Ֆելիքս Սիմոնյան

Վիքիպեդիայում կան հոդվածներ Սիմոնյան ազգանունով այլ մարդկանց մասին։

Ֆելիքս Սիմոնյան
Ծնվել է	ապրիլի 27, 1942 (83 տարեկան) Երևան, Հայկական ԽՍՀ, ԽՍՀՄ
Մասնագիտություն	թավջութակահար, կոմպոզիտոր և մանկավարժ
Գործիքներ	թավջութակ
Կրթություն	Երևանի միջնակարգ մասնագիտական երաժշտական դպրոց Չայկովսկու անվան
Պարգևներ

Ֆելիքս Սիմոնյան (1942, ապրիլի 27, Երևան), հայ թավջութակահար, կոմպոզիտոր, մանկավարժ, ՀԽՍՀ վաստակավոր արտիստ (1984 թ.)։

Կենսագրություն

Ֆելիքս Սիմոնյանը ծնվել է Երևանում։ 1960 թվականին ավարտել է Երևանի Պյոտր Չայկովսկու անվան երաժշտական դպրոցը։ Աշակերտել է ռուս դիրիժոր, թավջութակահար Մստիսլավ Ռոստոպովիչին։ 1976-1990 և 1990-2000 թվականներին եղել է Երևանի Կոմիտասի անվան պետական լարային քառյակի թավջութակահարը։ Մենահամերգներով և քառյակի կազմում հանդես է եկել Փարիզի «Gaveau Halls»-ում, Վիեննայի պետական թատրոնում, Զալցբուրգի Մոցարտեումում, Ստոկհոլմի թագավորական, Վենետիկի Դոժերի պալատում, Բուենոս Այրեսի «Colon» համերգասրահում, Պորտուգալիայի «Գալուստ Գյուլբենկյան հիմնադրամում»։ Կատարել է Ֆրանց Շուբերտի, Բեթհովենի, Օնեգերի, հայ կոմպոզիտորների ստեղծագործություններից։ Սիմոնյանի համար գրվել են ավելի քան 60 երկեր։ Նրա գրած երաժշտությունները կատարվել են Հայաստանում, Ռուսաստանում, Մոլդովայում, Վրաստանում, Հունաստանում, Շվեդիայում, Իսպանիայում, Պորտուգալիայում, Ֆրանսիայում և այլուր։

Ստեղծագործություններ

• «Նարեկացի»
• «Տեսանելիից վեր»
• «Կիլիկիա»

Գործիքավորումներ

• Մ. Մառե՝ «Ֆոլիա»
• Գ. Ֆրեսկոբալդի՝ «Կասսադո», « Տոկկատա»

Պարգևներ, մրցանակներ

• ՀԽՍՀ վաստակավոր արտիստ, 1984 թ.
• ՀՀ պետական մրցանակ

Տես նաև

• Կոմիտասի անվան պետական լարային քառյակ

Արտաքին հղումներ

• Կոմիտասի անվան ազգային քառյակ Արխիվացված 2016-03-22 Wayback Machine
• Կատարումներ muziekweb կայքում
• Félix Simonian : Violoncelle et composition Luciné Simonian : piano, textes, peintures