Ֆուլխենսիո Եգրոս

	Ֆուլխենսիո Եգրոս ի Ֆրանկո դե Տոռես
	իսպ.՝ Fulgencio Yegros y Franco de Torres
	Պարագվայի 1-րդ պետության ղեկավար
Ծննդյան օր՝	1780
Ծննդավայր՝	Քույքույհո, Paraguarí Department, Պարագվայ
Վախճանի օր՝	1821
Վախճանի վայրը՝	Ասունսյոն, Պարագվայ

Ֆուլխենսիո Եգրոս ի Ֆրանկո դե Տոռես, իսպ.՝ Fulgencio Yegros y Franco de Torres (1780^[1]^[2]^[3], Քույքույհո, Paraguarí Department, Պարագվայ - 1821^[1]^[2]^[3], Ասունսյոն, Պարագվայ), պարագվայցի ռազմական և քաղաքական գործիչ, 1811 թվականի անկախության հռչակումից հետո, Պարագվայի ղեկավար։

Կենսագրություն[խմբագրել | խմբագրել կոդը]

Ծնվել է զինվորականների ընտանիքում և Ասունսյոնում կրթություն ստանալուց հետո անցել է զինվորական ծառայության։ Մասնակցել է 1802 թվականի պորտուգալացիների դեմ պատերազմին և 1802 թ. Բուենոս Այրեսի վրա անգլիացիների հարձակման դիմադրությանը, որից հետո 1810 թվականին ստացել է կապիտանի աստիճան և նշանակվել Միսյոնես նահանգի նահանգապետ։ 1811 թ. Եգրոսի բանակը դիմադրություն ցույց տվեց երկիր ներխուժած Արգենտինայի բանակին։ Դրանից հետո, մայիսին Եգրոսը և Պեդրո Խուան Կաբելերոն հայտարարեցին երկրի անկախության մասին ու մտան Գերագույն Խունտայի կազմի մեջ, իսկ մայիսի 27-ին Եգրոսը դարձավ դրա ղեկավարը, հիմնելով երկրում առաջին ռազմական ակադեմիան։ 1813 թ. հոկտեմբերի 12-ին ուժի մեջ մտավ երկրի Սահմանադրությունը, որի համաձայն երկիրը կառավում էին երկու կոնսուլները, 4 ամիս ժամկետով։ Եգրոսի հետ կոնսուլ ընտրվեց Խոսե Գասպար Ռոդրիգես դե Ֆրանսիան։ Եգրոսը կոնսուլի պաշտոնում մնաց 1814 թ. փետրվարի 12-ից հունիսի 12-ը։ Ֆրանսիան, որը զգալի ազդեցություն ուներ քաղաքականության մեջ, երկրորդ անգամ կոնսուլ դառնալուց հետո հեղաշրջում իրականացրեց և ողջ իշխանությունը վերցրեց իր ձեռքը, իսկ Եգրոսը լինելով ավելի շատ զինվորական քան քաղաքական գործիչ, հեռացավ իր կալվածքը։