Ֆիլիպ Կալդերոն

Վիքիպեդիայից՝ ազատ հանրագիտարանից
Jump to navigation Jump to search
Ֆիլիպ Կալդերոն
Philip Hermogenes Calderon by Philip Hermogenes Calderon.jpg
Ծնվել էմայիսի 3, 1833(1833-05-03)[1][2][3][…]
ԾննդավայրՊուատիե
Վախճանվել էապրիլի 30, 1898(1898-04-30)[1][2][3][…] (64 տարեկան)
Մահվան վայրԼոնդոն, Մեծ Բրիտանիայի և Իռլանդիայի միացյալ թագավորություն[4]
ՔաղաքացիությունFlag of the United Kingdom.svg Մեծ Բրիտանիայի և Իռլանդիայի միացյալ թագավորություն
Մասնագիտություննկարիչ
Ժանրպատմական գեղանկարչություն
ԱնդամակցությունԳեղարվեստի թագավորական ակադեմիա
ՀայրJuan Calderón?
ԶավակներWilliam Frank Calderon?[5] և George Calderon?
Philip Hermogenes Calderon Վիքիպահեստում

Ֆիլիպ Հերմոգենես Կալդերոն, (մայիսի 3, 1833(1833-05-03)[1][2][3][…], Պուատիե - ապրիլի 30, 1898(1898-04-30)[1][2][3][…], Լոնդոն, Մեծ Բրիտանիայի և Իռլանդիայի միացյալ թագավորություն[4]), ֆրանսիական (մայրը) և իսպանական (հայրը) ծագումով անգլիացի, պատմական ժանրի նկարիչ: Եղել է Լոնդոնի Գեղարվեստի թագավորական ակադեմիայի անդամ:

Կենսագրություն[խմբագրել | խմբագրել կոդը]

«Ռութը, Բոասը և Նաոմին»
«Դրժված խոստում» (1856, Թեյթ բրիտանական պատկերասրահ)
«Խաղողի որթ»

Կալդերոնը ծնվել է Ֆրանսիայի Պուատիե քաղաքում: Նրա հայրը՝ Ռիվերենդ Ժան Կալդերոնը (*01791-04-19 19 ապրիլի 1791, Վիլյաֆրանկա դե լոս Կաբալիերոսում, † 01854-01-28 28 հունվարի 1854, Լոնդոն), իսպանական գրականության պրոֆեսոր և հռոմեական կաթոլիկ եկեղեցու քահանա, ով դարձել էր անգլիական եկեղեցու անդամ: Կալդերոնը ցանկանում էր դառնալ ինժեներ, սակայն նրան այնքան հետաքրքրեց նկարչությունը, որ նա մտափոխվեց և նվիրվեց կերպարվեստին: 1850 թվականին սովորում է լոնդոնի Լեյ նկարչական դպրոցում, այնուհետև, 1851 թվականին մեկնում է Փարիզ և սովորում Ֆրանսուա Էդուարդ Պիկոի մոտ: Նրա առաջին հաջողության արժանացած նկարը կոչվում է «Բաբելոնի ջրերի մոտ» (1852), որին հաջորդեց «Դրժված խոստում» (1856) նկարը: Սկզբնական շրջանում նա ոգեշնչվում էր Փրի-Ռաֆաելիթիս միության նկարիչական ոճով և որոշ աշխատանքներ արտահայտում են այդ ոճին բնորոշ գունային խորություն և ռեալիստական պատկերներ: 1872 թվականին Կալդերոնը իր նկարը ցուցահանդեսի է ներկայացնում Գեղարվեստի թագավորական ակադեմիայում (Լոնդոն)[6]:

Կալդերոնը դառնում է Սուրբ Ջոն Վուդ Կլիքի գլխավոր անդամներից, ովքեր հետաքրքրվում էին ժամանակակից և մոդեռն ժանրերով և ոգեշնչվում Փրի-Ռաֆաելիթիս միության գեղարվեստական և սոցիալական աշխատանքներով: Նրա հետագա աշխատանքներին բնորոշ էին բիբլիական և գրական թեմաներ: Շատ նկարներում պատկերված են թանկարժեք հագուստով կանայք՝ մետաքսե զգեստով՝ համադրված բնության նուրբ երանգներով: Նրա «Առավոտ» (1884) նկարում օրորդը դիտում է արևածագը:

«Ջուլիետ» (1888) նկարում Ուիլյամ Շեքսպիրի Ջուլիետը պատշգամբից դիտում է աստղերը[7]: Նրա հետագա աշխատանքներում ավելի շատ արտահայտված է դասական ժանրը, որը Ֆրեդերիկ Լեյտոնի մտերմության հետևանք էր: 1887 թվականին Կալդերոնը դառնում է Գեղարվեստի թագավորական ակադեմիայի անդամ և աջակցում է Թագավորական ակադեմիայի դպրոցներում ուսուցման զարգացմանը: «Էլիզաբեթի ինքնազոհողությունը» նկարը գտնվում է Թեյթ բրիտանական պատկերասրահում, սակայն հակասական կարծիքների պատճառ դարձավ, քանի որ հակակաթոլիկական բնույթի էր:


Ստեղծագործություններ[խմբագրել | խմբագրել կոդը]

  • «Բաբելոնի ջրերի մոտ» (1852, Թեյթ բրիտանական պատկերասրահ, Լոնդոն)
  • «Տեր իմ, օգնի՛ր» (1855, Յեյլ բրիտանական գեղարվեստի կենտրոն, Նյու Հեյվեն)
  • «Դրժված խոստում» (Հնարավոր չի ասել, թե որքան շատ սրտեր են կոտրվում այս աշխարհում -Լոնգֆելոու) (Թեյթ բրիտանական պատկերասրահ)
  • «Ֆրանսիացի գյուղացիները գտնում են իրենց կորած երեխաներին» (1859, անձնական հավաքածու)
  • «Արյունահողություն Սուրբ Բարվոլոմյում» (1863, անձնական հավաքածու)
  • «Մարգարիտ» (1876,Մանչեստրի պատկերասրահ)
  • «Առավոտ» (1884)
  • «Ջուլիետ» (1888)
  • «Էլիզաբեթի ինքնազոհողությունը» (1891, Թեյթ բրիտանական պատկերասրահ)


Պատկերասրահ[խմբագրել | խմբագրել կոդը]

Գրականություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Benezit Dictionary of Artists — 2006. — ISBN 978-0-19-977378-7
  2. 2,0 2,1 2,2 2,3 2,4 Mapping the Practice and Profession of Sculpture in Britain and Ireland 1851–1951
  3. 3,0 3,1 3,2 3,3 3,4 Grove Art Online / J. Turner[Oxford, England], Houndmills, Basingstoke, England, New York: OUP, 1998. — ISBN 978-1-884446-05-4
  4. 4,0 4,1 4,2 https://rkd.nl/explore/artists/14774
  5. Union List of Artist Names — 2017.
  6. W. W. Fenn, 'Our Living Artists: Philip Hermogenes Calderon RA', Magazine of Art, December 1878, pp. 197–202.
  7. «The Artists»։ Shakespeare Illustrated։ Emory University։ 2003։ Արխիվացված է օրիգինալից 2 November 2013-ին։ Վերցված է 2013-11-01 

Արտաքին հղումներ[խմբագրել | խմբագրել կոդը]