Ֆիլիպ Քրիստանվալ

Ֆիլիպ Քրիստանվալ; ֆրանսերեն՝ Philippe Christanval
Քաղաքացիությունը	Ֆրանսիա
Ծննդյան ամսաթիվ	օգոստոսի 31, 1978 (47 տարեկան)
Ծննդավայր	Փարիզ
Հասակ	185 սանտիմետր
Դիրք	պաշտպան

Ֆիլիպ Շառլ Լյուսիեն Կրիստանվալ (ֆրանսերեն՝ Philippe Charles Lucien Christanval, օգոստոսի 31, 1978(1978-08-31)^[1]^[2]^[3], Փարիզ), ֆրանսիացի ֆուտբոլիստ, կենտրոնական պաշտպան:

Կարիերա

Նրա ֆուտբոլային կարիերան սկսվել է 1998 թվականին «Մոնակոյում», որի կազմում անցկացրել է 81 խաղ և խփել 1 գոլ։ Այդ ժամանակաշրջանում «Մոնակոն» ուժեղ թիմ է եղել և հաջող կերպով հանդես է եկել Չեմպիոնների լիգայում, ինչի պատճառով Ֆիլիպով հետաքրքրվել են նաև եվրոպական շատ այլ ակումբներ։ 2000 թվականին Ֆիլիպը ճանաչվել է Ֆրանսիայի առաջնության լավագույն երիտասարդ ֆուտբոլիստ։

2001 թվականի հունիսին Ֆիլիպը 6,5 միլիոն ֆունտ ստեռլինգի դիմաց տեղափոխվել է «Բարսելոնա», սակայն կատալոնական ակումբի կազմում շատ քիչ խաղեր է անցկացրել։

2003/04 մրցաշրջանում «կապտանռնագույնների» ճամբարից ֆրանսիական «Մարսել» տեղափոխվելուց հետո 26-ամյա ֆուտբոլիստն ստացել է բազմաթիվ վնասվածքներ, ինչի պատճառով ակումբը ստիպված է եղել խզել պայմանագիրը (ժամկետի ավարտից երկու տարի շուտ)։

Նրանով հետաքրքրված են եղել լոնդոնյան «Արսենալը» և Մոսկվայի «Սպարտակը», սակայն վնասվածքի պատճառով երկու ակումբներն էլ հրաժարվել են նրա տրանսֆերից^[4]։

Արդյունքում Քրիստանվալը տեղափոխվել է «Ֆուլհեմ», որտեղ դարձել է հիմնական կազմի խաղացող, սակայն նույն վնասվածքները կրկին թույլ չեն տվել նրան հաստատվել թիմում։ 2008 թվականին «Ֆուլհեմի» հետ նրա պայմանագրի ժամկետն ավարտվել է, և ակումբը չի երկարաձգել այն։ Ֆիլիպն ստացել է ազատ գործակալի կարգավիճակ, նրանով հետաքրքրված է եղել «Բլաքբըրն Ռովերս»։ Լուրեր են շրջանառվել նաև MLS-ը ներկայացնող «Տորոնտո» տեղափոխվելու հնարավորության մասին, ինչը, սակայն, տեղի չի ունեցել։ Մի քանի ամիս առանց ֆուտբոլի մնալուց հետո Քրիստանվալը որոշեց ավարտել կարիերան^[5]։

Անձնական կյանք

2003 թվականի հոկտեմբերի 31-ին Քրիստանվալը հայտարարել է, որ իսլամ է ընդունել^[6], ինչը հաստատել Է նաև Ֆրանսիայի հավաքականում իր գործընկեր Թիերի Անրին^[7]։ Քրիստանվալը նաև հայտարարել է, որ երկար տարիների ընթացքում պահք է պահել Ռամադան ամսին, և որ թիմերի մարզիչները դեմ չեն եղել դրան։

Ծանոթագրություններ

1 2 Transfermarkt.com(բազմ․) — 2000.
1 2 Enciclopèdia de l'esport català (կատ.) — Grup Enciclopèdia, 2012.
1 2 Արգենտինական ֆուտբոլի տվյալների շտեմարան (իսպ.)
↑ ««Спартак» заинтересован в приобретении Филиппа Кристанваля — Новости — Советский спорт». Արխիվացված օրիգինալից 2016-09-20-ին. Վերցված է 2009-06-04-ին. {{cite web}}: no-break space character in |title= at position 59 (օգնություն)
↑ Le ramadan, pas un obstacle à la pratique du foot(չաշխատող հղում)
↑ PHILIPPE CHRISTANVAL converti à l’islam. Արխիվացված է Օգոստոս 24, 2007 Wayback Machine-ի միջոցով:
↑ [Vidéo] Thierry Henry louange l’islam sur Al-Jazeera? Արխիվացված է Օգոստոս 28, 2011 Wayback Machine-ի միջոցով:

[_4a9fadea949e5145-1] 1 2 Transfermarkt.com(բազմ․) — 2000.

[_cd3dcac231b164d0-2] 1 2 Enciclopèdia de l'esport català (կատ.) — Grup Enciclopèdia, 2012.

[_2fdc6e68c4caab53-3] 1 2 Արգենտինական ֆուտբոլի տվյալների շտեմարան (իսպ.)

[4] ««Спартак» заинтересован в приобретении Филиппа Кристанваля — Новости — Советский спорт». Արխիվացված օրիգինալից 2016-09-20-ին. Վերցված է 2009-06-04-ին. {{cite web}}: no-break space character in |title= at position 59 (օգնություն)

[5] Le ramadan, pas un obstacle à la pratique du foot(չաշխատող հղում)

[6] PHILIPPE CHRISTANVAL converti à l’islam. Արխիվացված է Օգոստոս 24, 2007 Wayback Machine-ի միջոցով:

[7] [Vidéo] Thierry Henry louange l’islam sur Al-Jazeera? Արխիվացված է Օգոստոս 28, 2011 Wayback Machine-ի միջոցով:

[1]

[2]

[3]

[4]

[5]

[6]

[7]