Ֆիլիպ Կաուֆման (անգլ.՝ Philip Kaufman. հոկտեմբերի 23, 1936(1936-10-23)[1][2], Չիկագո, Իլինոյս, ԱՄՆ), ամերիկացի կինոռեժիսոր, սցենարիստ և պրոդյուսեր։ Գերմանիայից Ամերիկայի Միացյալ Նահանգներ գաղթած հրեաների թոռ է[3]Ջորջ Լուկասի հետ միասին նա Ինդիանա Ջոնսի հեղինակն է։ Կաուֆմանի հիշարժան ռեժիսորական աշխատանքներից են նաև Գոյության անտանելի թեթևությունը, Հեմինգուեյ և Գելհորն կինոերկերը (վերջինիս համար նրան հեղինակավոր «Էմմի» մրցանակ է շնորհվել)։ Հինգ տասնամյակ ձգված ռեժիսորական կարիերայի ընթացքում նկարահանել է տասնհինգ ֆիլմ, ընդ որում՝ դրանք պատկանում են ամենատարբեր ուղղությունների՝ ռեալիզմ, ֆենտեզի, էրոտիկա, վեստերն, դետեկտիվ, սարսափ ֆիլմ...