք տարի անց՝ 1351 թվականին։ Նկարն ավարտելուց հետո այն նվիրել է դաոսյան մի քրմի։ 100 տարի անց այն ձեռք է բերել Մին դինաստիայի կայսերական նկարիչ Շեն Չժոուն (1427—1509)։ Չժու Ցզյանշենի (1465—1487) գահակալման տարիներին Շեն Չժոուն նկարը ուղարկել է մի անհայտ վայելչագրողի, որպեսզի մեկնաբանի այն։ Վերջինիս որդին նկարը գողանում է, և երկար տարիներ այն ձեռքից ձեռք է ընկնում։ Տարիներ անց Շեն Չժոուն տեսնում է, որ նկարը վաճառվում է շատ բարձր գնով։ Չժոուն այդքան գումար չուներ, որ վճարեր ու գներ, և ստիպված կրկնօրինակում է այն։ Հարյուրավոր տարիներ անց էլ նրա կրկնօրինակումը համարվում է բազմաթիվ կրկնօրինակումներից լավագույնը։

Կրկնօրինակը Շեն Չժոուն տալիս է իր ընկերոջը՝ Ֆան Շինին։ Ֆան Շինը հետամուտ է լինում նաև բնօրինակը գտնելուն։ Նա գնում է նկարը և տալիս Շեն Չժոուին։

Մի քանի դար նկարը տարբեր մարդկանց տներում է լինում, օրինակ՝ Թան Ժիի, Դոնգ Քիչանգի, Վու Ժենգզի։ Երբ մահանում է Վու Ժենգզը, նա կտակում է նկարը իր երրորդ որդուն՝ Վու Հոնգյուին։ Վերջինիս տունը հրդեհվում է, և նկարը լուրջ վնասներ է կրում։ Նրա զարմիկին հաջողվում է փրկել նկարը, և քանի որ այն վնասվածքներ էր ստացել, նա նկարը բաժանում է երկու մասի։ Փոքր մասը հետագայում անվանվում է « Լեռան կտորը» և 1956 թվականին տեղ գտնում Հանդժոուի նահանգային թանգարանում։

Իսկ նկարի ավելի մեծ կտորը հետագայում անվանվում է «Վույոնգ վարպետի մագաղաթը» և հայտնվում տարբեր բարձրաստիճան պաշտոնյաների անհատական հավաքածուներում։ 1950 թվականից այն տեղափոխվում է Թայվան և պահվում Թայբեյի Ազգային թանգարանում։

Հետաքրքիր փաստեր[խմբագրել | խմբագրել կոդը]

  • Չինաստանի անհատական համատիրություններից մի քանիսը այս նկարի պատվին կոչվում են «Ֆուչուն լեռան մենաստան»։

Միացում՝ երեքուկես դար անց[խմբագրել | խմբագրել կոդը]

2011 թվականին նկարի առաջին հատվածը տեղափոխվել է «Թայբեյի ազգային պալատ» թանգարան որտեղ այդ տարվա հունիս-հուլիս ամիսներին ստեղծագործության երկու կեսերը երեքուկես հարյուրամյակից ավելի տևած անջատումից հետո վերջապես միացվել են[1] և ցուցադրվել թանգարանում: Ցուցադրությունը հսկայական հետաքրքրություն է առաջացրել, դարձել 2011 թվականի ամենազանգվածային արթ-շոուն Թայվանում. նկարը դիտելու նպատակով թանգարան է այցելել 847,509 արվեստասեր[2]:

Ծանոթագրություններ[խմբագրել | խմբագրել կոդը]

  1. «Parts of treasured brush painting to finally be reunited»։ Taipei Times (Central News Agency)։ 13 May 2011 
  2. «Exhibition & museum attendance figures 2011» (PDF)։ The Art Newspaper։ April 2012 

Արտաքին հղումներ[խմբագրել | խմբագրել կոդը]