Jump to content

Ֆեռնանդո Ռիքսեն

Վիքիպեդիայից՝ ազատ հանրագիտարանից
Ֆեռնանդո Ռիքսեն
հոլ.՝ Fernando Ricksen
Քաղաքացիությունը  Նիդերլանդների Թագավորություն
Ծննդյան ամսաթիվ հուլիսի 27, 1976(1976-07-27)[1]
Ծննդավայր Հեյրլեն, Լիմբուրգ, Նիդերլանդներ
Մահվան ամսաթիվ սեպտեմբերի 18, 2019(2019-09-18)[2] (43 տարեկան)
Մահվան վայր Էյրդրի, North Lanarkshire, Շոտլանդիա, Միացյալ Թագավորություն
Հասակ 175 սանտիմետր
Քաշ 73 կգ
Դիրք կենտրոնական պաշտպան և full-back

Ֆեռնանդո Ռիքսեն (հոլ.՝ Fernando Ricksen, հուլիսի 27, 1976(1976-07-27)[1], Հեյրլեն, Լիմբուրգ, Նիդերլանդներ - սեպտեմբերի 18, 2019(2019-09-18)[2], Էյրդրի, North Lanarkshire, Շոտլանդիա, Միացյալ Թագավորություն), հոլանդացի ֆուտբոլիստ, որը խաղացել է աջ և հենակետային կիսապաշտպանի դիրքերում։

Կարիերա

[խմբագրել | խմբագրել կոդը]

Ակումբային

[խմբագրել | խմբագրել կոդը]

Ֆեռնանդո Ռիքսենը Կերկրադի «Ռոդա» ակումբի ֆուտբոլային ակադեմիայի սան է: 1993 թվականին նորամուտն է նշել Սիտտարդի «Ֆորտունա» ակումբի հիմնական կազմում՝ ակումբի հետ առաջին դիվիզիոնից դուրս գալով Բարձրագույն խումբ։ Նրա կարիերայի հաջորդ ակումբը ԱԶ Ալկմար-ն էր։

2000 թվականին 3,6 միլիոն ֆունտով տեղափոխվել է շոտլանդական «Ռեյնջերս»։ 2004-05 մրցաշրջանում դարձել է ակումբի լավագույն ֆուտբոլիստ, որոշ խաղերում դաշտ է դուրս եկել ավագի թևկապով։ Ռիքսենը նաև Ջոն Հարթսոնի հետ կիսել է «ՇՊՖԻ ֆուտբոլիստների վարկածով Տարվա խաղացող» տիտղոսը։

2006 թվականի ամռանը հոլանդացի մարզիչ Դիկ Ադվոկատը նրան հրավիրել է ռուսական «Զենիթ»։ Ի սկզբանե Ռիքսենը վարձակալվել է, իսկ 2006 թվականի նոյեմբերին նրա տրանսֆերը գնվել է։ 2009 թվականի ամռան վերջին ակումբը խզել է պայմանագիրը ֆուտբոլիստի հետ՝ կարգապահությունը խախտելու համար[3]։

Դրանից հետո Ռիքսենը վերադարձել է ակումբ, որի կազմում 1993 թվականին սկսել է իր պրոֆեսիոնալ կարիերան՝ Նիդերլանդների առաջին դիվիզիոնի «Ֆորտունա»[4]։ 2013 թվականին Ռիքսենն ավարտել է պրոֆեսիոնալ կարիերան և շարունակել է խաղալ սիրողական մակարդակով Նյուտ գյուղի «Մինոր» թիմում, որը մարզում էր նրա եղբայրը[5]։

Ազգային հավաքականում

[խմբագրել | խմբագրել կոդը]

Հանդես է եկել Նիդերլանդների պատանեկան հավաքականում (մինչև 18 տարեկան)։ 2001 թվականին իր նորամուտը նշել է Նիդերլանդների ազգային հավաքականի կազմում Իսպանիայի դեմ խաղում։ 2001-2003 թվականներին հավաքականի կազմում անցկացրել է 12 հանդիպում։

Բնավորություն և անձնական կյանք

[խմբագրել | խմբագրել կոդը]

Հայտնի էր իր անզուսպ բնավորությամբ։ «Ռեյնջերսում» նա ծեծկռտուք է ունեցել Անդրեյ Կանչելսկիսի հետ, իսկ «Զենիթում» Ռիքսենը կռվել է հենց իսպանական «Մալագայի» դեմ ընկերական հանդիպման ժամանակ իր ակումբակից Վլադիսլավ Ռադիմովի հետ։ Մի քանի ամիս անց խաղացողներն անկեղծ զրույց ունեցան և հաշտվեցին[6]։

Կինը՝ Վերոնիկա, դուստրը՝ Իզաբելլա (Ծն. 2012).

Ռիքսենը հայտարարել է, որ իր ողջ կարիերայի ընթացքում ալկոհոլի հետ կապված խնդիրներ է ունեցել և վեց շաբաթ անցկացրել վերականգնողական կենտրոնում[7]։

Հիվանդություն և մահ

[խմբագրել | խմբագրել կոդը]

2013 թվականի հոկտեմբերին հայտարարել է, որ իրեն ախտորոշվել է կողմնային ամիոտրոֆիկ սկլերոզ[8]։

2018 թվականի հունվարին «Ֆորտունա» ֆուտբոլային ակումբը կանգնեցրել է Ռիքսենի հուշարձանը, որը գտնվում էր Սիտարտ քաղաքի թիմի մարզադաշտի դիմացի ծառուղում։ Բացման արարողությանը ներկա են եղել տարբեր թիմերից Ռիքսենի նախկին թիմակիցներից շատերը, ինչպես նաև ինքը[9]։

2018 թվականի մայիսին Ռիքսենի ընկեր և կենսագիր Վինսենթ Դե Վրիսը հայտնել էր, որ ֆուտբոլիստը կորցրել է խոսելու ունակությունը[10]։ 2018 թվականի հոկտեմբերին Շոտլանդիայում գտնվելու ժամանակ կրծքավանդակի ցավի պատճառով տեղափոխվել է հիվանդանոց, իսկ երկու ամիս անց հիվանդանոցից տեղափոխվել է Էրդրի քաղաքի հոսփիս[11]։ Հայտնվել է ամբողջովին կաթվածահար։

2019 թվականի հունիսի 9-ին Ռիքսենը խոսքի գեներացնող սարքի օգնությամբ ձայնագրել է իր հրաժեշտի երեկոյի ուղերձը։ Միջոցառումը տեղի է ունեցել ամսի 28-ին Գլազգոյի հյուրանոցներից մեկում։ Դա չի նշանակում, որ ֆուտբոլիստը որոշում է կայացրել դադարեցնել պայքարն անբուժելի հիվանդության դեմ, նա պատրաստվում էր շարունակել պայքարը, սակայն մտադիր չէր այդ պահից հանրությանը ներկայանալ[12][13][14]։ Մահացել է 2019 թվականի սեպտեմբերի 18-ի առավոտյան[15][16]։

Վիճակագրություն

[խմբագրել | խմբագրել կոդը]

Ռիքսենի հանդիպումները Նիդերլանդների հավաքականի կազմում

[խմբագրել | խմբագրել կոդը]

Ընդհանուր՝ 12 խաղ / 0 գոլ; 9 հաղթանակ, 3 Ոչ-ոքի, 0 պարտություն:

Ձեռքբերումներ

[խմբագրել | խմբագրել կոդը]
  • Շոտլանդիայի չեմպիոն (2)։ 2002/03, 2004/05
  • 2-րդ տեղ Շոտլանդիայի առաջնությունում (3)։ 2000/01, 2001/02, 2003/04
  • 3-րդ տեղ Շոտլանդիայի առաջնությունում։ 2005/06
  • Շոտլանդիայի գավաթակիր (2)։ 2001/02, 2002/03
  • Շոտլանդական լիգայի գավաթակիր (3)։ 2000/01, 2002/03, 2004/05
  • Ռուսաստանի չեմպիոն՝ 2007
  • Ռուսաստանի սուպերգավաթակիր։ 2008
  • ՈՒԵՖԱ գավաթակիր՝ 2007/08
  • ՈՒԵՖԱ-ի սուպերգավաթակիր։ 2008

Ծանոթագրություններ

[խմբագրել | խմբագրել կոդը]
  1. 1 2 Transfermarkt.com(բազմ․) — 2000.
  2. 1 2 https://mobile.twitter.com/RangersFC/status/1174267666607104000
  3. ↑ ««Зенит» расторг контракт с Риксеном». Արխիվացված օրիգինալից 2013 թ․ նոյեմբերի 1-ին. Վերցված է 2013 թ․ հունիսի 17-ին.
  4. ↑ «Риксен трудоустроится во второй лиге Голландии». Արխիվացված օրիգինալից 2013 թ․ նոյեմբերի 1-ին. Վերցված է 2013 թ․ հունիսի 17-ին.
  5. ↑ «Бывший полузащитник «Зенита» Риксен завершил карьеру». Արխիվացված օրիգինալից 2013 թ․ հունիսի 21-ին. Վերցված է 2013 թ․ հունիսի 17-ին.
  6. ↑ «Фернандо Риксен: Сказал Радимову: «Ты ничтожный футболист. Займись чем-то другим, бесталанный мешок!»». Արխիվացված օրիգինալից 2017 թ․ դեկտեմբերի 7-ին. Վերցված է 2021 թ․ մարտի 7-ին.
  7. ↑ «Риксен: пью до тех пор, пока стою на ногах». Արխիվացված օրիգինալից 2013 թ․ նոյեմբերի 1-ին. Վերցված է 2013 թ․ հունիսի 17-ին.
  8. ↑ «Экс-футболист «Зенита» Риксен болен амиотрофическим склерозом». Արխիվացված օրիգինալից 2013 թ․ նոյեմբերի 2-ին. Վերցված է 2013 թ․ հոկտեմբերի 30-ին.
  9. ↑ «Прижизненный памятник Фернандо Риксену открыли в Голландии». Արխիվացված օրիգինալից 2018 թ․ հունիսի 22-ին. Վերցված է 2018 թ․ հունիսի 22-ին.
  10. ↑ «Бывший игрок Зенита Риксен потерял способность говорить». Արխիվացված օրիգինալից 2018 թ․ մայիսի 8-ին. Վերցված է 2018 թ․ մայիսի 8-ին.
  11. ↑ «Ricksen moet in Schotland blijven: 'Ik heb geen andere keus'» (հոլանդերեն). vi.nl. Վերցված է 2019 թ․ հունվարի 13-ին. {{cite web}}: Italic or bold markup not allowed in: |publisher= (օգնություն)
  12. ↑ «Фернандо Риксен объявил о своём прощальном вечере». Արխիվացված օրիգինալից 2019 թ․ հունիսի 11-ին. Վերցված է 2019 թ․ հունիսի 10-ին.
  13. ↑ «Фернандо Риксен не собирается делать эвтаназию». Արխիվացված օրիգինալից 2019 թ․ հունիսի 12-ին. Վերցված է 2019 թ․ հունիսի 25-ին.
  14. ↑ «Риксен появился на публике в последний раз». Արխիվացված օրիգինալից 2019 թ․ հունիսի 29-ին. Վերցված է 2019 թ․ հունիսի 29-ին.
  15. ↑ «Умер экс-игрок «Зенита» Фернандо Риксен» (ռուսերեն). NEWS.ru. Վերցված է 2019 թ․ սեպտեմբերի 18-ին.
  16. ↑ «Скончался экс-полузащитник «Зенита» Фернандо Риксен». sport-express.ru. 2019 թ․ սեպտեմբերի 18. Արխիվացված օրիգինալից 2019 թ․ սեպտեմբերի 20-ին. Վերցված է 2019 թ․ սեպտեմբերի 18-ին.

Արտաքին հղումներ

[խմբագրել | խմբագրել կոդը]
Ստացված է «https://hy.wikipedia.org/w/index.php?title=Ֆեռնանդո_Ռիքսեն&oldid=10762585» էջից