Ֆորեսթհիլ կամուրջ

Ֆորեսթհիլ կամուրջ;
Երկիր	ԱՄՆ
Տեղանք	Կալիֆոռնիա
Տեսակ	կամուրջ
Հատում է	North Fork American River?
Երկարություն	263 մետր
Բացման տարեթիվ	1973
	38°55′21″N 121°02′20″W / 38.9224°N 121.039°W

Ֆորեսթհիլ կամուրջ (նաև հայտնի որպես Օբերն–Ֆորեսթհիլ կամուրջ կամ պարզապես Օբերնյան կամուրջ), ճանապարհային կամուրջ, որն անցնում է Կալիֆոռնիայի արևելքում՝ Փլեյսեր շրջանի և Սիեռա Նևադա լեռների տարածքով՝ անցնելով Ամերիկյան գետի հյուսիսային ճյուղի վրայով։ Այն Կալիֆոռնիայի ամենաբարձր կամուրջն է (բարձրությունը՝ 220 մետր գետի մակերևույթից), ԱՄՆ-ում՝ չորրորդ բարձրությամբ, և աշխարհի ամենաբարձր 70 կամուրջներից մեկը։

Պատմություն

Ֆորեսթհիլ կամուրջը ի սկզբանե կառուցվել էր Ամերիկյան Գետի վրայով անցնող անցումը փոխարինելու նպատակով։ Կամուրջը գտնվում է գետից 220 մետր բարձրության վրա։ Կամուրջը 1971 թվականին պատրաստել է Kawasaki Heavy Industries-ը, իսկ կառուցել է Willamette Western Contractors ընկերությունը։ Ոտքով կարելի է անցնել կամրջի ողջ երկարությամբ երկու ուղղություններով։

Սեյսմակայունացման նախագծի աշխատանքները սկսվել են 2011 թվականի հունվարին և ավարտվել 2015 թվականին՝ մոտավոր 74.4 միլիոն դոլար բյուջեով^[1]^[2]։ Կամրջի սկզբնական կառուցման արժեքը եղել է 13 միլիոն դոլարից պակաս։

Մեդիայում

Կամուրջը հայտնվում է 2002 թվականի XXX ֆիլմի սկզբում, որտեղ Վին Դիզելի կերպարը՝ Քսանդեր Քեյջը, վարում է գողացված կարմիր Chevrolet Corvette-ը և ցատկում է կամուրջից, մեքենայից դուրս է թռչում թռիչքի պահին և պարաշյուտով իջնում Ամերիկյան Գետի Կիրճի հատակ, որտեղ նրան սպասում են իր համախոհները։

Կամուրջը նաև հայտնվում է «Տգեղ ճշմարտությունը» ֆիլմի ավարտին մոտ հատվածում^[3], ինչպես նաև տարբեր սպորտային պարագաների գովազդներում։

Ինքնասպանություններ

Իր բարձրության պատճառով Ֆորեսթհիլ կամուրջը հայտնի է նաև որպես ինքնասպանության վայր։ 2024 թվականի փետրվարի տվյալներով՝ կամրջի կառուցումից ի վեր գրանցվել է 102 ինքնասպանություն^[4]։ 2011–2015 թվականներին իրականացված վերանորոգման աշխատանքների շրջանակում կամրջի վրա կառուցվել է 2 մետրանոց պատնեշ, որը նախատեսված է նման փորձերը կանխելու համար^[5]։

Հրդեհ (2021)

Bridge Fire հրդեհը բռնկվել էր Ֆորեսթհիլ կամրջի տակ 2021 թվականի սեպտեմբերի 5-ին և շարունակվել ընդհանուր առմամբ 9 օր։ Հրդեհը այրել է 166 հեկտար տարածք։ Արձանագրվել է մեկ տուժած անձ^[6]։

Ծանոթագրություններ

↑ Auburn Journal. «Placer supes OK $65 million in Foresthill Bridge contracts». Վերցված է 2011 թ․ հունվարի 8-ին.
↑ «Placer County:Foresthill Bridge Project». Արխիվացված է օրիգինալից 2021 թ․ ապրիլի 14-ին. Վերցված է 2011 թ․ ապրիլի 2-ին.
↑ Auburn Journal. «Foresthill Bridge shot spans scenic moment for new film». Վերցված է 2010 թ․ օգոստոսի 21-ին.
↑ Stacey Adams (2024 թ․ փետրվարի 13). «Monday suicide confirmed at Foresthill Bridge». Gold Country Media. Վերցված է 2024 թ․ փետրվարի 14-ին.
↑ Gus Thomson, Journal Staff Writer. «Higher Foresthill Bridge barriers poised for installation». Վերցված է 2017 թ․ մայիսի 22-ին.
↑ Cal Fire. «Bridge Fire». Վերցված է 2021 թ․ սեպտեմբերի 6-ին.

Արտաքին հղումներ

[1] Auburn Journal. «Placer supes OK $65 million in Foresthill Bridge contracts». Վերցված է 2011 թ․ հունվարի 8-ին.

[2] «Placer County:Foresthill Bridge Project». Արխիվացված է օրիգինալից 2021 թ․ ապրիլի 14-ին. Վերցված է 2011 թ․ ապրիլի 2-ին.

[3] Auburn Journal. «Foresthill Bridge shot spans scenic moment for new film». Վերցված է 2010 թ․ օգոստոսի 21-ին.

[4] Stacey Adams (2024 թ․ փետրվարի 13). «Monday suicide confirmed at Foresthill Bridge». Gold Country Media. Վերցված է 2024 թ․ փետրվարի 14-ին.

[5] Gus Thomson, Journal Staff Writer. «Higher Foresthill Bridge barriers poised for installation». Վերցված է 2017 թ․ մայիսի 22-ին.

[6] Cal Fire. «Bridge Fire». Վերցված է 2021 թ․ սեպտեմբերի 6-ին.

[1]

[2]

[3]

[4]

[5]

[6]