Ֆելիքս Վարդանյան
- Վիքիպեդիայում կան հոդվածներ Վարդանյան ազգանունով այլ մարդկանց մասին։
 | |
|---|---|
| Ծնվել է | 1936 |
| Ծննդավայր | Մոսկվա, ԽՍՀՄ |
| Քաղաքացիություն |  Ռուսաստան |
| Ազգություն | հայ |
| Մասնագիտություն | հոգեբույժ, մանկավարժ և հասարակական գործիչ |
| Գիտական աստիճան | բժշկական գիտությունների դոկտոր և պրոֆեսոր |
Ֆելիքս Ենոքի Վարդանյան (1936, Մոսկվա, ԽՍՀՄ), հայ հոգեբույժ, մանկավարժ, հասարակական գործիչ։ Բժշկագիտության դոկտոր, հոգեբուժության պրոֆեսոր։
Կենսագրություն[խմբագրել | խմբագրել կոդը]
Ֆելիքս Վարդանյանը ծնվել է 1936 թվականին Մոսկվայում[1]։ 1961 թվականին ավարտել է Մոսկվայի 2-րդ բժշկական ինստիտուտը, այնուհետև աշխատել է պրակտիկ առողջապահության ոլորտում։ 1966-1973 թվականներին աշխատել է ԽՍՀՄ ԲԳԱ Հոգեբուժության ինստիտուտում որպես կլինիկական բաժանմունքի վարիչ։ 1970 թվականին Մոսկվայի Վ. Սերբսկու անվան դատական հոգեբուժության կենտրոնական գիտահետազոտական ինստիտուտում պաշտպանել է թեկնածուական թեզ՝ «Թերապևտիկական պաթոմորֆոզը պատանեկան չարորակ ընթացող շիզոֆրենիայի կլինիկայում» թեմայով և ստացել բժշկագիտության թեկնածուի գիտական աստիճան։ 1973-1980 թվականներին աշխատել է Առողջապահության համաշխարհային կազմակերպության (ԱՀԿ) շտաբ-բնակարանում՝ ղեկավարելով նյարդա-կենսաբանության և հոգե-դեղաբանության ծրագրերը։ 1980 թվականից աշխատում է Հետբուհական կրթության ռուսական բժշկական ակադեմիայում՝ որպես միջազգային առողջաահության ամբիոնի վարիչ և պրոռեկտոր[2][3]։ Հանդիսանում է ԱՀԿ շտաբ-բնակարանի խորհրդականը, Եվրոպական խորհրդի Առողջապահության եվրոպական կոմիտեի ղեկավարության անդամ, արտասահմանյան ակադեմիաների պատվավոր անդամ[4]։
Հեղինակ է շուրջ 200 գիտական հրապարակումների, այդ թվում՝ 7 մենագրության։
Գիտական գործունեություն[խմբագրել | խմբագրել կոդը]
Գիտական գործունեությունը նվիրված է հոգեկան խանգարումնեի վրա հոգե-դեղաբանական միացությունների ազդեցության և նրանց կենսաբանական կորելատների, հիմնական հոգեկան հիվանդությունների պատճառագիտության և ախտածագման հարցերի ուսումնասիրությանը, աշխարհի տարբեր շրջաններում հոգեկան հիվանդությունների բուժման արդյունավետ մեթոդների մշակմանը, ինչպես նաև միջազգային առողջապահության և առողջապահության կազմակերպիչների պատրաստման ժամանակակից խնդիրներին։
Գրականություն[խմբագրել | խմբագրել կոդը]
- Айриян А.П. Армянские учёные-медики // Ер., 1998 - ISBN 99930-1-001-7.
Ծանոթագրություններ[խմբագրել | խմբագրել կոդը]
- ↑ "И УСТАВАЛО СЕРДЦЕ ПЛАКАТЬ..."(չաշխատող հղում)
- ↑ «Состав Оргкомитета». www.surgitron.ru. Արխիվացված է օրիգինալից 2011 թ․ մայիսի 2-ին. Վերցված է 2016 թ․ դեկտեմբերի 15-ին.
- ↑ «Кафедра международного здравоохранения и иностранных языков». Российская Медицинская Академия Последипломного Образования (РМАПО). Արխիվացված է օրիգինալից 2016 թ․ մայիսի 8-ին. Վերցված է 2016 թ․ դեկտեմբերի 15-ին.
- ↑ Ֆելիքս Վարդանյանի կենսագրությունը ru.hayazg.info կայքում
Աղբյուրներ[խմբագրել | խմբագրել կոդը]
- Հարություն Մինասյան, 100 հայ հոգեբույժներ, Գիրք Ա, Երևան, 2002։