Ֆոչա
Անվան այլ կիրառումների համար տե՛ս՝ Ֆոչա (այլ կիրառումներ)
| Բնակավայր | |||
|---|---|---|---|
| |||
 | |||
| Երկիր |  Բոսնիա և Հերցեգովինա | ||
| Մակերես | 208 կմ² | ||
| ԲԾՄ | 442 մետր | ||
| Բնակչություն | 12 334 մարդ (2013)[1] | ||
| Ժամային գոտի | Կենտրոնական եվրոպական ժամանակ և UTC+1 | ||
| Հեռախոսային կոդ | 58 | ||
| Փոստային դասիչ | 73300 | ||
| Պաշտոնական կայք | opstinafoca.rs.ba | ||
| |||
.svg)
Ֆոչա (բոս․՝ Foča, սերբ.՝ Фоча / Foča, խորվ.՝ Foča), քաղաք Բոսնիա և Հերցեգովինայի արևելքում, Դրինա գետի ափին: 1994-2004 թվականներին քաղաքը կոչվել է Սրբինյե (Srbinje/Србиње): Ֆոչայի շրջանի վարչական կենտրոնն է:
Աշխարհագրություն[խմբագրել | խմբագրել կոդը]
Ֆոչան գտնվում է Չեռնոգորիայի և Սերբիայի սահմանին` ժայռոտ Հերցեգովինայի և անտառապատ Բոսնիայի սահմանագծին` Դրինա գետի ակունքի մոտ: Ֆոչայի հարևանությամբ են գտնվում Բոսնիա և Հերցեգովինայի ամենաբարձր կետը` Մագլիչ լեռը (2386 մ), Բոսնիա և Հերցեգովինայի միակ և Եվրոպայում խոշորագույն կուսական անտառը` Պերուչիցան: Այն մտնում է Սուտեսկա ազգային պարկի տարածքի մեջ: Այստեղ են գտնվում նաև երկրի ամենագեղեցիկ ջրվեժը և Տարա գետի կիրճը, որ խորությամբ ամենամեծն է Եվրոպայում և երկրորդը աշխարհում ԱՄՆ-ի նշանավոր Մեծ կիրճից հետո:
Անվանում և քաղաքականություն[խմբագրել | խմբագրել կոդը]
Միջնադարում քաղաքը հիշատակվել է հետևյալ անուններով Choçe, Coçça, Choza, Coçe, Chozza, Coza, Chotza, Hoča, Hotča: Այսպես, 1444 թվականի հուլիսին այն հիշատակվում է Խոտչե, իսկ 1467 թվականի օգոստոսին` Խոտչա անունով: Ենթադրում են, որ այս անունները առաջացել են Խոտկո անունից, որ ծագում է հին սլավոներեն hotjeti բառից: 1992 թվականի ապրիլին, երբ քաղաքը գրավեցին բոսնիական սերբերը, սկսվեցին էթնիկ զտումներ, որոնք ավարտվեցին 1994 թվականի հունվարին քաղաքի անվանափոխությամբ. քաղաքը ստացավ Սրբինյե անունը: Սակայն Բոսնիա և Հերցեգովինայի Սահմանադրական դատարանը այդ որոշումը համարեց ոչ օրինական, և 2004 թվականի փետրվարին քաղաքը վերստացավ հին անվանումը:
Բնակչություն[խմբագրել | խմբագրել կոդը]
1971 թվական
- Բոսնիացիներ - 4.309 (46.54 %)
- Սերբեր - 4.148 (44.80 %)
- Խորվաթներ - 152 (1.64 %)
- Հարավսլովեններ - (0.54 %)
- Այլ - 598 (6.45 %)
- Ընդամենը - 9.257 (100 %)
1971 թվական
- Բոսնիացիներ - 5.526 (38.54 %)
- Սերբեր - 7.901 (55.11 %)
- Խորվաթներ - 74 (0.51 %)
- Հարավսլովեններ - 312 (2.17 %)
- Այլ - 522 (3.64 %)
- Ընդամենը - 14.335 (100 %)
2013 թվական
- Քաղաքի բնակչությունը 2013 թվականի մարդահամարի տվյալներով կազմել է 12.334 մարդ, Ֆոչա համայնքինը` 19.811 մարդ[2]:
Կրթություն[խմբագրել | խմբագրել կոդը]
Քաղաքում գործում է Արևելյան Սարաևոյի համալսարանի բժշկության ֆակուլտետը[3]:
Ծանոթագրություններ[խմբագրել | խմբագրել կոդը]
- ↑ http://www2.rzs.rs.ba/static/uploads/bilteni/popis/PreliminarniRezultati_Popis2013.pdf
- ↑ «Попис становништва, домаћинстава и станова у Босни и Херцеговини 2013 на територији Републике Српске — Прелиминарни резултати, Републички завод за статистику, Бања Лука, 2013.»։ Արխիվացված է օրիգինալից 2014-01-24-ին։ Վերցված է 2017-04-01
- ↑ Univerzitet u Istočnom Sarajevu. Fakulteti.(բոսն.)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ֆոչա կատեգորիայում։ |
| ||||||||||
